تۇركىستان وبلىسىنىڭ قالامگەرلەرى ەلباسى نۇرسۇلتان نازارباەۆتىڭ «ۇلى دالانىڭ جەتى قىرى» اتتى ماقالاسىنىڭ الەمدىك دەڭگەيدەگى، پاراساتتىڭ شىرقاۋ بيىگىندەگى پايىمداردى ورتاعا سالعان قۇندى دۇنيە ەكەنىن ايتادى.

جازۋشى  مارحابات بايعۇت «ۇلى دالانىڭ جەتى قىرى» اتتى ماقالانى وقىپ وتىرىپ، قازاق حالقىنىڭ تەرەڭ تاريحى جونىندە تاعىلىمدىق تۇستارى كوپ ەكەنىن ايتادى.

«جاڭا دۇنيەنىڭ ءاربىر سوزىنە، ءاربىر سويلەمىنە، ءاربىر وي-پىكىرىنە، قاعيداتتارى مەن تۇجىرىمدارىنا راقاتتانىپ، الەمدىك ادەمى اڭگىمە رەتىندە قابىلدادىم. شىنىندا دا پرەزيدەنت كۇللى ادامزات، بۇكىل دۇنيە ءجۇزىنىڭ وركەنيەتتى قاۋىمى، بارشا ەلدەر بارىنشا نازار اۋدارارلىقتاي الەمدىك دەڭگەيدەگى، پاراساتتىڭ شىرقاۋ بيىگىندەگى پايىمداردى ورتاعا سالىپ وتىر. سونىمەن قاتار، ناقتىلى عىلىمي دەرەكتەرگە سۇيەنىپ، جاھاندىق تاريحتاعى ۇلى دالا ەلىنىڭ، قازاق ۇلتىنىڭ، قازاقستان رەسپۋبليكاسىنىڭ ورنى مەن ءرولىن جان-جاقتى ايقىنداپ بەرگەن»،- دەيدى م.بايعۇت.

ونىڭ سوزىنشە، ماقالادا تۇركىستان وبلىسىنىڭ قۇرىلۋى، ونىڭ بولاشاعى، ءال-فارابي مەن احمەت ياساۋيدىڭ تۋىنىلارى، باتىرلار جىرى، وڭىردە ءجيى كەزدەسەتىن قىزعالداق پەن سيۆەرس الماسىنا دەيىن ايرىقشا ايتىلۋى قانات بىتىرەدى.

«بۇل جوبا بويىنشا 2019 جىلى استانادا تۇركولوگتاردىڭ دۇنيەجۇزىلىك كونگرەسىن ۇيىمداستىرۋ، الەم ەلدەرىنىڭ مۋزەيلەرىنە ەجەلگى تۇرىك جادىگەرلەرىن قويىپ، حالىققا كەڭىنەن تانىستىرۋ، تۇركى حالىقتارىنىڭ مادەني كۇندەرىن ۇيىمداستىرۋ، تۇركى حالىقتارىنا ورتاق رۋحاني قازىنا - ونلاين كىتاپحانا اشۋ سەكىلدى اۋقىمدى ىستەر قولعا الىنسا، تۇركى وركەنيەتى قايتا جانداناتىن بولادى. سونداي-اق، كونە قالا - تۇركىستاننىڭ وبلىس ورتالىعى بولۋىمەن قاتار، ونىڭ ەجەلگى بەدەلىن قايتا كوتەرۋ، قالانى رۋحاني ءھام ەكونوميكالىق تۇرعىدان دامىتۋ - بۇكىل تۇركى الەمى ءۇشىن ۇلكەن جەتىستىك بولادى دەپ سەنەمىن»،- دەيدى قاسىمحان بەگمانوۆ.

Abai.kz