اقتوبەدە تاڭعى اس ءىشىپ وتىرىپ ەلباسىنىڭ  "ۇلى دالانىڭ جەتى قىرى" اتتى ماقالاسىن وقىپ شىقتىم. جەتى قىرى دا جاقسى ويلارعا جەتەلەيدى. شىعاتىن ءتۇيىن- ءبىز ەشكىمنەن كەم ەمەسپىز! مىناۋ ۇلى دالادا ۇلىلار ءومىر ءسۇرىپ، ۇلى جاڭالىقتار اكەلگەن.

"ۇلى دالا تۇلعالارىنا" ارنالعان تاريحي-كوركەم فيلمدەر، سەريالدار ءتۇسىرۋ قاجەتتىلىگى جايلى ايتقان پرەزيدەنت ءسوزىن ەندى ناۋقانعا اينالدىرىپ، الگى تىلدەن، تاريحتان، داستۇردەن ماقۇرىم "پىسىقايلاردىڭ" قولىنا تاعى دا "ۇلى تۇلعالارىمىزدى" ۇستاتىپ جىبەرمەسە بولدى دەپ تە ۋايىمداپ وتىرمىن. وسى ۋاقىتقا دەيىن قازاقتىڭ مىقتىلارى جايلى دەنى دۇرىس ءبىر فيلم تۇسىرىلگەن جوق. ونى مويىنداۋ كەرەك! كينونىڭ ابايى اناۋ، ماحامبەتى مىناۋ بولدى. قاجىمۇقانىن قاراۋعا ۇيالدىق، مۇستافا شوقايىنا بەتتى باستىق. "بايان سۇلۋى" جايلى ايتۋعا ۇيات!

ەندى نۇرسۇلتان نازارباەۆتىڭ وسى ماقالاسىنان كەيىن باستالاتىن دۇرمەكتە "ۇلى دالانىڭ تۇلعالارى" جايلى تۇسىرىلەتىن فيلم، سەريالدار قاتاڭ باقىلاۋعا الىنۋى ءتيىس! ونىڭ ءتۇسىرىلىم توبى قازاق تاريحىنان حاباردار، تىلگە جەتىك، جۇرەگى الاش دەپ سوعاتىن كاسىبي مامانداردان قۇرالۋى كەرەك! شەتەلدىك مامان كينودا شەكەمىزدى قىزدىرمايدى. ونى كوردىك. "كوشپەندىلەر" سونىڭ دالەلى. ازىرگە وسى!

ارمان سقابىلۇلىنىڭ facebook پاراقشاسىنان

Abai.kz