استانا. 8 ماۋسىم. قازاقپارات  /قانات مامەتقازىۇلى/ -بۇگىن قر پارلامەنتى ءماجىلىسىنىڭ جالپى وتىرىسىندا پالاتا دەپۋتاتتارى «قر كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا كەلىسىم كوميسسياسىنىڭ ۇسىنىستارىن تالقىلادى. ناتيجەسىندە پالاتا دەپۋتاتتارى كوميسسيا شەشىمىن قولداپ، زاڭ جوباسىن قابىلدادى.

استانا. 8 ماۋسىم. قازاقپارات  /قانات مامەتقازىۇلى/ -بۇگىن قر پارلامەنتى ءماجىلىسىنىڭ جالپى وتىرىسىندا پالاتا دەپۋتاتتارى «قر كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا كەلىسىم كوميسسياسىنىڭ ۇسىنىستارىن تالقىلادى. ناتيجەسىندە پالاتا دەپۋتاتتارى كوميسسيا شەشىمىن قولداپ، زاڭ جوباسىن قابىلدادى.

ەستەرىڭىزگە سالا كەتەيىك، اتالعان زاڭ جوباسىنا ءماجىلىس دەپۋتاتتارى باستاماشىلىق جاساعان بولاتىن. قۇجات جەر زاڭناماسىن جەتىلدىرۋگە، جەر كودەكسىنىڭ جەكەلەگەن ەرەجەلەرىندەگى قايشىلىقتار مەن اركەلكىلىكتەردى جويۋعا باعىتتالعان. سونىمەن قاتار زاڭ جوباسى «نۇر وتان» حدپ جانىنداعى سىبايلاس جەمقورلىققا قارسى كۇرەس جونىندەگى رەسپۋبليكالىق كەڭەستىڭ شەشىمدەرىن ورىنداۋ ماقساتىندا ازىرلەنگەن بولاتىن. زاڭ جوباسىندا جەردى رەزەرۆكە قالدىرۋعا بايلانىستى قاتىناستار بويىنشا قۇقىقتىق رەتتەۋدەگى ولقىلىقتاردى جويۋ ماقساتىندا جەر كودەكسى جاڭا باپپەن تولىقتىرىلادى. وندا جەردى رەزەرۆتە قالدىرۋدىڭ نەگىزدەرى، ءتارتىبى جانە مەرزىمدەرى ايقىندالىپ، جەرگىلىكتى اتقارۋشى ورگانداردىڭ وسى ماسەلە بويىنشا قۇزىرەتى ناقتىلانعان. ياعني، جەردى رەزەرۆكە الۋعا جەرگىلىكتى ورگاندارعا قۇقىق بەرىلەدى. بۇدان بولەك، نارىقتىق تەتىكتەر ەسكەرىلىپ، ەلدى مەكەندەر اۋماقتارىن باعالاي وتىرىپ، جەردى ايماقتارعا ءبولۋ ماسەلەلەرى رەتكە كەلتىرىلمەك. بۇعان سايكەس، جەر ۋچاسكەلەرىن ەلدى  مەكەندەردە جەكەمەنشىككە بەرۋ كەزىندەگى ولار ءۇشىن تولەماقىنىڭ بازالىق ستاۆكالارىن بەلگىلەۋ ماسەلەلەرى وبلىستىق، استانا جانە الماتى قالالارىنىڭ وكىلدى جانە اتقارۋشى ورگاندارىنىڭ قۇزىرەتىنە جاتقىزىلادى. قولدانىستاعى زاڭ جوباسى بويىنشا ونداي ستاۆكالار تەك قانا ۇكىمەت قاۋلىسىمەن بەكىتىلىپ كەلگەن ەدى.

ال اۋىل شارۋاشىلىعى ماقساتىنا ارنالعان جەر ۋچاسكەلەرىن شەتەلدىكتەر مەن ازاماتتىعى جوق ادامدارعا جالعا بەرۋ ماسەلەسى بويىنشا بىرقاتار شەكتەۋلەر ەنگىزىلەدى. سونىمەن قاتار، شەتەلدىكتەرگە قويىلاتىن ءدال وسىنداي شەكتەۋلەردى جارعىلىق كاپيتالىنداعى شەتەلدىكتەردىڭ، ازاماتتىعى جوق ادامداردىڭ، شەتەلدىك زاڭدى تۇلعالاردىڭ ۇلەسى 50 پايىزدان اساتىن قازاقستاندىق زاڭدى تۇلعالارعا دا قولدانۋ بەلگىلەنىپ وتىر. ياعني، ەندىگى كۇنى شەتەلدىكتەرگە جەر بەرۋ ماسەلەسى قاتاڭ قاداعالانادى.  بۇدان بولەك، زاڭ جوباسىندا الماتى قالاسىندا ورتاق پايدالانۋ جەرلەرىندە، كوشە جيەكتەرىندە اقىلى اۆتوتۇراقتاردى سالۋ ماسەلەلەرىن ۇيىمداستىرۋ نورمالارى ەنگىزىلگەن. سەنات اتالعان زاڭ جوباسىنا قاتىستى 4 تۇزەتۋ ەنگىزگەن ەدى. وسىعان وراي، كەلىسىم كوميسسياسى وسى تۇزەتۋلەر بويىنشا بىرلەسكەن رەداكتسياداعى نورمانى قابىلدادى.