دۇيسەنبى, 19 تامىز 2019
732 0 پىكىر 5 جەلتوقسان, 2018 ساعات 09:31

سىرتقى ىستەر مينيسترلىگى استانا پروتسەسىن ء"تيىمدى" دەپ سانايدى

قازاقستاننىڭ سىرتقى ىستەر مينيسترلىگى ء(سىم) "سيرياداعى جاعدايدى رەتتەۋ بويىنشا ءوتىپ جاتقان استانا ءسامميتى مىندەتىن تولىق اتقارىپ جاتىر" دەپ سانايدى. استانادا وتكەن بريفينگ كەزىندە ءسىم رەسمي وكىلى ايبەك سمادياروۆ ء"سامميتتىڭ نەگىزگى ماقساتى – سيرياداعى ۇرىستى توقتاتۋ" دەپ مالىمدەدى.

وتكەن اپتانىڭ سوڭىندا اقش-تىڭ مەملەكەتتىك دەپارتامەنتى "استانادا وتكەن سوڭعى سامميتتە تاراپتار سيريا كونستيتۋتتسيالىق كوميتەتى مۇشەلەرىنىڭ ءتىزىمىن جاساۋدا كەلىسىمگە كەلە الماعاندىقتان، سيرياداعى جاعدايدى ساياسات ارقىلى رەتتەۋ مۇمكىن بولماي وتىر دەۋگە بولادى" دەپ مالىمدەگەن.

قازاقستان ءسىم ايتۋىنشا، سيريا ماسەلەسىن رەتتەۋدىڭ "ساياسي جولدارىن" تالقىلاۋ، سيريا كونستيتۋتتسيالىق كوميتەتىن قۇرۋ – بىرىككەن ۇلتتار ۇيىمىنىڭ ءوز باستاماسى.

اقش مەملەكەتتىك دەپارتامەنتى 29 قاراشادا رەسەي مەن يران باشار اساد بيلىگىنىڭ بۇۇ قاۋىپسىزدىك كەڭەسىنىڭ قارارىندا ايتىلعان ساياسي پروتسەسكە قاتىسۋعا نيەتى جوقتىعىن استانا پروتسەسى ارقىلى جاسىرىپ-جاۋىپ وتىر دەپ مالىمدەگەن. مەملەكەتتىك دەپارتامەنت مالىمدەمەسىندە استاناداعى سوڭعى كەلىسسوزگە قاتىسۋشىلار سيريا كونستيتۋتسيالىق كوميتەتىنە كىرەتىن مۇشەلەر تىزىمىنە كەلىسە الماعانى، ياعني، سيريا داعدارىسىن ساياسي جولمەن رەتتەۋدە العا ىلگەرىلەمەگەنى ايتىلادى.

بۇۇ-دا رەسەي، تۇركيا مەن يران استانادا وتكەن سوڭعى كەلىسسوزدە سيرياداعى داعدارىستى ساياسي جولمەن رەتتەي الماعانىن مالىمدەگەن.

Abai.kz

0 پىكىر