جۇما, 29 ناۋرىز 2024
3353 0 پىكىر 28 قاراشا, 2018 ساعات 16:25

ءماجىلىس دەنساۋلىق ساقتاۋ بويىنشا زاڭناماعا ەنگىزىلگەن تۇزەتۋلەردى ماقۇلدادى

ءماجىلىستىڭ ەكىنشى وقىلىمىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماقۇلداندى.

زاڭ جوباسىندا 11 زاڭنامالىق اكتىگە، ونىڭ ىشىندە «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە، قىلمىستىق جانە قىلمىستىق-پروتسەستىك كودەكستەرگە جانە اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر ەنگىزۋ كوزدەلگەن.

زاڭ جوباسى مىناداي نەگىزگى باعىتتاردى قامتيدى:

تەگىن مەديتسينالىق كومەكتىڭ كەپىلدىك بەرىلگەن كولەمىنىڭ جاڭا مودەلىن جانە مەديتسينالىق ساقتاندىرۋ پاكەتىن ەنگىزۋ;

مەديتسينالىق ۇيىمداردا كورپوراتيۆتىك باسقارۋ جۇيەسىن جەتىلدىرۋ;

دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي پەرسپەكتيۆالىق جوسپارىن ەنگىزۋ;

قوعامدىق دەنساۋلىق ساقتاۋ ماسەلەلەرىن جەتىلدىرۋ;

مەديتسينالىق ءبىلىم بەرۋ جانە عىلىم جۇيەسىن جەتىلدىرۋ، مەديتسينا كادرلارىن دايارلاۋ ساپاسىن ارتتىرۋ جانە باسقا دا باعىتتار.

تەگىن مەديتسينالىق كومەكتىڭ كەپىلدىك بەرىلگەن كولەم مەن مىندەتتى الەۋمەتتىك مەديتسينالىق ساقتاندىرۋدىڭ جاڭا مودەلى ددۇ-نىڭ حالىقتى دەنساۋلىق ساقتاۋ قىزمەتتەرىمەن جاپپاي قامتۋ جونىندەگى پرينتسيپتەرىنە سايكەس كەلەدى. ماسەلەن، تمككك شەڭبەرىندە مەديتسينالىق كومەك بارلىق ازاماتتارعا، ورالماندارعا، قر-دا تۇراقتى تۇرىپ جاتقان شەتەلدىكتەر مەن ازاماتتىعى جوق ادامدارعا كورسەتىلەدى.

ءمامس جۇيەسىندەگى مەديتسينالىق كومەك تمككك-دان تىس مەديتسينالىق قىزمەتتەردى قامتيتىن بولادى. بۇل حالىقتىڭ ءمامس جۇيەسىنە قاتىسۋىن ايتارلىقتاي ىنتالاندىراتىن بولادى.

دەنساۋلىق ساقتاۋ سالاسىنداعى ءتيىمدى باسقارۋ مەن باسەكەلەستىكتى دامىتۋدى قامتاماسىز ەتۋ ماقساتىندا زاڭ جوباسىندا:

1) شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى قاداعالاۋ كەڭەستەرىنىڭ وكىلەتتىگىن كەڭەيتۋ;

2) شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا القالىق اتقارۋشى ورگاندار ەنگىزۋ;

3) شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا ىشكى اۋديت قىزمەتىن ەنگىزۋ كوزدەلەدى.

«دەنساۋلىق» مەملەكەتتىك باعدارلاماسىنىڭ ەرەجەلەرىن ىسكە اسىرۋ ماقساتىندا زاڭ جوباسىندا:

قر دسم-گە دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي پەسرپەكتيۆالىق جوسپارىن قالىپتاستىرۋ قاعيدالارىن ازىرلەۋ جانە بەكىتۋ بويىنشا;

جاو-عا قر دسم-ءنىڭ كەلىسىمى بويىنشا دەنساۋلىق ساقتاۋ ينفراقۇرىلىمىن دامىتۋدىڭ پەرسپەكتيۆالىق جوسپارلارىن بەكىتۋ بويىنشا وكىلەتتىكتەر بەرۋ كوزدەلگەن.

