قر مادەنيەت جانە سپورت مينيسترلىگىنىڭ ۇيىمداستىرۋىمەن قازاقستان رەسپۋبليكاسى ەلورداسى – استانا قالاسىنىڭ 20 جىلدىعىنا جانە تاۋەلسىزدىك كۇنى مەرەكەسىنە ارنالعان VII «التىن دومبىرا» رەسپۋبليكالىق اقىندار ايتىسى وتەتىنى تۋرالى وسىعان دەيىن حابارلاپ ايتقان ەدىك.

جۋىردا مادەنيەت جانە سپورت مينيسترلىگىنىڭ ءباسپاسوز-ورتالىعىندا ءباسپاسوز كونفەرەنتسياسى ءوتتى. وعان قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىڭ يەگەرى ءجۇرسىن ەرمان، مەملەكەتتىك «دارىن» جاستار سىيلىعىنىڭ لاۋرەاتى داۋلەتكەرەي كاپۇلى، ايتىسكەر اقىندار ەركەبۇلان قاينازاروۆ، مەيىربەك سۇلتانحاننىڭ قاتىسقان.

ءابىل جولامانوۆ، قر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپورتامەنتىنىڭ ديرەكتورى:

-استانام، سەنسىڭ ايبارىم» اتتى ءدۇبىرلى دودانىڭ ەرەكشەلىگى استانانىڭ -جيىرما جىلدىعىنا ارنالعاندىقتان جيىرما اقىن قاتىسقالى وتىر. ايتىستىڭ ماقساتى VII رەسپۋبليكالىق اقىندار ايتىسىندا جىل بويى رەسپۋبليكانىڭ ءار وڭىرىندە وتكەن ايتىستاردىڭ جەڭىمپازدارىن ىرىكتەپ جىلدىڭ قورىتىندى ايتىسى ارقىلى بيىلعى «التىن دومبىرا» يەگەرى انىقتاۋ جانە ەلوردامىز استاناننىڭ 20 جىلدىعىن جىرعا ارقاۋ ەتۋ. سونداي-اق ۇلتىمىزدىڭ ۇلى ونەرى، ماقتانىشى يۋنەسكو-نىڭ ادامزاتتىڭ مادەني مۇراسى قاتارىنا قوسىلعان ءتول ونەرىمىزدى دارىپتەۋ بولىپ تابىلادى. بۇل جىر دوداسىندا كەستەلى جىر، ۇشقىر وي، سۋىرىپسالمالىق  قابىلەتىمەن دارالانعان اقىن بيىلعى VII «التىن دومبىرا» يەگەرى اتانىپ، بەس ميلليون تەڭگەمەن ماراپاتتالادى. ءسوز بايگەسىن ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ باسقارما توراعاسى ءجۇرسىن ەرمان جۇرگىزەدى.

بۇل الامانعا ايبەك قاليەۆ، رينات زايتوۆ، رۇستەم قايىرتايۇلى، مۇحتار نيازوۆ، اسپانبەك شۇعاتاەۆ، ەركەبۇلان قاينازاروۆ، جانسايا مۋسينا، مەيىربەك سۇلتانحان، اسەم ەرەجەقىزى، ماقسات اقانوۆ، بولاتبەك ورازباەۆ، ديدار قاميەۆ، تولەگەن جامانوۆ، تىلەگەن ءادىلوۆ، نۇرمات مانسۋروۆ، شالقارباي ءىزباساروۆ، حازىرەت بەردىحان، سىرىم ءادىلوۆ، سەرىك قۋانعان، ەرشات قايبولدين قاتارلى جىل بويى رەسپۋبليكانىڭ ءار وڭىرىندە وتكەن ايتىستاردىڭ جەڭىمپازدارى عانا قاتىسادى.

ءجۇرسىن ەرمان، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىڭ يەگەرى: 

