باسپاسوزدەگى العاشقى سۇحباتىندا 20 جاستاعى يمان كاريموۆا قاماۋدا وتىرعان اناسىنىڭ ءومىرى تۋرالى بايانداعان. يماننىڭ ايتۋىنشا، 15 جاسىندا ول ۇلىبريتانياداعى برايتون كوللەدجىنە تۇسكەن، 2014 جىلى تاشكەنتكە دەمالىسقا كەلگەن. سول كۇنى ونىڭ ۇيىنەن ارقانمەن ارنايى جاساق كىرگەن.

ولار پاتەردە بولعان ادامداردىڭ بارلىعىن سىرتقا شىعارعان، اناسىنىڭ بارلىق قۇجاتتارى مەن ەلەكتروندى زاتتارىن تاركىلەگەن. "كەيىن ءبىزدىڭ وققاعارلار قايتىپ ورالدى، بىراق ولار باسقا تاپسىرما الىپ كەلگەن. ەندى ولار ءبىزدى قورعامايدى، تۇرمە كۇزەتشىلەرى قىزمەتىن اتقارادى. انام مەنىڭ اتاممەن سويلەسكىسى كەلدى، بىراق وعان جول بەرمەدى", - دەدى يمان كاريموۆا.

وزبەكستاننىڭ تۇڭعىش پرەزيدەنتىنىڭ نەمەەسى وسى وقيعادان سوڭ ۇلىبريتانياعا قايتا الماعان، تاشكەنت شەتىندەگى ۇيدە ءبىر جارىم جىل تۇرعان. ونى اناسىمەن بىرگە ۇيقاماقتا ۇستاعان.

يمان كاريموۆا اناسىنىڭ 30 جاستاعى كومەكشىسى ۆالەنتينا سىرتقى شىعارماعانىنا قاتتى قايعىرىپ، ءوز-وزىنە قول سالعانىن ايتتى. ۆالەنتينا بالالارىن دا كورە الماي كەتكەن.

يمان كاريموۆا سىركە سۋىن ءىشىپ ولگەن ايەلدى ۇيدەن قالاي شىعارعانىن كورگەن.

گۇلنارا كاريموۆانىڭ قىزى قازىر لوندون ەكونوميكا مەكتەبىندە وقيدى. ول 2015 جىلى تامىزدا اناسىنىڭ ءۇيىنىڭ اسحاناسىندا ونى قالاي سوتتاعانىن ايتتى.

بريتاندىق جۋرنال گۇلنارا كاريموۆانىڭ 26 جاستاعى ۇلى يسلام كاريموۆپەن دە سويلەستى. ونىڭ لوندوندا تۇرىپ جاتقانىنا ءبىراز بولدى. ول اناسىنا تاعىلعان ايىپتاردىڭ اۋىر ەكەنىن تۇسىنەدى، بىراق ونى وزبەكستاننان تىس جەردە سوتتاعانىن قالايدى.

"مەنىڭ انامدى شۆەيتساريادا سوتتاعانى دۇرىس بولار ەدى، قازىر ەلدە ونى جەكە ادام رەتىندە قۇرتىپ جاتىر", - دەدى ول.

Abai.kz