بىرلەسكەن مالىمدەمەدە ەكى ەل ءبىر-بىرىنە كۇش قولدانباۋعا، ىشكى ىستەرىنە ارالاسپاۋعا، داۋلى ماسەلەلەردى بەيبىت جولمەن شەشۋگە، ادام قۇقىقتارى مەن بوستاندىقتارىن قورعاۋعا، ەكونوميكالىق جانە گۋمانيتارلىق قاتىناستاردى كەڭەيتۋگە ۋاعدالاسقان.
مالىمدەمەدە "تاراپتار "بايقوڭىر" كەشەنى جونىندەگى قازاقستان-رەسەي ۇكىمەتارالىق كوميسسياسىنىڭ شەڭبەرىندەگى، سونىڭ ىشىندە "بايتەرەك" عارىشتىق زىمىران كەشەنىن سالۋدىڭ بىرلەسكەن جوباسىن ىسكە اسىرۋ بويىنشا ىنتىماقتاستىعىن جالعاستىرادى" دەلىنگەن.
بۇعان قوسا "قازاقستان مەن رەسەي ءبىزدىڭ وداقتاستىق قاتىناستارىمىزدىڭ، ەڭ ماڭىزدى نەگىزى بولىپ تابىلاتىن ورتاق تاريحىمىزدى، ەڭ الدىمەن، ەكىنشى دۇنيەجۇزىلىك سوعىس تاريحىن بۇرمالاۋ، قايتا جازۋ جانە "قارالاۋ" ارەكەتتەرىن قوش كورمەيتىنى" ايتىلعان.
قازاقستاننىڭ ۋاقىتشا پرەزيدەنتى قاسىم-جومارت توقاەۆ سارسەنبى كۇنى ماسكەۋگە رەسمي ساپارلاپ بارىپ، كرەملدە رەسەي پرەزيدەنتى ۆلاديمير پۋتينمەن كەزدەسكەن. بۇل - توقاەۆتىڭ پرەزيدەنت رەتىندە شەتەلگە جاساعان العاشقى ساپارى.
Abai.kz
