مەملەكەت باسشىسىنىڭ «ۇلى دالانىڭ جەتى قىرى» اتتى ماقالاسى «رۋحاني جاڭعىرۋ» باعدارلامالىق ماقالاسىنىڭ جاراسىمدى جالعاسى ىسپەتتى. تاريحىمىزعا ۇڭىلسەك، قازاق حالقىنىڭ تاريحىندا ەلىمىزدىڭ ەڭبەگىنىڭ ەرەكشەلىگىن كورسەتەتىن ۇلى كەزەڭدەر بولعانىنا كۋا بولامىز.

ۇلى دالانى مەكەندەگەن دانا بابالارىمىز عىلىم-ءبىلىم سالاسىندا، تاريحتا ۇلى ىستەر جاساعان. تاريحتا تەرەڭ ءىز قالدىرعان ۇلى كەرۋەن جولدارى ارقىلى ساۋدا-ساتتىق جولدارىن جاساعان. ەگەر ءبىز ءححى عاسىردا سول ورتا عاسىرلارداعى ۇلى مەملەكەتتىڭ تۇعىرىن قايتادان بيىككە كوتەرگىمىز كەلسە، وندا ءبىز سول كەزدەردەگىدەي قادامدار جاساۋىمىز كەرەك. ياعني بىزدەر بۇگىن، سول كەزدەردەگىدەي عىلىم-بىلىمگە، يننوۆاتسياعا بارىنشا جاقىن بولۋىمىز كەرەك.

ەلباسى ماقالاسى ەلىمىزدى بىلىمگە باعىتتايدى. مەملەكەتىمىزدىڭ دامۋ تاريحىنداعى بۇل ماڭىزدى ماقالادا بۇرىن قول جەتكىزگەن تاريحي جەتىستىكتەرىمىزدى ءححى عاسىردا ۇمىتپاۋىمىز كەرەكتىگى تۋرالى ايتىلعان. شىنىندا دا، ەگەر ءححى عاسىردا ۇلكەن جەتىستىكتەرگە قول جەتكىزگىمىز كەلسە، وتكەنىمىزگە، تاريحىمىزعا تەرەڭ ءۇڭىلۋىمىز كەرەك. ەلباسى ءوزىنىڭ ماقالاسىندا حالقىمىزدىڭ تاريحتاعى جەتىستىكتەرىن جىكتەپ، ناقتى كورسەتىپ بەردى.

«ءبىز سول كەزدەرى جەتىستىككە قالاي جەتتىك؟ قانداي ۇلى ىستەر اتقاردىق؟ ءبىز وعان قانداي قادامدار جاسادىق؟» دەگەن ماڭىزدى ماسەلەنىڭ بارلىعى ماقالادا بار.

قازاق توپىراعىندا تۋىپ-وسكەن حالىق عىلىم-بىلىمگە، الەمدىك وركەنيەتتىڭ وركەندەۋىنە ۇلكەن ۇلەس قوسقان. ەلباسىنىڭ ماقالاسى بۇل ءسوزىمىزدىڭ ايقىن ايعاعى بولا الادى.

داۋرەن بابامۇراتوۆ

الماتى قالاسى قوعامدىق كەڭەسىنىڭ مۇشەسى

Abai.kz