وسى نورمالاردى ىسكە اسىرۋ ناتيجەسىندە

1) مەملەكەتتىك ينۆەستيتسيالاردى جوسپارلاۋدى وڭتايلاندىرۋ;

2) اۋرۋحانا ۇيىمدارىنىڭ شىعىندارىن وڭتايلاندىرۋ;

3) مەديتسينالىق كومەكتى ينتەگراتسيالاۋ;

4) جەكە بيزنەس ءۇشىن ينفراقۇرىلىمدى دامىتۋعا قاتىسۋدىڭ تارتىمدىلىعىن ارتتىرۋ كۇتىلەدى.

2005 جىلعى مامىردا دۇنيەجۇزىلىك دەنساۋلىق ساقتاۋ اسسامبلەياسى حالىقارالىق مەديتسينالىق-سانيتاريالىق قاعيدالاردى (حمسق) ىسكە اسىرۋ بويىنشا تۇزەتۋلەر قابىلدادى.

حمسق ۇلتتىق ۇيلەستىرۋشىسىنىڭ وكىلەتتىكتەرى مەن مارتەبەسىن رەگلامەنتتەۋ ماقساتىندا زاڭ جوباسىندا دسم-نىڭ حمسق ەنگىزۋ جانە ىسكە اسىرۋ بويىنشا قىزمەتتى سالاارالىق ۇيلەستىرۋ، سونداي-اق حمسق جونىندەگى ۇلتتىق ۇيلەستىرۋشىنىڭ مارتەبەسى مەن قىزمەتى تۋرالى ەرەجەنى بەكىتۋ بويىنشا قۇزىرەتىن بەكىتۋ كوزدەلگەن.

اتالعان تۇزەتۋلەر مىناداي كۇتىلەتىن ناتيجەلەرگە الىپ كەلەدى:

1) قوعامدىق دەنساۋلىق ساقتاۋ سالاسىنداعى قاۋىپتەر مەن توتەنشە جاعدايلاردى جىلدام ەسكەرتۋ جانە دەن قويۋ;

2) قوعامدىق دەنساۋلىق ساقتاۋ سالاسىنداعى توتەنشە جاعدايلارعا، سونىڭ ىشىندە بيولوگيالىق، حيميالىق جانە رادياتسيالىق قاۋىپتەرگە دەن قويۋمەن بايلانىستى سالاارالىق ۇيلەستىرۋدى جانە حالىقارالىق ءوزارا ءىس-قيمىلدى قامتاماسىز ەتۋ.

سونىمەن قاتار، زاڭ جوباسىندا مەديتسينالىق ءبىلىم بەرۋ جانە عىلىم سالاسىنداعى ستراتەگيالىق ارىپتەستىك جانە دەنساۋلىق ساقتاۋ سالاسىنداعى عىلىمي ۇيىمداردىڭ جانە مەديتسينالىق ءبىلىم بەرۋ ۇيىمدارىنىڭ عىلىمي-پەداگوگيكالىق كادرلارىنىڭ قۇزىرەتتەرىن، سونداي-اق مەديتسينالىق ءبىلىم بەرۋ باعدارلامالارى بويىنشا ءبىلىم الۋشىلاردىڭ ءبىلىمى مەن داعدىلارىن باعالاۋ كوزدەلگەن.

سونداي-اق، ينتەگراتسيالانعان اكادەميالىق مەديتسينا ورتالىقتارىن جانە Nazarbayev University ۇقساس ۋنيۆەرسيتەتتىك كلينيكالاردى قۇرۋ مەحانيزمى ارقىلى عىلىم، پراكتيكانىڭ جانە ءبىلىم بەرۋدىڭ ۇشتۇعىرلىلىعى ءۇشىن جاعدايدى قامتاماسىز ەتۋ كوزدەلگەن.

جاڭا ەنگىزىلىمدەر دونور ينستيتۋتىن جانە تۋبەركۋلەزبەن اۋىراتىندارعا مەديتسينالىق كومەك كورسەتۋدى جەتىلدىرۋگە; ءمامس ودان ءارى جەتىلدىرۋگە; دەنساۋلىق ساقتاۋدىڭ ۇلتتىق شوتتارىن ەنگىزۋگە; كەيبىر اكىمشىلىك جانە قىلمىستىق قۇقىق بۇزۋشىلىق قۇرامىن قايتا قاراۋعا; قولدانىستاعى زاڭناماداعى دەنساۋلىق ساقتاۋ جۇيەسى ماسەلەلەرى بويىنشا ولقىلىقتاردى تۇزەتۋدى دە قاراستىرادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3547