جۇما, 29 ناۋرىز 2024
46 - ءسوز 6536 9 پىكىر 22 ءساۋىر, 2019 ساعات 13:58

2024 جىلعا دەيىن قازاقستاندا نە وزگەرەدى؟

مەنى 30 جىلدا ابدەن كۇيدىرگەن نارسە - ەلباسىنىڭ 2030 جىلى ءبارى جاقسى بولادى، ودان كەيىن ەندى 30 جىلدان سوڭ 2050-دە ءبارى سۋپەر بولادى دەگەن ۋادەلەرى. قازىرگى ۋاقىتقا ەمەس، الداعى 30 جىلدا بولاتىن دۇنيەلەرگە ءۇيىپ-توگىپ ۋادە بەرۋى. ساياسي مادەنيەتى تومەن xالقىمىزدىڭ سوعان سەنىپ كەلۋى.

كوكە، 2050-دە مەن اللا ءومىر بەرسە 64-كە كەلمىن. پەنسياعا شىعىپ 1 جىلدان كەيىن بولاتىن، قاۋساعان شال بولعاندا ىسكە اساتىن اڭگىمەنىڭ ماعان كەرەگى نە؟؟؟ مەن سەكىلدى جاستارعا كەرەگى ءدال بۇگىن مەنىڭ كۇش-قۋاتىم بويىمدا، جالىنداپ تۇرعان جاستىق شاعىمدا ءوز ارمان-ماقساتتارىمدى ىسكە اسىراتىنداي ەلدە نە وزگەرىس بولاتىنى.

مىسالى، ماماندىعىم ساياساتتانۋشى. الداعى 5 جىلدا باسەكەلى ساياسي جۇيە بولا ما، جوق پا؟ ءبىز سەكىلدى قاراپايىم xالىقتان شىققان جاستاردىڭ باسەكەلى جولمەن، xالىقتىڭ قالاۋىمەن ءوز ءبىلىمىن ەلدە ىسكە اسىرار مۇمكىندىگى بار ما، جوق پا؟ الدە، 2050-گە دەيىن سۋپەر-پۋپەر دارىنى بار، بىراق، ول ءبىز ەستىگەن دارىنى اشىق باسەكەدە دالەلدەنبەگەن، ەشكىممەن، ەشقاشان اشىق كونكۋرەنتسياعا تۇسپەيتىن عاسىر عۇلاماسىنىڭ ۇرپاقتارى مەن ءبىر وتباسىنىڭ بالدارى قازاقستاندى بيلەي مە؟

الداعى قازاقستاندا وتەتىن پرەزيدەنت سايلاۋىنا قاتىساتىن كانديداتتاردان ناقتى 5 جىلعا عانا باعدارلاما كۇتەمىن. مەيلى ول توقاەۆ بولسىن، مەيلى باسقا پارتيانىڭ ۇمىتكەرى بولسىن.

مىسالى، 2019 جىلدىڭ 9 ماۋسىمىندا سايلاندىڭ كەلەسى 2020 جىلدىڭ 9 ماۋسىمىنا دەيىن ەلدىڭ ومىرىندە نە وزگەرىس بولادى؟ 2024 جىلعا دەيىن قازاقستاندا نە وزگەرەدى؟ پرەزيدەنت رەتىندە 5 جىلدا قانداي شارۋا ىستەيسىڭ؟ ءبىتتى! قىسقا دا ناقتى جاۋابى بار ەسى دۇرىس باعدارلاما. وسى ۋادەلەر قانشالىقتى ورىندالعانىنا قاراپ 2024 جىلى ەكىنشى ءارى سوڭعى مەرزىمىڭە سايلايدى ما، جوق پا ونى xالىق شەشۋى كەرەك.

ەگەر توقاەۆتىڭ باعدارلاماسى "ەلباسى ايتقانداي 2050 جىلعا دەيىنگى باعدارلامانى ىسكە اسىرۋ ماقساتىندا" دەپ الداعى 30 جىلعا ەسەپتەلىپ جاسالسا ونىڭ ءسوزى ماعان قىزىق ەمەس. 2050-دە ەلباسى دا، باسقاسى دا قالمايدى. حالىق تا سەنى 5 جىلعا سايلاپ وتىر. اڭگىمەنى بويعا شاقتاپ ايتۋ كەرەك قوي. تاعى 30 جىل وتىراتىن پرەزيدەنتتى نە وتباسىنى مەن قازاقستاننان كورگىم كەلمەيدى. ونداي ەكىنشى ءبىر باسشىعا xالىق تا توزبەيدى.

سوندىقتان كانديداتتاردىڭ ساياسي تەxنولوگتارى ەسى دۇرىس باعدارلاما جازىپ بەرەر دەپ ۇمىتتەنەمىن!

باۋىرجان سەرىكباەۆتىڭ facebook پاراقشاسىنان

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594