ءتىل تۋرالى جازا-جازا جاۋىر بولدى دەسە دە بولادى. الاش بالاسىنىڭ انا ءتىلىنىڭ جەتىم بالانىڭ كۇيىن كەشۋى باق بەتتەرىنەن تۇسپەي كەلەدى. بىراق ناقتى ءىس جوق. جوق بولاتىن سەبەبى. ونى قولعا الاتىن نە قوعامدىق ۇيىم، نە ساياسي پارتيا سۋىرىلىپ العا شىقپاي وتىر. قازاق ءتىلىنىڭ بوساعاداعى باسىن تورگە سۇيرەۋ ءۇشىن قوعامدىق ءدۇمپۋ قاجەت. بۇل جاعداي دەپۋتاتتاردىڭ زاڭ شىعارۋ قۇقىعى اياسىندا جۇزەگە اساتىن احۋالدى قالىپتاستىردى.

ەندى وسى احۋالعا قاتىستى كوپتىڭ ويىن ورتاعا سالىپ، تەك جارناماعا قاتىستى ءسوز قوزعاماقپىز.

الەمگە تانىمال ساۋدا ماركالارى ءوز جارنامالارىن بۇۇ التى ءتىلى بويىنشا دايىنداپ، جاھانعا تاراتادى. اراب تىلىندەگى جارناماعا ءتانى جالاڭاش بەينەباياندار كىرمەيدى. تەك ەۋروپا مەن اقش رەسەيگە ارناپ دايارلاعان جارنامانى قازاقستان رەسپۋبليكاسى تۇتىنىپ كەلەدى. قازاقتىڭ سالت-ساناسىنا ۇيلەسپەيتىن ول جارنامالاردى اتاسى مەن نەمەرەسى بىرگە وتىرىپ كورۋ مۇمكىن ەمەس. قازىر قازاق بەيادەپ جارنامالار سالدارىنان تەلەديدار كورۋدەن قالدى.

ءبىز جۇرتقا تانىمال بەلگىلى ءبىر ءونىمنىڭ جارناماسىنىڭ بەرىلۋىنە قارسى ەمەسپىز. بىراق وندا قازاق دىلىنە قۇرمەتپەن قارايتىن يبا مەن ىزەتتىلىك بولعانىن تۇتىنۋشى رەتىندە  تالاپ ەتۋىمىز كەرەك. ءارى جارتىلاي جالاڭاش دۇنيەلەردى ەفيردەن بەرۋشىلەرگە مۇسىلمان ەلى رەتىندە رەسمي ءدىن وكىلدەرى ارالاسىپ، ءوز ويىن بيلىك پەن بيزنەسكە جەتكىزۋى قاجەت.

ەڭ باستىسى ەلىمىزدەگى بارلىق جارناما تەگى بەرىلۋى مەن تاراتىلۋ تۇرىنە قاراماي 2020 جىلدان باستاپ تەك قازاق تىلىندە كيريلل جانە لاتىن جازۋىمەن جارنامالانۋى زاڭمەن بەكىتىلسە دەگەن ويىمىزدى ورتاعا سالماقپىز.

ءتىلدى دامىتۋ ءۇشىن ناقتى دا يگىلىكتى قادام جاساۋ ارقايسىمىزدىڭ ازاماتتىق پارىزىمىز ەكەنىن ەستەن شىعارمايىق.

ءابىل-سەرىك الياكپار

Abai.kz