بۇرىن الەۋمەتتىك جەلىلەر بولماعاندا مۇنداي سۇمدىقتاردى اركىمنەن ەستىپ جۇرە بەرەتىن ەدىك. وسى كۇندەرى جاستاردىڭ اراسىندا نە بولىپ، نە قويىپ جاتقاندىعىن ەركىن رەسمي اقپاراتتىق سايتتاردان كورە بەرەتىن بولدىق.

مىنا وقيعادا جاس قىزدار, اۋىزدارىنا كەلگەن سوزدەرىن ايتىپ، وتىرعان قىزدىڭ شاشىن قيىپ، الەۋمەتتىك جەلىگە كىرەتىن قۇپياسوزدى سۇراۋمەن الەك. سوزدەرى مەن ارەكەتتەرىنە قاراساق، اقىسىن الىپ تۇرعان سياقتى.

ياعني، الەۋمەتتىك جەلىدە بولعان جاعدايدىڭ ەسەسىن قايتارىپ، جاتىر. وسىلايشا، ءبىر-بىرىنە قاتىگەزدىك تانىتىپ تۇرعان تۇرلەرى.

نە دەۋگە بولادى؟ جاستاردىڭ باسقا اينالىسار ەشتەڭەسى جوق. مۇمكىن، وسى كۇيلەرىمەن تەگىن شاشتاراز كاسىبىن ۇيرەتەتىن 2017 جىلى باستالعان تەگىن كاسىپتىك ءبىلىم بەرەتىن وقۋعا جىبەرۋ كەرەك شىعار؟! ول دا شەشىم عوي...
ويتكەنى كوپ جاس وسىلاي الەۋمەتتىك جەلىدە جەلىگىپ، كوشەگە شىعىپ ەرىگىپ، اقىرىندا باستارىنا بالە تىلەپ جۇرگەنى.

ءبىر سوزبەن زاماناۋي پىكىرمەن ايتقاندا، جاستار مارگيناليزاتسياعا ۇشىراۋدا. اسىرەسە، ايماقتىق دەڭگەيدە انىق بايقالادى. سوندا ايماقتار نەمەن اينالىسىپ وتىر؟! ءدال وسىنداي جاعداي بولماسا دا، جاتاقحانالاردا قىزداردىڭ قىرعىن توبەلەسى بولدى، بولمەلەرىنەن ۇيالى تەلەفوندار ۇرلانىپ جاتىر دەگەن اقپاراتتاردى ەستىپ جاتىرمىز.

تاربيەسىزدىك، قوعامدىق جوبالاردى السىزدىگى، ءبىلىم مەن ەڭبەك قۇندىلىقتارىنىڭ بولماۋى، جالپى "تاماعى توقتىق، كويلەگى كوكتىك ازدىرار ادام بالاسىن" دەمەپ پا ەدى حاكىم اباي. ءدال سونداي جاعداي ورىن الىپ تۇر. ونىڭ ۇستىنە جاستاردىڭ الەۋمەتتىك جەلىنى كەرەك ءۇشىن ەمەس، ەرمەك ءۇشىن پايدالانۋشىلىق ەرەكشە باسىم. بۇل ويلاناتىن ماسەلە!

ماقسات جاقاۋدىڭ Facebook-تەگى جازباسى

Abai.kz