قازاقستان رەسپۋبليكاسىنىڭ كونستيتۋتسيالىق كەڭەسى، قۇرامىندا توراعا ق.ءا. ءمامي، كەڭەس مۇشەلەرى ا.ق. داۋىلباەۆ، ۆ.ا. مالينوۆسكي، ي.د. مەركەل، ءا.ا. تەمىربەكوۆ جانە ۋ. شاپاك قاتىسقان اشىق وتىرىسىندا قازاقستان رەسپۋبليكاسىنىڭ پرەزيدەنتى ق.ق. توقاەۆتىڭ «قازاقستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن قازاقستان رەسپۋبليكاسىنىڭ كونستيتۋتسياسىنا سايكەس كەلەتىنى تۋرالى قورىتىندى بەرۋ ءوتىنىشىن قارادى.

جينالىس قورىتىندىسىندا كونستيتۋتسيالىق كەڭەس «قازاقستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» قر زاڭى جوباسىنىڭ قر كونستيتۋتسياسىنا سايكەستىگىن تەكسەرىپ، ارنايى شەشىم شىعاردى.

بايانداماشى-كونستيتۋتسيالىق كەڭەس مۇشەسى ا.ق.داۋىلباەۆتىڭ حابارلاماسىن تىڭداپ، كونستيتۋتسيالىق ءىس جۇرگىزۋ ماتەريالدارىن زەردەلەپ، زاڭنامانى تالداپ، قازاقستان رەسپۋبليكاسىنىڭ كونستيتۋتسيالىق كەڭەسى

انىقتادى:

قازاقستان رەسپۋبليكاسى كونستيتۋتسيالىق كەڭەسىنە 2019 جىلعى 20 ناۋرىزدا قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» زاڭ جوباسىنىڭ قازاقستان رەسپۋبليكاسىنىڭ كونستيتۋتسياسىنا سايكەس نىسانىنا قورىتىندى بەرۋ تۋرالى ءوتىنىشى كەلىپ ءتۇستى.

«قازاقستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسىمەن كونستيتۋتسيانىڭ 2-بابىنىڭ 3 تارماعى جاڭا رەداكتسيادا بەرىلگەن:

«3. رەسپۋبليكانىڭ اكىمشىلىك-اۋماقتىق قۇرىلىسى، ونىڭ استاناسىنىڭ مارتەبەسى زاڭمەن بەلگىلەنەدى. قازاقستاننىڭ استاناسى نۇر-سۇلتان قالاسى بولىپ تابىلادى».

كونستيتۋتسيانىڭ 2-بابىنىڭ 3-1 تارماقتاعى «استانا» دەگەن ءسوز «نۇر-سۇلتان» دەگەن سوزبەن اۋىستىرىلعان.

نەگىزگى زاڭنىڭ نورمالارىن ءوتىنىش نىساناسىنا قاتىستى تالداپ، كونستيتۋتسيالىق كەڭەس مىنانى نەگىزگە الادى.

1. قازاقستان رەسپۋبليكاسى كونستيتۋتسياسىنىڭ 91-بابىنىڭ 3-تارماعىنا سايكەس «رەسپۋبليكا كونستيتۋتسياسىنا ەنگىزىلەتىن وزگەرىستەر مەن تولىقتىرۋلار، ولاردىڭ وسى باپتىڭ 2-تارماعىندا بەلگىلەنگەن تالاپتارعا سايكەس كەلەتىنى تۋرالى كونستيتۋتسيالىق كەڭەستىڭ قورىتىندىسى بولعان جاعدايدا، رەسپۋبليكالىق رەفەرەندۋمعا نەمەسە رەسپۋبليكا پارلامەنتىنىڭ قاراۋىنا شىعارىلادى».

