عارىشكەر قۇتتىقتاۋىنداعى سۋرەتتە حالىقارالىق عارىش ستانتسياسى بەينەلەنگەن، عارىشكەر تۇركىمەن تۋى مەن تۇركىمەن پرەزيدەنتى جازعان كىتاپ ۇستاپ تۇر. بىراق ماماندار كونونەنكو سۋرەتىنە تۋ مەن كىتاپ قولدان قوسىلعان دەپ وتىر.
ولەك كونونەنكونىڭ عارىش ستانتسياسىنان قۇتتىقتاعانىن 31 جەلتوقساندا تۇركىمەن مەملەكەتتىك تەلەارناسى دا حابارلاعان.
سۋرەتتى مۇقيات زەرتتەگەن fotoforensics.com سايتى تۋ مەن كىتاپ ءتۇسى جالپى گامماعا ساي ەمەستىگىن انىقتاعان. سۋرەت Adobe Photoshop CS6 باعدارلاماسى ارقىلى وزگەرتىلگەنى دە بەلگىلى بولدى.
رەسەي عارىشكەرى ولەگ كونونەنكو 1964 جىلى تۇركىمەنستاننىڭ چاردجوۋ وبلىسىندا تۋعان. قازىر ول حالىقارالىق عارىش ستانتسياسىنداعى ميسسياعا باسشىلىق ەتەدى.
Abai.kz