-قازاقستان حالقى اسسامبلەياسىنىڭ ءححۇ سەسسياسىندا ەلباسى ن.ءا.نازارباەۆ «بارلىق وبلىستىڭ اكىمدىكتەرىنە تاپسىرما بەرەمىن، ايتىستاردى وڭىرلەردە وتكىزىڭدەر» دەپ ايتقان بولاتىن. ءسوز سوڭىندا نۇرسۇلتان ءابىشۇلى ماعان «بارلىق وبلىستاردا اقىندار ايتىسىن وتكىز. ەڭ تاۋىرلەرىن جىلدىڭ سوڭىندا استاناعا جينا» دەپ جەكە تاپسىرما بەردى. مىنە، ەلباسىنىڭ ءوزى ۇيىتقى بولۋىمەن، مادەنيەت جانە سپورت ءمينيسترى ارىستانبەك مۇحامەديۇلىنىڭ قولداۋىمەن الامان ايتىس وتكىزگەلى وتىرمىز. بيىلعى ايتىستىڭ ءادىل-قازىلار مۇشەلەرىن جەكەلەي تانىستىرىپ وتكىم كەلىپ وتىر. ءادىل-قازىلار مۇشەلەرى: جازۋشى،  قر مەملەكەتتىك سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، اۋدارماشى قاجىعالي  مۇحامبەتقاليەۆ، اقىن،  قر مەملەكەتتىك سىيلىعىنىڭ لاۋرەاتى، «پاراسات» وردەنىنىڭ يەگەرى نەسىپبەك ايتوۆ،  قازاقستاننىڭ ەڭبەك سىڭىرگەن قايراتكەرى، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ اتىراۋ فيليالىنىڭ ديرەكتورى قويشىعۇل جىلقىشيەۆ، قازاقستاننىڭ مادەنيەت قايراتكەرى، قازاقستان جازۋشىلار وداعىنىڭ مۇشەسى، ايتىسكەر اقىن سەرىك قاليەۆ، فيلولوگيا عىلىمدارىنىڭ دوكتورى، پروفەسسور، ايتىسكەر اقىن قويلىباي اسانوۆ، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ باتىس قازاقستانداعى وكىلى، ايتىسكەر اقىن باۋىرجان حاليوللا، ايتىسكەر اقىن، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ جامبىل وبلىسىنداعى وكىلى احمەتجان وزبەكوۆ. تاۋەلسىز ساراپشىلار رەتىندە، قازاقستانعا ەڭبەك سىڭىرگەن قايراتكەرى، اقىن داۋلەتكەرەي كاپۇلى جانە سىنشى، قازاقستان جازۋشىلار وداعىنىڭ مۇشەسى ءامينا قۇرمانعاليقىزى بولادى.

داۋلەتكەرەي كاپۇلى، مەملەكەتتىك «دارىن» جاستار سىيلىعىنىڭ لاۋرەاتى:

-مەملەكەت باسشىسى نۇرسۇلتان نازارباەۆتىڭ «ۇلى دالانىڭ جەتى قىرى» اتتى ماقالاسىندا ايتىپ وتكەن بارلىق قۇندىلىقتاردى ناسيحاتتاۋدا اقىنداردان اسقان ناسيحاتشى جوق. ايتىس ەجەلدەن كەلە جاتقان ۇلى مۇرامىز. قازىرگى تاڭدا رۋحاني جاڭعىرۋعا مۇقتاج بولىپ وتىرعانىمىزدا تۋرا تاۋەلسىزدىك كۇنىندە وتكىزگەلى وتىرعان ايتىستان كۇتەرىمىز كوپ.

ەركەبۇلان قاينازاروۆ، ايتىسكەر اقىن:

-مىنە، 3 جىلدان كەيىن «التىن دومبىرا» ەلوردامىز استاناعا ورالدى. بيىلعى ايتىستىڭ ەرەكشەلىگى حالىققا ەندى اتى شىعىپ، الامان بايگەدە ەندى عانا تانىلىپ جاتقاندار ونەر كورسەتپەك. جاس ونەرپازدارىمىزعا دەگەن جاناشىرلىق پەن ۇلكەن قولداۋ بولماقشى بۇل ايتىس.

مەيىربەك سۇلتانحان، ايتىسكەر اقىن:

-تاۋەلسىزدىك العانىمىزعا 30 جىلعا تاقاپ قالدى. وسى جىلدار دا بىردە-ءبىر مادەنيەت ءمينيسترى ايتىسقا تىكەلەي قاتىسىپ، ءوزى دەمەۋشى بولعانىن ەستىمەدىك تە كورمەدىك تە. بيىل عانا «جىر ارقاۋى – استانا» اتتى ايتىستا عانا ءمينيستردىڭ ءوزى تىكەلەي ۇيىتقى بولىپ، جەڭىمپازداردى ماراپاتتاعانىنا ءبارىمىز كۋاگەر بولدىق. مىنە، تاۋەلسىزدىك كۇنىمەن تۇسپا-تۇس وتكەلى وتىرعان الامان ايتىستا دا ارىستانبەك مۇحامەديۇلىنىڭ ءوزى كورەرمەن بولىپ، بىزگە قولداۋ كورسەتپەكشى.

Abai.kz