بەيسەنبى, 21 قاڭتار 2021
1789 4 پىكىر 28 قاراشا, 2018 ساعات 11:41

تۇركىستان وبلىسى جەمقورلىققا قارسى!

ەلباسى ن.نازارباەۆ قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ اتتى قازاقستان حالقىنا ارناعان جولداۋىندا جەمقورلىقپەن كۇرەس مەملەكەت ساياساتىنىڭ باسىم باعىتتارىنىڭ ءبىرى بولىپ قالادى دەگەن بولاتىن. وسىعان وراي، “سىبايلاس جەمقورلىقتان ادا وڭىرلەر” جوباسى اياسىندا ەلوردانىڭ جەمقورلىققا قارسى ستراتەگياسىن جۇزەگە اسىرۋ جونىندەگى تاجىريبەسىن تاراتۋ قاجەتتىگىنە دە توقتالعان بولاتىن. بۇل باستاما باسقا وڭىرلەردە دە قىزۋ قولداۋ تاپتى.

ماسەلەن، وسى باعىتتا تۇركىستان وبلىسىندا «ادال جول - چەستنىي پۋت» مارافونى وتكىزىلگەن بولاتىن. قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنت باسشىسى عالىم تۇرسىنباەۆ ارنايى قاتىسىپ، تۇركىستان قالاسىنىڭ اكىمى ءا.وسەرباەۆتان ەستافەتانى قابىلداپ الدى.

عالىم سۇلتانۇلى ەستافەتا وتكىزۋدەگى ماقسات مەملەكەتتىڭ سىبايلاس جەمقورلىققا قارسى ساياساتىنىڭ تيىمدىلىگىن ارتتىرۋ، سىبايلاس جەمقورلىقتىڭ كەز كەلگەن كورىنىسىنە «مۇلدەم توزبەۋشىلىك» احۋالىن جاساۋ ارقىلى سىبايلاس جەمقورلىققا قارسى قوزعالىسقا بۇكىل قوعامدى تارتۋ جانە دەڭگەيىن تومەندەتۋ ەكەنىن اتاپ ءوتىپ، مارافونعا بەلسەنە قاتىسقان بىرقاتار ازاماتتارعا العىس حاتتار تاپسىردى.

مارافون اياسىندا تۇركىستان قالاسىندا جالپى 70-كە جۋىق ءىس-شارالار ءتۇرلى فورماتتا، ياعني، سەمينار-كەڭەس، پىكىرتالاس الاڭدارى، دوڭگەلەك ۇستەل، كەزدەسۋ، ۆەلوشەرۋ، اۆتوشەرۋ، سپورتتىق جانە مادەني شارالار ۇيىمداستىرىلدى. بۇل شارالارعا جالپى 10 مىڭنان اسا تۇرعىن قاتىستى.

ەستەرىڭىزگە سالساق، مارافون شاردارا اۋدانىنا باستاۋ الىپ ءارى قاراي ماقتارال، سارىاعاش، قازىعۇرت، سايرام، تۇلكىباس، تولەبي، ورداباسى، ارىس، وتىرار، كەنتاۋ جانە سوزاق، بايدىبەك اۋداندارىندا ءوتتى.

مارافوننىڭ سوڭعى فورۋمى، ياعني جەڭىمپازداردى ماراپاتتاۋ ءراسىمى 9 جەلتوقساندا حالىقارالىق جەمقورلىققا قارسى كۇرەس كۇنى قارساڭىندا وتەتىن بولادى.

Abai.kz

4 پىكىر