قاڭتار ايىنىڭ باسىندا ابە اۋماقتى تاپسىرعان سوڭ ارالداعى رەسەيلىكتەردىڭ وندا تۇرا بەرۋىنە جاپونيا قارسى ەكەنىن مالىمدەگەن. "كەلىسسوزدەر تىعىرىققا تىرەلگەنى راس", - دەپ مالىمدەدى ۋشاكوۆ.
جاپونيا يتۋرۋپ، شيكوتان، كۋناشير جانە حابوماي ارالدارى رەسەيگە تيەسىلى دەگەنگە قارسى.
بۇل ارالداردى كسرو ەكىنشى دۇنيەجۇزىلىك سوعىس سوڭىندا باسىپ العان. ارالدار توڭىرەگىندەگى داۋعا بايلانىستى رەسەي مەن جاپونيا ءالى كۇنگە دەيىن بەيبىت كەلىسىمگە وتىرمادى. وتكەن جىلى قاراشا ايىندا ابەنىڭ رەسەي پرەزيدەنتى ۆلاديمير پۋتينمەن كەزدەسۋىنەن سوڭ جاپونيا 1956 جىلعى ارالدار تۋرالى دەكلاراتسياعا قايتا ورالۋعا دايىن ەكەنى ءمالىم بولدى.
بۇل قۇجاتتا كسرو ەكى ەل اراسىنداعى بەيبىت كەلىسىمنەن سوڭ جاپونياعا حابوماي جانە شيكوتان ارالدارىن بەرۋى كەرەك بولعان. ءپۋتيننىڭ ءباسپاسوز حاتشىسى دميتري پەسكوۆتىڭ مالىمدەۋىنشە، ەكى ەل اراسىنداعى بەيبىت كەلىسىمنىڭ قابىلدانۋى ارالداردى جاپونياعا قايتارۋ دەگەندى بىلدىرمەيدى.
20 قاڭتاردا ماسكەۋدە جانە رەسەيدىڭ بىرقاتار قالاسىندا ارالداردى بەرۋگە قارسى ميتينگتەر ءوتتى. وندا رەسەي ۇكىمەتى مەن پرەزيدەنت ءپۋتيندى سىنايتىن ۇراندار تاستالدى.
Abai.kz
