بەلگىلى اقىن، «جۇلدىز» جۋرنالىنىڭ باس رەداكتورى عالىم جايلىباي قازاقستان پرەزيدەنتىنىڭ كەزەكتەن تىس سايلاۋى تۋرالى ويىمەن ءبولىستى.

ونىڭ ايتۋىنشا، پرەزيدەنت سايلاۋى تۋرالى ۇندەۋ  دەر ۋاقىتىندا تۋعان ۇندەۋ بولدى.

«الەمدە قازىر تۇراقسىزدىق بەلەڭ الىپ تۇر. وسىنداي الماعايىپ ۋاقىتتا ۋاقىتشا دۇنيەلەرمەن وتىرۋعا بولمايدى. تۇراقتى شەشىمدەر قابىلدايتىن كۇن جەتتى. 

قازاق دەگەن حالىق تىلەك تىلەگەندە ساۋاتسىز بولسا دا باتاسىنا، تىلەگىنە «ەل امان، جۇرت تىنىش بولسىن» دەگەن تىلەك تىلەپ وتكەن. ءبىز ءۇشىن ودان ۇلكەن تىلەك جوق. الەمدە اقىل-وي الامانى باستالدى. ءار ۇلت، ءار مەملەكەت جانتالاسىپ قوعامدا الەمدىك ۇلكەن ايدىندا ءوز كەمەسىنىڭ، قايىعىنىڭ دۇرىس باعىتتا ءجۇرۋىن تىلەيتىن ۋاقىت بولدى.

ماعان بۇگىنگى ۇندەۋدە ەڭ ۇناعانى پرەزيدەنت قاسىم-جومارت توقاەۆ سايلاۋدىڭ ادالدىعىنا كەپىلدىك بەرەمىن دەپ ايتتى. ءار وتباسى - كىشكەنتاي وتان، ۇلكەن وتانىمىزدى دۇرىس ادام باسقارعانىن جۇرتتىڭ امان بولعانىن قالامايتىن ۇلت جوق. الداعى سايلاۋلاردان بۇل جولعى سايلاۋدىڭ ءجونى بولەك. تەزىرەك مەملەكەت باسشىسىن سايلاپ الىپ، ارى قاراي باعدارلامالارىمىزدى جاساۋ كەرەك»، - دەدى اقىن عالىم جايلىباي.

Abai.kz