سەنبى, 20 ءساۋىر 2019
46 - ءسوز 1193 18 پىكىر 18 ناۋرىز, 2019 ساعات 14:40

ءدىني دوگماعا تۇسكەن مۇسىلمان ەلدەرى الەمدىك كوشتەن ارتتا قالىپ وتىر...

جاڭا زەلاندياداعى تەرراكتتان كەيىن ادەتتەگىدەي "حريستياندارعا قارسى تەرراكت بولسا الەم شۋلايدى. مۇسىلماندارعا قارسى بولسا ەشكىم ۇندەمەيدى" دەگەن سارىندا پوستتار جازىلىپ جاتىر. مەنىڭ ويىمشا، مۇنىڭ ءبىر اق سەبەبى بار.

حريستيانداردىڭ قولىندا قۋاتتى ەكونوميكا، وزىق تەxنولوگيا، ءبىلىم مەن عىلىم بار. قولىندا بار كۇشپەن الەمدى شۋلاتا الاتىنداي قۋاتتى دەڭگەيدە. الەمگە اقپارات تاراتامىن دەسە مۇسىلماندارعا دا ەشكىم قوي دەپ جاتقان جوق. بىراق، اڭگىمەنىڭ اشىعى الەمدى شۋلاتا الاتىن كۇشىمىز دە جوق. كوپ مۇسىلمان ەلدەرى كەدەي ءارى دامىماي الەمدىك كوشتەن ارتتا قالعان ەلدەر.

ادامزات بالاسىنىڭ تاريxىندا كىم كۇشتى سونىڭ دەگەنى بولعان. ءالسىزدىڭ اڭگىمەسى مەن ادىلەتى كىمگە كەرەك؟ ءوز ەلىندە ادىلەتتىلىك ورناتا الماعان، زاماننىڭ كوشىندە قالعان اۋعانستاندى، قىرعىزستاندى، ەگيپەت پەن سيريانى كىم تىڭدايدى؟..

ساقال مەن بالاقتى اڭگىمە قىلىپ، مۇنداعا دەيىن ايەلدەر كولىك جۇرگىزسە كۇنا دەيتىن، پارانجا كيگەن ايەلدەردىڭ كوزدەرىن تەكسەرىپ، سەنىكى "ۆوزبۋجدايۋششي" كوز دەپ قامايتىن، الەمنىڭ بەنزاكالونكاسى اتانعان ارابتاردىڭ شىندىعى كىمگە كەرەك؟ مىنە، وسىنداي بەيشارا xالدەسىڭ "مەنى تىڭدامايدى" دەپ كىمگە رەنجيسىڭ؟..

ءدىني دوگماعا ءتۇسىپ، ادامزاتتىڭ دامۋىنان ارتتا قالعان، عىلىم مەن تەxنولوگيا جاساي الماعان، قۋاتتى ەكونوميكا قۇرا الماعان وزىمىزگە رەنجۋىمىز كەرەك. شىن مانىندە،  الەمگە ويىڭدى ايتىپ، اقپارات تاراتۋ ءۇشىن سپۋتنيك، ينتەرنەت، الەۋمەتتىك جەلى كەرەك. بىراق، ونى دا ءبىز ويلاپ تاپقان جوقپىز😀

P.S. مىنا سۋرەتتە سوڭعى 100 جىلدا ءار دىننەن "نوبەل" سىيلىعىن العان ازاماتتاردىڭ ستاتيستيكاسى كەلتىرىلگەن.

الەمدە سانى جونىنەن (1,5 ملرد) ەكىنشى ورىنداعى مۇسىلماندار 14 ميلليون ەۆرەيلەردەن اسا الماعان. ادام ۇيالاتىن ستاتيستيكا. نە ءبىزدىڭ باسىمىز ىستەمەيدى، نە ميىمىز شايقالعان.  مۇمكىن دۇعادا بولساق جاڭالىق اشىپ قالارمىز ءا؟..

الدە بۇل دۇنيەنىڭ شايتاني تىرلىكترىنەن باس تارتىپ، بەس پارىزدى ورىنداساق جەتىپ جاتىر ما؟..

باۋىرجان سەرىكبايدىڭ facebook پاراقشاسىنان

Abai.kz

18 پىكىر