دۇيسەنبى, 16 قىركۇيەك 2019
711 0 پىكىر 12 اقپان, 2019 ساعات 10:33

1,4 ملن ازامات سالىق امنيستياسىنا ىلىگە الادى

ۇكىمەتتىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا قر قارجى ءمينيسترى ءاليحان سمايىلوۆ شاعىن جانە ورتا بيزنەس سۋبەكتىلەرىنە سالىق امنيستياسىن جۇرگىزۋ بارىسى تۋرالى ايتىپ بەردى.

سالىق امنيستياسى اياسىندا 2018 جىلعى 1 قازانداعى جاعداي بويىنشا بەرەشەگى تولەنگەن جاعدايدا سالىق تولەۋشىلەردىڭ دەربەس شوتتارىندا ەسەپتەلگەن ءوسىمپۇلدار مەن ايىپپۇلدار جويىلادى. جالپى، سالىق امنيستياسىنا 210 ملرد تەڭگە قارىزى بار شامامەن 90 مىڭ شاعىن جانە ورتا بيزنەس سۋبەكتىلەرىنىڭ سالىق تولەۋشىسى ىلىگەدى. بۇل بەرەشەكتەر تولەنگەن جاعدايدا قارجى مينيسترلىگى 130 ملرد تەڭگە ءوسىمپۇل مەن ايىپپۇلدى الىپ تاستايدى.

بۇگىنگى تاڭدا، 28مىڭعا جۋىق سالىق تولەۋشى 5,9 ملرد تەڭگەدەن استام بەرەشەگىن وتەگەن. تيىسىنشە، 1,1 ملرد تەڭگە ءوسىمپۇل جانە 0,1 ملرد تەڭگە ايىپپۇل ەسەپتەن شىعارۋعا جاتادى.

«ءبىز بيزنەسكە ايىپپۇلدار مەن ءوسىمپۇلداردى تولەمەستەن، نەگىزگى قارىزدى تولەۋگە مۇمكىندىك بەرەمىز. 2019 جىلدىڭ 1 قاڭتارىنداعى جاعداي بويىنشا بەرەشەكتىڭ نەگىزگى بولىگىن وتەگەن ازاماتتار ءۇشىن بارلىق ەسەپتەلگەن ءوسىمپۇل ەسەپتەن شىعارىلادى. مەملەكەت سالىق تۇسىمدەرىن الۋدا. ماسەلەن، 1 قازانداعى جاعداي بويىنشا قارىزى بار شاعىن جانە ورتا بيزنەس شسۋبەكتىلەرىنىڭ امنيستياسى بويىنشا، بۇل — شامامەن 90 مىڭ، مەملەكەت بارلىق سالىق تولەۋشىلەر قارىزىنىڭ نەگىزگى بولىگىن تولەگەن جاعدايدا 200 ملرد تگ استام قوسىمشا سالىق تۇسىمدەرىن الۋى ءتيىس»، — دەدى ءا. سمايىلوۆ.

سونىمەن قاتار، ءمينيستردىڭ ايتۋىنشا، اتالعان شارا جالپى ەكونوميكا جاعدايىن جاقسارتادى. ياعني، ەگەر مەرزىمى ءوتىپ كەتكەن قارىزدار بولماسا، وندا كومپانيا ءارى قاراي قالىپتى جاعدايدا جۇمىس ىستەپ، نەسيە الىپ، مەملەكەتپەن قارىم-قاتىناس جاساۋدى جالعاستىرا الادى.

«مۇنداي ءىس-شارالار بۇعان دەيىن دە جۇرگىزىلگەن بولاتىن: 2011, 2015 جىلدارى وڭ ناتيجە بەردى. سوڭعى امنيستياعا سايكەس، امنيستيادان وتكەن كاسىپورىنداردىڭ 70% جۋىعى قازىرگى تاڭدا قارىزسىز قىزمەت كورسەتۋدە. سوندىقتان دا، بۇل ءىس بيزنەسكە دە، مەملەكەتكە دە پايدالى دەپ ەسەپتەيمىن»، — دەدى مينيستر.

ونىڭ ايتۋىنشا، جەكە تۇلعالارعا قاتىستى سالىق امنيستياسىن جۇرگىزۋ ماقساتىندا سالىق كودەكسىنە ءتيىستى وزگەرتۋلەر ەنگىزىلەتىن بولادى. بۇگىنگى تاڭدا 1,4 ملن ازاماتتىڭ 21 ملرد تەڭگە كولەمىندە سالىقتىق بەرەشەگى بار، ونىڭ 6,6 ملرد تەڭگەسى — ءوسىمپۇل.

شوب ودان ءارى دامىتۋدىڭ تاعى ءبىر مىسالى — تەكسەرىستەر سانىن ازايتۋ. قارجى مينيسترلىگىنىڭ اقپاراتىنا سايكەس، 2016 جىلى 77 مىڭ تەكسەرۋ جۇرگىزىلسە، 2017 جىلى – 42 مىڭ، 2018 جىلى – 38 مىڭعا ازايدى. ياعني، تەكسەرۋ شارالارى 2 ەسەدەن استام تومەندەگەنىن بايقاۋعا بولادى. تەكسەرۋلەردىڭ ساپاسىن ارتتىرۋ قوسا ەسەپتەلگەن سومالاردى ءوندىرىپ الۋدىڭ ءوسىمىن 35%-عا ارتتىرۋعا مۇمكىندىك بەردى. سونىڭ ناتيجەسىندە تەكسەرۋ ەسەبىنەن بيۋدجەتكە قوسىمشا 45 ملرد تەڭگە ءتۇستى.

دەرەككوز:  primeminister.kz

Abai.kz

0 پىكىر