جەكسەنبى, 9 مامىر 2021
1692 0 پىكىر 28 قاراشا, 2018 ساعات 14:02

تۇلكىباسقا 13 مىڭنان اسا تۋريست كەلگەن

ەلباسىنىڭ قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋاتتى قازاقستان حالقىنا ارناعان جولداۋىندا جەكە كاسىپكەرلىكپەن اينالىسۋعا ۇلكەن مۇمكىندىكتەر جاساپ وتىرعانىن ايتقان بولاتىن. حالىقتى تۋريستىك سالادا ەڭبەك ەتىپ، تابىس تابۋعا شابىتتاندىرۋ كەزەك كۇتتىرمەيتىن جۇمىستاردىڭ ءبىرى سانالادى.

تۇلكىباس اۋدانىنا اعىمداعى جىلدىڭ 10 ايىندا 13 مىڭعا جۋىق تۋريست كەلگەن. ونىڭ ىشىندە 700 ادام شەتەلدىڭ ازاماتتارى. جالپى ءوڭىر - ەتنوتۋريزمدى دامىتۋعا قولايلى ايماق. الداعى ۋاقىتتا ايماققا كەلۋشىلەردىڭ سانى ارتا تۇسەدى دەپ جوسپارلاۋدامىز. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە تۇلكىباس اۋدانىنىڭ اكىمى نۇربول تۇراشبەكوۆ  مالىمدەدى.

تۇركىستان وبلىسىنىڭ وڭىرلىك كوممۋنيكاتسيالار قىزمەتىنىڭ حابارلاۋىنشا، اۋدان بويىنشا ەكونوميكالىق بەلسەندى حالىق سانى - 57,2 مىڭ ادامدى قۇراسا، جۇمىسپەن قامتىلعاندار - 54,2 مىڭ ادام.

«تەحنيكالىق جانە كاسىپتىك ءبىلىمى بار كادرلاردى  دايارلاۋ بويىنشا  بەس وقۋ ورنىمەن كەلىسىم-شارت ءتۇزىلىپ، 195 ازامات قىسقا مەرزىمدى كاسىپتىك وقۋ كۋرستارىنا جولداندى. ال جاپپاي كاسىپكەرلىكتى دامىتۋ «باستاۋ-بيزنەس» جوباسى نەگىزىندە 166 ازامات كاسىپكەرلىك نەگىزدەرىنە وقۋعا جولدانىپ، 157 ادام سەرتيفيكات الىپ، 52 ازاماتقا 207,8 ملن. تەڭگە نەسيە بەرىلدى. الەۋمەتتىك جۇمىس ورىندارىن ۇيىمداستىرۋ بويىنشا 142 ازامات جىبەرىلدى»، - دەدى نۇربول ءابدىساتتارۇلى.

سونىمەن قاتار، اۋداندا 18 مەملەكەتتىك جانە جەكەمەنشىك ارىپتەستىك شەڭبەرىندەگى  26 بالاباقشادا جالپى 6560 بالا تاربيەلەنۋدە. بالالاردى قامتۋ كورسەتكىشى جىل قورىتىندىسىمەن 97,8 پايىزدى  قۇراعان.

ينفراقۇرىلىم بويىنشا اۋدانداعى 62 ەلدى مەكەننىڭ 59-ى ورتالىقتاندىرىلعان اۋىز سۋ قۇبىرىمەن قامتاماسىز ەتىلگەن. كوگىلدىر وتىنمەن قامتۋدا اۋدانداعى 62 ەلدى مەكەننىڭ 60-ى گازبەن قامتىلعان. اۆتوجول سالاسى اۋدانداعى 5 ەلدى مەكەننىڭ كوشەلەرىن ورتاشا جوندەۋ جۇمىستارىنا 149,8  ملن. تەڭگە ءبولىنىپ، ونىڭ 145,5 ملن. تەڭگەسى يگەرىلدى.

Abai.kz

 

0 پىكىر