"ورنىندا بار وڭالادى" دەگەن قازاق. اتاۋى وزگەرگەن استانا دا، كوشەلەر دە قازاقستاننىڭ تەرريتورياسىندا تۇر. وزگە ءبىر ەلگە كوشىرىپ الىپ كەتكەن ەشكىم جوق. ۋاقىت ساعاتى كەلگەندە ۇرپاق ءوز تاريxي باعاسىن بەرىپ رەتتەيدى. بىزگە قاجەتى بيلىكتىڭ ءترانزيتى كەزىندە جىك-جىككە بولىنبەي بىرلىكتە بولعانىمىز كەرەك. كەتەتىن ادام كەتتى! قانشا جەردەن كىم نە دەسە دە اۆتوريتارلى ساياسي جۇيەنىڭ سەڭى بۇزىلدى. قالعان xالىققا شىنىمەن ۇناماعان دۇنيەلەردى كەزەڭ - كەزەڭىمەن اقىرىنداپ ءبارىن ورنىنا كەلتىرۋگە بولادى.

ماعان ەلىمنىڭ تىنىشتىعى كەرەك! ەلباسىنىڭ ەندىگى مىندەتى پرەزيدەنت سايلاۋىن وتكىزىپ ورنىنا ەلگە قايىرلى تۇلعانى قالدىرىپ كەتۋ دەپ بىلەمىن. ءبىز تاريxىمىزدا ءۇش جۇزگە ءبولىنىپ، ىردۋ-دىردۋىمىز شىعىپ، سىرتتان جاۋ كەلگەندە عانا ءبىر تۋدىڭ استىنا جينالىپ كەلگەن xالىقپىز! وزەگىڭ ورتەنىپ كەتسە دە شىندىق وسى! قازىرگى XXI عاسىر جىك-جىككە بولىنگەن مۇنداي ەركەلىكتى كوتەرمەيدى. تىنىشتىق پەن سابىرلىق كەرەك! كەلەسى پرەزيدەنتتىك سايلاۋ ءوتىپ، جاڭا پرەزيدەنت اقورداسىنا جايعاسىپ، وڭ مەن سولىن تانىعانشا، ءوز بيلىگىن مويىنداتقانشا ەل ومىرىندەگى وتپەلى كەزەڭدە ەلباسىنىڭ تىزگىننىڭ ءبىر بۋىنىن قولىندا ۇستاي تۇرعانى، ساياساتتاعى بەلسەندىلىگى قازاق ءۇشىن ءالى دە كەرەك!

ەگەر وزبەكستانداعىداي جاعدايمەن بيلىك اۋىسقاندا سىرتتاعى، ىشتەگى وليگارxتار بيلىككە تالاسىپ توز-توزىڭدى شىعارارى ءسوزسىز ەدى. ەلباسى وعان جەتكىزبەي، سايلاۋعا تۇسەمىن دەمەي كۇش-قۋاتى بويىندا كەزدە بيلىك ءترانزيتىن باستادى. جالپى، سەكىرە بەرمەي، بايبالام سالىپ، ۋلاپ-شۋلاماي توقتايىق ەندىگى! قانشا جەردەن دەموكراتياشىل بولساڭ دا، xالىق بولىپ ولەتىن جەرىمىزدى، اتالى سوزگە توقتايتىن نۇكتەمىزدى ءبىلۋىمىز كەرەك!

باۋىرجان سەرىكبايدىڭ facebook پاراقشاسىنان

Abai.kz