جۇما, 29 ناۋرىز 2024
1781 0 پىكىر 15 قاراشا, 2018 ساعات 21:05

تۇركىستاندا مەملەكەتتىك قىزمەتكەرلەر جاڭا جۇيەمەن جالاقى الادى

ەلباسىمىزدىڭ «100 ناقتى قادام» ۇلت جوسپارىنداعى ءتيىستى قادامداردى جۇزەگە اسىرۋ شەڭبەرىندە مەملەكەتتىك قىزمەتكەرلەرگە جالاقى فاكتورلىق-بالدىق شكالا بويىنشا تولەنەتىن بولادى، دەپ حابارلايدى تۇركىستان وبلىسى اكىمىنىڭ ءباسپاسوز قىزمەتى.

بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1,5 ەسەگە ارتتىرۋدى تاپسىرعان بولاتىن.

بۇل رەتتە قىزمەتكەرلەردىڭ جاۋاپكەرشىلىگى، دەربەستىگى، تاجىريبەسى، ارنايى ءبىلىمى، جۇكتەمەسى سەكىلدى فاكتورلار ەسكەرىلىپ، جالاقى تاعايىندالادى. بۇل تۋرالى بۇگىن تۇركىستان وبلىستىق وڭىرلىك كوممۋنيكاتسيالار قىزمەتىندە وتكەن بريفينگتە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنباەۆ ءمالىم ەتتى. ونىڭ ايتۋىنشا، اتالعان جۇيە مەملەكەتتىك قىزمەتشىلەردىڭ ءوز ىستەرىنە ۇلكەن جاۋاپكەرشىلىكپەن قاراپ، ساپالى جۇمىس ىستەۋىنە جەتەلەيدى. بۇعان قوسا، جىل سوڭىندا جۇمىس ناتيجەسىنىڭ تيىمدىلىگىنە سايكەس قوسىمشا بونۋستار بەرىلمەك.

«بۇعان دەيىن ورتالىق جانە اۋدان دەڭگەيىندەگى مەملەكەتتىك قىزمەتشىلەردىڭ، سونداي-اق، مەملەكەتتىك جانە جەكە سەكتورلاردا قىزمەتشىگە ەڭبەكاقى تولەۋدە تەڭسىزدىك بولدى. ەڭبەكاقى تولەۋدىڭ جاڭا جۇيەسى انىقتالعان ماسەلەلەردى جويادى. بۇل جۇيە فاكتورلى-بالدىق شكالا نەگىزىندەگى تۇراقتى بولىك پەن بونۋستاردان تۇرادى. مۇنداي جۇيەلەر اقش، سينگاپۋر، جاڭا زەلانديا سىندى وزىق ەلدەردە جانە دە بۇۇ، دۇنيەجۇزىلىك پەن ازيالىق دامۋ بانكتەرىندە قولدانىلادى. قازاقستاندا وسى ادىستەمە بىرقاتار جەكە جانە كۆازيمەملەكەتتىك سەكتورلار ەنگىزىلگەن»، — دەدى عالىم سۇلتانۇلى.

جاڭا جۇيەنىڭ ەنگىزىلۋىنىڭ تاعى ماڭىزدى اسپەكتىسى اۋماقتار مەن ورتالىق قىزمەتكەرلەرىنىڭ ەڭبەكاقىلارىنىڭ سايكەسسىزدىگىنىڭ ازايۋى. ەڭبەكاقىلار اراسىندا ايىرماشىلىق 70 پايىزدان 10 پايىزعا دەيىن كەمىگەن. بۇل اۋماقتاردان كادرلاردىڭ جاپپاي كەتۋىن ازايتىپ، جەرگىلىكتى مەملەكەتتىك اپپاراتتىڭ تۇراقتىلىعىن قامتاماسىز ەتىپ، كادرلىق بەلسەندىلىكتى كۇشەيتىپ وتىر. سونىمەن قاتار، اگەنتتىكتىڭ تۇركىستان وبلىسى بويىنشا دەپارتامەنتى قىزمەتشىلەرىنىڭ جالاقىسى دا 2,5 ەسەگە دەيىن ۇلعايدى. ناتيجەسىندە دەپارتامەنتتە وتكەن كونكۋرستا جەتەكشى مامانعا جاريالانعان ءبىر ورىنعا 39 ادام قۇجات تاپسىرعان. جالپى، ەڭبەكاقى تولەۋدىڭ جاڭا جۇيەسىنىڭ ەنگىزىلۋى ءبىرىنشى كەزەكتە مەملەكەتتىك ورگانداردىڭ ىشكى رەزەرۆتەرىنىڭ قۇرىلۋىن قامتيدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1579
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606