بەيسەنبى, 22 تامىز 2019
بيلىك 2615 4 پىكىر 2 جەلتوقسان, 2018 ساعات 14:22

اتاۋلى الەۋمەتتىك كومەك الۋ ءۇشىن قانداي قۇجاتتار جيناۋ كەرەك؟

Abai.kz اقپاراتتىق پورتالىنىڭ وقىرماندارى "اتاۋلى الەۋمەتتىك كومەك الۋ ءۇشىن قانداي قۇجاتتار جيناۋ كەرەك؟" دەگەن سۇراقتى ءجيى قويادى. ءبىز بۇگىن اتالعان سۇراققا تولىققاندى جاۋاپ بەرۋدى ءجون سانادىق.

مەملەكەتتىك اتاۋلى الەۋمەتتىك كومەك - جان باسىنا شاققانداعى ورتاشا ايلىق تابىسى وبلىستاردا، رەسپۋبليكالىق ماڭىزى بار قالالاردا، استانادا بەلگىلەنگەن كەدەيلىك شەگىنەن تومەن جەكە ادامدارعا (وتباسىلارعا) مەملەكەت اقشالاي نىساندا بەرەتىن تولەم.

جان باسىنا شاققانداعى ورتاشا تابىسى كەدەيلىك شەگىنەن اسپايتىن قازاقستان رەسپۋبليكاسى ازاماتتارىنىڭ، ورالمانداردىڭ، بوسقىنداردىڭ، شەتەلدىكتەردىڭ جانە قازاقستان رەسپۋبليكاسىندا تۇراقتى تۇراتىن، ازاماتتىعى جوق ادامداردىڭ اتاۋلى الەۋمەتتىك كومەك الۋعا قۇقىعى بار.

اتاۋلى  الەۋمەتتىك كومەك تاعايىنداۋ ءۇشىن تۇرعىلىقتى جەرى بويىنشا – حالىقتى جۇمىسپەن قامتۋ ورتالىعىنا (اۋىلدىق جەرلەردە – كەنت، اۋىل، اۋىلدىق وكرۋگ اكىمىنە) جۇگىنۋ قاجەت.

اتاۋلى الەۋمەتتىك كومەك تاعايىنداۋ ءۇشىن كەلەسى قۇجاتتاردى ۇسىنۋ قاجەت:

1) ءوتىنىش;

2) جەكە باستى كۋالاندىراتىن قۇجات (قازاقستان رەسپۋبليكاسى ازاماتىنىڭ جەكە كۋالىگى (تولقۇجاتى), قازاقستان رەسپۋبليكاسىندا تۇراقتى تۇراتىن شەتەلدىكتىڭ تۇرۋعا ىحتيارحاتى، ازاماتتىعى جوق ادامنىڭ كۋالىگى، بوسقىن كۋالىگى), ال ورالماندار ءۇشىن – ورالمان كۋالىگى;

3) جەكە قوسالقى شارۋاشىلىعىنىڭ بار-جوعى تۋرالى مالىمەتتەر;

4) اتاۋلى الەۋمەتتىك كومەك تولەۋ جونىندەگى ۋاكىلەتتى ۇيىمداعى بانكتىك شوت ءنومىرى تۋرالى مالىمەتتەر;

5) بالانىڭ (بارلىق بالالارعا) تۋ (قايتىس بولۋ) تۋرالى كۋالىگى – قازاقستان رەسپۋبليكاسىنىڭ اۋماعىندا 2007 جىلعى 13 تامىزعا دەيىن جۇرگىزىلگەن تىركەۋلەر بويىنشا;

6) ءوتىنىش بەرۋشىنىڭ دەرەكتەرىندە بالانىڭ تۋ تۋرالى كۋالىگىندەگى دەرەكتەردەن ايىرماشىلىق بولعان جاعدايدا نەكە قيۋدى (بۇزۋدى) تىركەۋ تۋرالى كۋالىك – قازاقستان رەسپۋبليكاسىنىڭ اۋماعىندا 2008 جىلعى 1 ماۋسىمعا دەيىن جۇرگىزىلگەن تىركەۋلەر بويىنشا;

7) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 14 ساۋىردەگى № 223 بۇيرىعىمەن بەكىتىلگەن مەملەكەتتiك بازالىق زەينەتاقى تولەمiن بيۋدجەت قاراجاتى ەسەبiنەن بەرۋ، سونداي-اق ۋاكىلەتتى ۇيىمنان تولەنەتىن زەينەتاقى تولەمدەرىن، مۇگەدەكتىگى بويىنشا، اسىراۋشىسىنان ايرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك بازالىق الەۋمەتتىك جاردەماقىلاردى، مەملەكەتتىك ارنايى جاردەماقىلاردى تاعايىنداۋ جانە جۇزەگە اسىرۋ قاعيدالارىنا 4-قوسىمشاعا سايكەس نىسان بويىنشا وقۋ ورنىنىڭ انىقتاماسى، ەگەر ون سەگىز جاستان جيىرما ءۇش جاسقا دەيىن اسىراۋىنداعىلار ورتا، تەحنيكالىق جانە كاسىپتىك ورتادان كەيىنگى ءبىلىم بەرۋ، جوعارى وقۋ ورىندارىندا كۇندىزگى وقۋ نىسانى بويىنشا وقيتىن بولىپ تابىلسا.

جۇمىسپەن قامتۋعا جاردەمدەسۋدىڭ بەلسەندى شارالارىنا تارتىلاتىن ەڭبەككە قابىلەتتى وتباسى مۇشەلەرى وتىنىشكە قوسىمشا ۇسىنادى:

1) جۇمىس ىزدەۋشى ادام رەتىندە تىركەلۋگە ءوتىنىشتى;

2) ەڭبەك قىزمەتىن راستايتىن قۇجاتتى (بار بولسا);

3) ءبىلىمى، بىلىكتىلىگى، ارنايى ءبىلىمىنىڭ نەمەسە كاسىپتىك دايارلىعىنىڭ بولۋى تۋرالى قۇجاتتى (بار بولسا).

Abai.kz

4 پىكىر