كورىمدىك الدى ما، المادى ما، ەسىمدە جوق، الگى وراۋلى قاعازدى اشتى. ماڭدايى جارقىراعان سوم دەنەلى كىسى تۇر. جاپىرلاي قاراپ، تامسانىپ جاتىر. اكەمنىڭ «پاتشا دەسە، پاتشا ەكەن عوي» دەگەنى ەسىمدە. ءبارى جاعالاي ءوز قولدارىنا ۇستاپ انىقتاپ كورىپ جاتتى. ءبىر كەزدە مادەن اقساقال: «ە، قازاقتان شىققان پاتشا وسى بولدى دە، ماڭدايى كەرە قارىس بوپ تۇرۋىن-اي، راس، پاتشا دەسە پاتشا ەكەن. قازاقتىڭ باعى ءبىر جاندى دەشى. اللا قۋات بەرسىن» دەپ قالتاسىنان شىتىن الىپ كوزىن ءسۇرتتى.

مىنە، ءبىزدىڭ اۋىل ەلباسى نۇرسۇلتان نازارباەۆتىڭ سۋرەتىن ء(بىزدىڭ اۋىلدا فوتو سۋرەتتى ءرəسىم دەيدى) ءبىرىنشى رەت وسىلاي كورىپ ەدى. ساۋداگەر ايقىن بۇكىل ەلدى ارالاپ كورسەتىپ شىقتى. سول سۋرەتتىڭ ىستىق-سۋىعى باسىلعانشا اۋىل ادامدارى ءبىر-بىرىنە «پاتشانىڭ ءرəسىمىن كورە الدىڭدار ما؟» دەپ شۇناڭ قاعىپ قاۋقىلداسىپ جاتاتىن…

ۇلاربەك نۇرعالىمۇلىنىڭ facebook پاراقشاسىنان

Abai.kz