تۇركىستان وبلىسىنىڭ اكىمى جانسەيىت تۇيمەباەۆ ساۋلەت سالاسىنا قاتىستى ماماندارمەن بەيرەسمي كەزدەسۋ وتكىزدى. قۇرامىندا قازاقستاننىڭ حالىق سۋرەتشىسى ەربولات تولەپباي، قر ساۋلەتشىلەر وداعىنىڭ ۆيتسە-پرەزيدەنتى باقىتجان اشىرباەۆ، وبلىستىق ساۋلەت جانە قالا قۇرىلىسى باسقارماسىنىڭ باسشىسى ەركىن ءجۇسىپوۆ جانە وبلىستىق قۇرىلىس باسقارماسىنىڭ باسشىسى توقتار ۇسىباليەۆ سىندى بىرقاتار ازاماتتار بار جۇمىس توبى تۇركىستان قالاسىنىڭ باس جوسپارىندا قامتىلاتىن نىسانداردىڭ ورنالاسۋ ءتارتىبى، ساۋلەتتىك كەلبەتىنىڭ ەرەكشەلىكتەرىمەن تانىستى.

ءۇش باعىت بويىنشا، اتاپ ايتقاندا، ق.ا.ياسساۋي ماۆزولەيى مەن «ازىرەت سۇلتان» مەملەكەتتىك قورىق مۇراجايىنىڭ ماڭىندا سالىناتىن قۇرىلىس نىساندارى، سونىمەن بىرگە، اكىمشىلىك-ىسكەرلىك ورتالىعىن سالۋ باعىتتارى بويىنشا داميتىن وبلىس ورتالىعىنداعى جوبالاردىڭ ناقتى ورنالاسۋ ورىندارىن تالقىلاعان ماماندار بۇگىنگى كەزدەسۋدە اتالعان جۇمىستارعا قوسىمشا تۇركىستان قالاسىنداعى جولداردى دا رەتتەۋدى جوسپارعا قوستى. وسى ورايدا، بەلگىلى ساۋلەتشىلەر شاھاردا اينالما جولدار سالىپ، قالانىڭ ينفراقۇرىلىمىن دامىتۋدى جانە ساۋلەتىن ودان ءارى كوركەيتۋدى كوزدەپ وتىر.

جالپى، اتقارىلىپ جاتقان جۇمىستاردىڭ بارىسىنا كوڭىلى تولعان ءوڭىر باسشىسى وبلىستىق ساۋلەت جانە قالا قۇرىلىسى باسقارماسىنىڭ باسشىسى ە.جۇسىپوۆكە ساۋلەتتىك جۇمىستاردى حالىقارالىق دەڭگەيدەگىدەي ساپالى ەتىپ دايىنداپ، مەرزىمىندە تاپسىرۋدى جۇكتەدى. حالىقارالىق كونكۋرستا جاريالانعان عيماراتتاردىڭ ورنالاسۋ جوباسىن قاراپ، پىكىرىمەن ءبولىستى.

ايتا كەتۋ كەرەك، بۇگىنگى تاڭدا تۇركىستاندا ۇزىندىعى 764 شاقىرىمدى قۇرايتىن 875 كوشە، "باتىس ەۋروپا-باتىس قىتاي" ءدالىزى اياسىندا سالىنىپ، قالاعا تيەسىلى بولعان 12 شاقىرىمدىق ءبىر عانا اينالما جول بار.

تۇركىستان شاھارىن دامىتۋ تۋرالى تۇجىرىمدامانىڭ باستى ماقساتى - تاريحي-مəدەني جəنە رۋحاني مۇرانىڭ ساقتالۋىن قامتاماسىز ەتەتىن تۇركى əلەمىنىڭ ورتالىعى رەتىندە قالانى ودان ءəرى دامىتۋدىڭ نەگىزگى باعىتتارىن ايقىنداۋ، سونداي-اق تۇركىستاندى ماڭىزدى وڭىرلىك دامۋ ورتالىعى ەتىپ قالىپتاستىرۋ بولىپ تابىلادى. ناقتىراق تارقاتساق، وندا شاھاردىڭ حالىقارالىق، تۋريستىك جəنە وڭىرلىك تۇرعىدان پەرسپەكتيۆالارى ايقىندالىپ، قالانىڭ əلەۋمەتتىك-ەكونوميكالىق əلەۋەتى، ونىڭ اۋماعىنىڭ جوسپارلى ۇيىمداستىرىلۋى، قالا قۇرىلىسى ايماقتارىنا ءبولىنۋى سىندى ماڭىزدى ماسەلەلەر قارالعان.

Abai.kz