قازاق دۇنيەتانىمى يماندىلىق پەن ادامگەرشىلىكتى ەگىز ۇعىم دەپ قابىلدايدى. ال قازىرگى ءدىندارلار "يماندىلىقتى" ادامگەرشىلىكتەن ءبولىپ الىپ كەتكىسى كەلەدى. ءسويتىپ، ءدىني ساباق وتكىزبەسە، مەكتەپ بالالارى يماندىلىقتان جۇرداي قالادى دەپ سوعادى. ياعني، ونى "بارشا قازاق ادامگەرشىلىكتەن ادا بولادى" دەگەن ماعىناعا كەلتىرۋى، ءسويتىپ، ساناعا ء"دىنسىز كۇنىڭ قاراڭ" دەگەن وي تاستاۋى مۇمكىن...

ال، شىندىعىندا، ءاربىر قازاق وتباسى ءوز ۇرپاعىن الدىمەن قازاق ءداستۇرى مەن مادەنيەتىنە سايكەس تاربيەلەيدى ەمەس پە؟ ۇلت بولىپ دامۋ ءۇشىن، ساقتالۋ ءۇشىن سولاي ەتۋگە مىندەتتى ەمەس پە؟ 

ول ءۇشىن قازاققا ءوزىنىڭ نەبىر اسىل سوزدەرى، ماقالدارى، اڭىزدارى، جالپى - قازاق دانالىعى مولىنان جەتكىلىكتى. (جەتپەي جاتسا ءبىر ءجون ). ول دانا سوزدەر ناعىز قازاقى قالىپتاعى ادامگەرشىلىككە جەتەلەيتىن تابيعي، قانىمىزعا سىڭگەن پەداگوگيكالىق قۇرالدار. 

...مىنە، وسىلاي، ءبىزدىڭ ءدىندارلار قازاقتىڭ كەڭپەيىلدىگىنەن اراجىگىن اجىراتا بەرمەيتىن "يماندىلىق" پەن "ادامگەرشىلىك" ۇعىمدارىنان "يماندىلىقتى" جەكە ء"ىلىپ" الىپ، ونىڭ الدىندا جانە سونىڭ ارقاسىندا "قازاقى پەداگوگيكاسىن" جوققا شاعارعىسى كەلەدى. تىپتەن، ۇمىتتىرعىسى كەلەدى.
سول سەبەپتى، ولاردىڭ ايتاتىندارى "ارابتىڭ انەبىر داناسى ولاي دەگەن، بىلاي دەگەن" سياقتى قاۋەسەت اڭگىمەلەر! 

ال، ناعىز جىگىتتىككە تاربيەلەيتىن مىڭداعان قازاق سوزدەرىن قۇلاقتارىنا قىستىرمايدى دا!. 

...ياعني، دىنشىلدەر، قالاسا دا، قالاماسا دا - ءوز ۇلتىنىڭ داستۇرىنە، تاريحىنا، ەجەلدەن كەلە جاتقان مادەنيەتىنە، قازاقى ويلاۋ قابىلەتىنە جانە "مەن قازاقپىن" دەگەن ۇلتتىق ماقتانىشىنا قارسى ادامدارعا اينالىپ بارادى.
ەندى، ەرەسەكتەردى قويىپ، كۇناسىز، پەرىشتە بالالاردىڭ ميىن اشىتسا نە بولادى؟ ... ءسويتىپ، ولار جاس بالالاردان وزدەرىمەن ءبىر شاڭىراق استىندا تۇرىپ جاتقان ۋاحابتار مەن سالافيلارگە "شيكىزات" كۇيىندەگى "دايىن ماتەريال" دايارلاپ بەرمە مە؟! ...ولار بولسا،،، ساقال سيپاپ... بالانى "جۇتۋعا" ءازىر!