رەسپۋبليكا كونستيتۋتسيالىق كەڭەسى پرەزيدەنت قاسىم-جومارت توقاەۆتىڭ قر كونستيتۋتسياسى 41-بابىنىڭ 2-تارماعىنا رەسمي تۇسىندىرمە بەرۋ تۋرالى ءوتىنىشىن كونستيتۋتسيالىق ءىس جۇرگىزۋگە قابىلدادى.

"2019 جىلدىڭ 23 ساۋىرىندە كونستيتۋتسيالىق كەڭەس قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قازاقستان رەسپۋبليكاسى كونستيتۋتسياسى 41-بابىنىڭ 2-تارماعىنا رەسمي تۇسىندىرمە بەرۋ تۋرالى ءوتىنىشىن كونستيتۋتسيالىق ءىس جۇرگىزۋگە قابىلدادى", - دەپ حابارلادى كونستيتۋتسيالىق كەڭەس.

توقاەۆ رەسپۋبليكا پرەزيدەنتتىگىنە كانديداتتارعا قويىلاتىن قازاقستاندا سوڭعى ون بەس جىل بويى تۇرۋى تۋرالى تالابىنىڭ مازمۇنىن اشۋدى، سونداي-اق قازاقستاننىڭ شەتەلدىك مەكەمەلەرىندە جانە رەسپۋبليكا مۇشەسى بولىپ تابىلاتىن حالىقارالىق ۇيىمداردا جۇمىسى كەزەڭىندە ازاماتتىڭ ەلدەن تىس جەردە تۇرعان ۋاقىتىن اتالعان مەرزىمگە ەسەپتەۋ ماسەلەسىن ءتۇسىندىرۋدى سۇراعان.

«قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭىنا سايكەس، اتالعان ءوتىنىشتى كونستيتۋتسيالىق كەڭەستىڭ وتىرىسىندا قاراۋ ءۇشىن قاجەتتى ماتەريالداردى دايىنداۋ جۇمىسى جۇرگىزىلۋدە.

Abai.kz