2018 جىلى تۇرعىن ءۇي قۇرىلىس جيناق بانكى زاڭناما وزگەرگەننەن كەيىن اسكەريلەر باسپانا ساتىپ الۋ ءۇشىن 70 مىڭ ارنايى شوت اشتى. بۇل شوتتارداعى اقشاعا قول سۇعىلمايدى جانە اسكەري قىزمەتكەرلەردىڭ  بورىشتارىنا بايلانىستى قانداي دا ءبىر نەسيە تولەنبەگەن جاعدايدا تۇتقىنعا الىنبايدى.

2018 جىلدىڭ شىلدە ايىندا «اسكەري باسپانا» باعدارلاماسى ىسكە قوسىلدى. بانك پاتەر ساتىپ الۋ ءۇشىن اسكەري قىزمەتشىلەرگە جەڭىلدىك شارتتارىن ۇسىندى: جىلدىق سىياقى مولشەرلەمەسى 6%-دان 8%-عا دەيىن، باستاپقى جارنا — 5%-دان 20%-عا دەيىن. قارىزدى كوپ بالل جيناعان ۇمىتكەرلەر الادى. ۇپايلار قىزمەتتىڭ ءاربىر تولىق ايى ءۇشىن ەسەپتەلەدى. كىم ۇزاعىراق قىزمەت ەتسە، سونىڭ مۇمكىندىگى جوعارى بولادى.

ل. يبراگيموۆانىڭ ايتۋىنشا، «قازاقستاننىڭ تۇرعىن ءۇي قۇرىلىس جيناق بانكى» اق ارنايى ازىرلەنگەن askeri.baspana.kz سايتى ارقىلى 13 مىڭ ءوتىنىش ءتۇستى. ونىڭ ىشىندە 5,5 مىڭ اسكەري قىزمەتشى نەسيە بويىنشا وڭ شەشىم الدى، قۇجاتتارعا قول قويىلىپ، قازىرگى ۋاقىتتا ولار پاتەر ىزدەستىرۋدە.

2250 ادام تقجب-دان قولجەتىمدى نەسيە الىپ، ءوز پاتەرلەرىنە قونىستاندى. 250 اسكەري قىزمەتشىنىڭ قۇجاتتارى بانكتە قاراۋدا جاتىر.

«2019 جىلدىڭ 1 ساۋىرىنە دەيىن نەسيە بويىنشا وڭ شەشىم العان 5,5 مىڭ اسكەري قىزمەتكەردىڭ بارلىق قۇجاتتارىن قاراپ، ەكىنشى باعدارلامانى باستاۋدى جوسپارلاپ وتىرمىز»، — دەدى ل. يبراگيموۆا.

«قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسى باق وكىلدەرىنىڭ سۇراقتارىنا جاۋاپ بەرە كەلە، ونلاين رەجيمىندە قىزمەت كورسەتۋ بويىنشا جۇرگىزىلىپ جاتقان جۇمىستار تۋرالى دا ايتتى.

«نۇرلى جەر» باعدارلاماسى بويىنشا سالىنىپ جاتقان بارلىق نىساندار تۋرالى قازاقستاندىقتار baspana.kz سايتى ارقىلى بىلە الادى. پورتالدا قولجەتىمدى شارشى مەترگە ۇمىتكەر پاتەردى ساتىپ العىسى كەلەتىن قالانى تاڭداپ، قانداي نىساندار سالىناتىنىن، وتىنىشتەردى قابىلداۋ رەتىن ءبىلىپ، ۇناعان پاتەردى تاڭداپ، تۇرعىن ءۇيدى ساتىپ الۋشىلار پۋلىنا قاتىسۋعا ءوتىنىم بەرە الادى.

«جىل سايىن سالىمشىلاردىڭ سانى وسۋدە: بىزدە 1,2 ملن سالىمشى بار، ال 3 جىل بۇرىن ولاردىڭ قاتارى 600 مىڭ عانا بولعان ەدى. الايدا وسىعان قاراماستان بانكتەگى ادامدار سانى ۇلعايىپ جاتقان جوق. سوندىقتان سوڭعى 3 جىل ىشىندە ءبىز بارلىق بيزنەس-پروتسەستەردى اۆتوماتتاندىرۋعا باسا نازار اۋدارامىز»، — دەدى ل. يبراگيموۆا.

