استانا. 7 ماۋسىم. قازاقپارات /رۋسلان عابباسوۆ/ - ەلىمىزدە ايەلدەردىڭ ساياساتتا، بيزنەستە، ازاماتتىق قوعامدا جەتەكشى ورىنداردى يەلەنۋىنە كومەكتەسەتىن باعدارلامالار ازىرلەنۋدە.

بۇگىن استاناداعى تاۋەلسىزدىك سارايىندا 7-ءشى دۇنيەجۇزىلىك يسلام ەكونوميكالىق فورۋمىنىڭ اشىلۋى سالتاناتىندا قر ۇكىمەت باسشىسى كارىم ءماسىموۆ وسىلاي ايتتى.

ك. ءماسىموۆ قازاقستاندا ايەلدەر مەملەكەتتىڭ دامۋىندا ماڭىزدى ءرول اتقارىپ وتىرعاندىعىنا توقتالا كەلە، «ستاتيستيكاعا قاراعاندا، ايەلدەر ءبىزدىڭ ىشكى جالپى ءونىمنىڭ 30 پايىزدىق ۇلەسىن قوسىپ وتىر. بۇل كورسەتكىش تۇراقتى تۇردە جوعارىلاپ كەلەدى. سوندىقتان دا قازاقستانداعى ايەلدەردىڭ پروگرەسى -  كەمسىتۋشىلىكتىڭ بارلىق تۇرلەرىن جويۋعا نەگىزدەلگەن ءبىزدىڭ نيەتىمىزدى دالەلدەپ وتىر»،-دەپ اتاپ ءوتتى پرەمەر-مينيستر. وسى ورايدا ۇكىمەت باسشىسى قازاقستان بۇگىندە الالاۋشىلىق پەن كەمسىتۋشىلىككە توسقاۋىل قويۋ بويىنشا ەۋروپالىق وداق قۇرامىنداعى يتاليا، فرانتسيا سەكىلدى 12 مەملەكەتپەن تەڭ تۇرعانىن جەتكىزدى.

استانا. 7 ماۋسىم. قازاقپارات /رۋسلان عابباسوۆ/ - ەلىمىزدە ايەلدەردىڭ ساياساتتا، بيزنەستە، ازاماتتىق قوعامدا جەتەكشى ورىنداردى يەلەنۋىنە كومەكتەسەتىن باعدارلامالار ازىرلەنۋدە.

بۇگىن استاناداعى تاۋەلسىزدىك سارايىندا 7-ءشى دۇنيەجۇزىلىك يسلام ەكونوميكالىق فورۋمىنىڭ اشىلۋى سالتاناتىندا قر ۇكىمەت باسشىسى كارىم ءماسىموۆ وسىلاي ايتتى.

ك. ءماسىموۆ قازاقستاندا ايەلدەر مەملەكەتتىڭ دامۋىندا ماڭىزدى ءرول اتقارىپ وتىرعاندىعىنا توقتالا كەلە، «ستاتيستيكاعا قاراعاندا، ايەلدەر ءبىزدىڭ ىشكى جالپى ءونىمنىڭ 30 پايىزدىق ۇلەسىن قوسىپ وتىر. بۇل كورسەتكىش تۇراقتى تۇردە جوعارىلاپ كەلەدى. سوندىقتان دا قازاقستانداعى ايەلدەردىڭ پروگرەسى -  كەمسىتۋشىلىكتىڭ بارلىق تۇرلەرىن جويۋعا نەگىزدەلگەن ءبىزدىڭ نيەتىمىزدى دالەلدەپ وتىر»،-دەپ اتاپ ءوتتى پرەمەر-مينيستر. وسى ورايدا ۇكىمەت باسشىسى قازاقستان بۇگىندە الالاۋشىلىق پەن كەمسىتۋشىلىككە توسقاۋىل قويۋ بويىنشا ەۋروپالىق وداق قۇرامىنداعى يتاليا، فرانتسيا سەكىلدى 12 مەملەكەتپەن تەڭ تۇرعانىن جەتكىزدى.

تمد جانە ورتالىق ازيا اۋماعىندا العاش رەت ءوتىپ وتىرعان دۇنيەجۇزىلىك يسلام ەكونوميكالىق فورۋمىنىڭ بيىلعى القالى جيىنى «عالامدىق ەكونوميكالىق دامۋ: قارىم-قاتىناس، باسەكەلەستىك، ىنتىماقتاستىق» تاقىرىبىنا ارنالىپ وتىر. فورۋم اياسىندا يسلام بانكينگى، قارجىلىق ينفراقۇرىلىمدى دامىتۋ، شاعىن جانە ورتا بيزنەستى، بالاما ەنەرگيا كوزدەرىن، «حالال» يندۋسترياسىن دامىتۋ جانە تاعى باسقا وزەكتى ماسەلەلەردى ارنايى سەسسيالاردا تالقىلاۋ جوسپارلانۋدا. ول ءۇشىن استاناعا شەتەل مەملەكەتتەرىنەن شامامەن 2 مىڭعا جۋىق بيزنەس وكىلدەرى، الەمدىك دەڭگەيدەگى ەكونوميستەر مەن قارجىگەرلەر كەلدى.