2. قازاقستان رەسپۋبليكاسىنىڭ كونستيتۋتسيالىق كەڭەسى 2017 جىلعى 9 ناۋرىزداعى № 1 نورماتيۆتىك قاۋلىسىندا «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىمەن (2017 جىلعى 10 ناۋرىزدا قول قويعان) ايرىقشا قورعالاتىن كونستيتۋتسيالىق قۇندىلىقتار تىزبەسى كەڭەيتىلگەنىن اتاپ ءوتتى: «كونستيتۋتسيادا بەلگiلەنگەن مەملەكەتتiڭ تاۋەلسىزدىگى، رەسپۋبليكانىڭ بiرتۇتاستىعى مەن اۋماقتىق تۇتاستىعى، ونى باسقارۋ نىسانى، سونداي-اق تاۋەلسىز قازاقستاننىڭ نەگىزىن سالۋشى، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ىرگەسىن قالاعان رەسپۋبليكا قىزمەتىنىڭ تۇبەگەيلى پرينتسيپتەرى جانە قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مارتەبەسى وزگەرمەيدى» (كونستيتۋتسيانىڭ 91-بابىنىڭ 2-تارماعى). سول ارقىلى، ءوزىنىڭ كونستيتۋتسيالىق مارتەبەسى مەن جەكە قاسيەتتەرى ارقاسىندا ەگەمەن قازاقستاننىڭ، ونىڭ ىشىندە نەگىزگى زاڭنىڭ كونستيتۋتسيالىق قۇندىلىقتارى جانە رەسپۋبليكا قىزمەتىنىڭ تۇبەگەيلى پرينتسيپتەرى قالىپتاسۋى مەن دامۋىنا شەشۋشى ۇلەس قوسقان; قازاقستاننىڭ بىرلىگى، كونستيتۋتسياسى، ادامنىڭ جانە ازاماتتىڭ قۇقىقتارى مەن بوستاندىقتارى قورعالۋىن قامتاماسىز ەتكەن نۇرسۇلتان ءابىشۇلى نازارباەۆتىڭ جاڭا تاۋەلسىز قازاقستان مەملەكەتىنىڭ نەگىزىن سالۋشى رەتىندەگى تاريحي ميسسياسى كونستيتۋتسيالىق جولمەن راستالادى».

قازاقستان رەسپۋبليكاسىنىڭ كونستيتۋتسياسىنا ەنگىزىلەتىن وزگەرىستەر قازاقستان رەسپۋبليكاسى ەلورداسى «استانا» استاناسى «نۇر-سۇلتان» دەپ اتالۋىنا وراي، قازاقستان رەسپۋبليكاسى تۇڭعىش پرەزيدەنتىنىڭ قازاقستان حالقى الدىنداعى تاريحي ءرولىن مويىنداۋعا جانە سىڭىرگەن ەرەن ەڭبەگىن ماڭگى ەستە ساقتاۋعا بايلانىستى مەملەكەتتىڭ تاۋەلسىزدىگى، رەسپۋبليكانىڭ اۋماقتىق تۇتاستىعى، ونىڭ باسقارۋ نىساندارى ماسەلەلەرىن، سونىمەن قاتار تاۋەلسىز قازاقستاننىڭ نەگىزىن قالاۋشى، قازاقستان رەسپۋبليكاسىنىڭ تۇڭعىش پرەزيدەنتى-ەلباسى كەپىلگە العان رەسپۋبليكا قىزمەتىنىڭ تۇبەگەيلى پرينتسيپتەرىن قوزعامايدى جانە قازاقستان رەسپۋبليكاسى كونستيتۋتسياسىنىڭ 91-بابى 3-تارماعىنىڭ تالاپتارىنا قايشى كەلمەيدى.

باياندالعاننىڭ نەگىزىندە، قازاقستان رەسپۋبليكاسى كونستيتۋتسياسىنىڭ 72-بابىنىڭ 2-تارماعىن، 91-بابىنىڭ 3-تارماعىن، «قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» 1995 جىلعى 29 جەلتوقسانداعى № 2737 قازاقستان رەسپۋبليكاسى كونستيتۋتسيالىق زاڭىنىڭ 17-بابى 4-تارماعىنىڭ 1) تارماقشاسىن، 31-33, 37-باپتارىن جانە 41-بابى 1-تارماعىنىڭ  2) تارماقشاسىن باسشىلىققا الا وتىرىپ، قازاقستان رەسپۋبليكاسى كونستيتۋتسيالىق كەڭەسى

شەشتى:

1. «قازاقستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسى قازاقستان رەسپۋبليكاسىنىڭ كونستيتۋتسياسىنا سايكەس دەپ تانىلسىن.

2. قازاقستان رەسپۋبليكاسى كونستيتۋتسياسىنىڭ 74-بابىنىڭ  3-تارماعىنا سايكەس قازاقستان رەسپۋبليكاسى كونستيتۋتسيالىق كەڭەسىنىڭ قورىتىندىسى قابىلدانعان كۇنىنەن باستاپ كۇشىنە ەنەدى، رەسپۋبليكانىڭ بۇكىل اۋماعىندا جالپىعا بىردەي مىندەتتى، تۇپكىلىكتى بولىپ تابىلادى جانە شاعىمدانۋعا جاتپايدى.

3. وسى قورىتىندى رەسپۋبليكالىق رەسمي باسىلىمداردا قازاق جانە ورىس تىلدەرىندە جاريالانسىن.

قازاقستان رەسپۋبليكاسى
كونستيتۋتسيالىق كەڭەسءىنءىڭ
تءوراعاسى
ق. ءا. مءامي

Abai.kz