بىرىنشىدەن، كەڭەسشىنى ۇيگە شاقىرۋ مۇمكىندىگى بار جانە ول ءوزىنىڭ ارنايى پلانشەتى ارقىلى ۇيىڭىزگە كەلىپ دەپوزيت اشىپ بەرە الادى. ەكىنشىدەن، سالىمشىلار كەز كەلگەن بانكتىڭ كارتوچكاسىنان دەپوزيتتى ەش كوميسسياسىز سوما مولشەرىنە قاراماستان تولىقتىرا الادى. اۆتوماتتاندىرۋدىڭ ءۇشىنشى كەزەڭى-ەلەكتروندىق پورتال ارقىلى قۇجاتتاردى بەرۋ. 2018 جىل بويى وتىنىمدەردى جيناۋ، پاتەرلەردى ءبولۋ جانە باسقا دا پروتسەستەر جتقجب ينتەرنەت-بانكينگىمەن بايلانىستى baspana.kz پورتالى ارقىلى جۇرگىزىلدى.

«ءبىز الدىن الا بىلىكتىلىك بويىنشا ۇلكەن جوبانى جۇزەگە اسىرۋدى جوسپارلاپ وتىرمىز. كوپتەگەن سالىمشىلاردى تابىسى ايىنا 100-120 مىڭ تەڭگە بولعاندا ولار قانداي سوماعا ۇمىتتەنە الاتىنى  تولعاندىرادى. “الدىن الا بىلىكتىلىك” ينستيتۋتى 2019 جىلدىڭ باسىندا جۇمىس ىستەيدى جانە ءاربىر سالىمشىعا بانكتە قارىز قانداي سوماعا ماقۇلدانۋى مۇمكىن ەكەندىگى تۋرالى اقپارات الۋعا مۇمكىندىك بەرەدى»، — دەپ ءتۇسىندىردى سپيكەر.

سالىمشىنىڭ ورتاشا جاسى-36 جاس. 150 مىڭ بالالار دەپوزيتى 0-18 جاس ارالىعىندا اشىلدى. ل. يبراگيموۆانىڭ ايتۋىنشا، تقجب قىزمەتىن ءبىر رەت پايدالانعان ادامدار ارتىقشىلىقتاردى تۇسىنە وتىرىپ، بالا تۋعاننان باستاپ قارجى جيناي باستايدى.  اربىر ءۇشىنشى سالىمشى 18-29 جاس ارالىعىنداعى ادامدار، بۇل سپيكەردىڭ ايتۋىنشا، باسىم توپقا جاتادى.

«جاستار (ەسكەرتۋ. – 2019 جىلدى مەملەكەت باسشىسى جاستار جىلى دەپ جاريالادى) جىلى جاس وتباسىلار ءۇشىن ءار-ءتۇرلى باستامالاردى ۇسىناتىن بولامىز. باعدارلامانى باستاپقى نارىقتا عانا ەمەس، ەكىنشى نارىقتا دا قاراستىرىپ، ونىڭ كەڭەيۋىنە قاجەت قۇرالداردى سارالاپ قاراستىرامىز. ويتكەنى، ءبىز سالىمشىلاردىڭ ءتۇرلى سەگمەنتتەرىن زەردەلەي كەلە، ءبىز حالىقتىڭ ءار بولىگىنىڭ ءوز قاجەتتىلىكتەرىن بايقادىق. باسىندا ادامدار باسپانالى بولعىسى كەلىپ، ءبىر بولمەلى پاتەردى ساتىپ العىسى كەلەدى. 3-4 جىلدان كەيىن بالالارى پايدا بولعان سوڭ تۇرعىن ءۇي كولەمىن ۇلعايتۋ تۋرالى ءوتىنىش بىلدىرەدى. بۇل ومىرلىك تسيكل وتە ماڭىزدى، ءبىز وتباسىنىڭ ءاربىر كەزەڭىندە سالىمشىلاردىڭ قاجەتتىلىگىن قاناعاتتاندىرا الاتىن باعدارلامالاردى ازىرلەۋگە تىرىسامىز»، — دەپ تۇيىندەدى ءسوزىن بانك باسقارماسى.