جۇما, 29 ناۋرىز 2024
2714 2 پىكىر 25 اقپان, 2019 ساعات 10:46

سكريپالدى ۋلاعان دەلىنەتىن قازاقستان تۋماسى تۋرالى جاڭا مالىمەتتەر جاريالاندى

The Insider باسىلىمى مەن Bellingcat زەرتتەۋ توبى گرۋ-دىڭ بۇرىنعى وفيتسەرى ءارى قوس تاراپتىڭ اگەنتى سەرگەي سريپال مەن ونىڭ قىزى يۋلياعا شابۋىل جاساعان ءۇشىنشى كۇدىكتى تۋرالى مالىمەتتەر جاريالادى.

رەسەيدىڭ اسكەري بارلاۋىنىڭ قىزمەتكەرى دەنيس سەرۆەەۆ (اگەنتتىكتەگى لاقاپ اتى سەرگەي فەدوتوۆ) ءۇشىنشى كۇدىكتى رەتىندە اتالدى.

جۋرناليستەر انىقتاعان مالىمەتتەر بويىنشا، سەرگەەۆ قازاقستانداعى ءۇشارال (الماتى وبلىسى) قالاسىندا وسكەن. 1990 جىلى ەكاتەرينبۋگتەگى اسكەري ۋچيليششەسىن ءبىتىرىپ، اسكەري مانسابىن اسكەري-دەسانتتىق اسكەردە جالعاستىرعان. 1999 جىلى سەرگەەۆ داعىستانداعى وسلينوە ۋحو تاۋى ءۇشىن سوعىسقا قاتىسقان، جارالانعان، مەملەكەتتىك ناگراداعا ۇسىنىلعان. 2000-جىلداردىڭ باسىندا سەرگەەۆ ماسكەۋگە كوشىپ كەلگەن، اسكەري بارلاۋ قىزمەتكەرلەرىن دايىندايتىن اسكەري اكادەمياعا وقۋعا تۇسكەن.

The Insider مالىمەتى بويىنشا، سەرگەەۆ اگەنت سكريپالدى عانا ەمەس، سونىمەن بىرگە بولگار كاسىپكەرى ەمەليان گەبرەۆتى ۋلاۋعا، رەسەيدىڭ شەتەلدەگى بىرنەشە وپەراتسياسىنا قاتىسۋى مۇمكىن. مىسالى، ول كاتالونيادا ءبولىنۋ تۋرالى رەفەرەندۋم قارساڭىندا بولعان، بريتانياعا برەكزيت تۋرالى رەفەرەندۋم الدىندا بارعان. بۇل وقيعالارعا ونىڭ تىكەلەي قاتىسى بارىن جۋرناليستەر دالەلدەي الماعان. بىراق سەرگەەۆتىڭ چەرنوگورياداعى اسكەري توڭكەرىسكە قاتىسقان اسكەري بارلاۋ قىزمەتكەرىمەن تانىس بولعان.

جۋرنالستەر سەرگەەۆتىڭ تاجىكستانعا 2013 جىلى، چەحياعا 2014 جىلى جانە تۇركياعا 2015 جىلى بارعانىن انىقتادى. Bellingcat جانە The Insider جۋرناليستەرى اڭگىمەلەسكەن مامان بۇل ساپارلار سيرياعا قارۋ ساتۋمەن بايلانىستى بولۋى مۇمكىن ەكەندىگىن ايتقان. بۇل بولجامعا دالەل جوق. The Insider باسىلىمى Bellingcat-پەن بىرگە جۇرگىزگەن زەرتتەۋىن باياندامانىڭ كەلەسى بولىمىندە جاريالاۋعا ۋادە بەردى.

سەرگەي سكريپال ىسىندە ءۇشىندى كۇدىكتى - سەرگەي فەدوتوۆ ەكەنى بيىل اقپان ايىنىڭ باسىندا بەلىلى بولدى. بۇعان دەيىن اقپارات قۇرالدارى الەكساندر ميشكين مەن اناتولي چەپيگا تۋرالى حابارلاپ كەلدى. بريتان تەرگەۋشىلەرى ولار ماسكەۋدىڭ تاپسىرماسىمەن انگليادا "نوۆيچوك" ۋىن پايدالاندى دەپ وتىر. ماسكەۋ بۇل ايىپتاۋ جوققا شىعاردى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596