سەنبى, 20 ءساۋىر 2019
46 - ءسوز 1231 5 پىكىر 15 ناۋرىز, 2019 ساعات 12:01

الجيردەگى جاعداي

الجيردە 82 جاستاعى پرەزيدەنت ابدەلازيز بۋتەفليكتىڭ بەسىنشى رەت ەل پرەزيدەنتتىگىنە سايلاۋعا ءتۇسۋى تۇتاس الجير حالقىنىڭ باس كوتەرۋىنە سەبەپشى بولدى. ەلدىڭ بارلىق قالالارىندا حالىقتىڭ ءدۇمپۋى بىرنەشە اپتادان بەرى توقتاماي جاتىر. ءدال قازىرگى ۋاقىتتا ەلدىڭ پرەمەر ءمينيسترىنىڭ ورىنى بۇرىنعى ىشكى ىستەر ءمينيسترىنىڭ ورىنىمەن اۋىستىرىلدى.

ابدەلازيز بۋتەفليك حالىقتىڭ تولقۋىنان سەسكەنىپ، قازىرگى ۋاقىتتا پرەزيدەنتتىك كانديداتۋراسىن الىپ، وكىمەتتە ءبىرشاما ورىن اۋىستىرۋلار مەن وزگەرىستەر جاسادى. قاراپ وتىرساڭىز بىزدەگى فورمۋلانى كورسەتەدى. سوڭعى ۋاقىتتا مەملەكەتتىڭ استاناسىندا 10 مىڭنان اسا ادام كوتەرىلىسكە شىعىپ، ولاردى تاراتۋعا پوليتسيا مەن اسكەردىڭ كۇشى جەتپەي جاتىر. پرەزيدەنت حالىققا قاراتا كەلەسى جىلى كەزەكتەن تىس پرەزيدەنت سايلاۋى بولاتىنىن مالىمدەدى.

مەملەكەتتىڭ ءبىلىم جانە عىلىمي زەرتتەۋ مينيسترلىگى مەكتەپتەردەگى وقۋشىلار مەن جوعارى وقۋ ورىندارىنداعى ستۋدەنتتەردى كوكتەمگى دەمالىسقا جىبەرۋگە ءماجبۇر بولدى. قازىر وقۋ ورىندارى بوس قاڭىراپ تۇر. الجيردە 1,7 ميلليون ستۋدەنت بار، ونىڭ 630 مىڭى جاتاقحانالاردا تۇرادى.

بۋتەفليك ەلدى 1999 جىلدان بەرى باسقارىپ كەلەدى. 2013 جىلى ول اۋىر ينسۋلتتەن امان قالىپ، ارباعا جەگىلگەن بولاتىن. سوندا دا پرەزيدەنت تاعىندا وتىرىپ، ەل باسقارىپ كەلەدى. بىراق ول ينسۋلت العاننان كەيىن حالىقپەن ديالوگ ورناتۋدى تىم سيرەتىپ جىبەرگەن.

بەكبولات قارجاننىڭ facebook پاراقشاسىنان

Abai.kz

5 پىكىر