باسە، ءبىز بىلەتىن ەرعاليەۆا ەلەۋسىز جاتپاسا كەرەك. سۇيىكتى گازەتىن ميلليونداعان دوللارعا ساتقاننان كەيىن، ءىشى پىسىپ، ىستەرگە ءىس، ۇرىنارعا قارا تاپپادى ما، ايتەۋىر وتكەن جۇماداعى اقپارات كەڭىستىگىندە بولعان جاڭالىقتىڭ «ايتۋلىسى» جۋرناليست گۇلجان ەرعاليۆانىڭ ۇستىندەگى لىپاسىن تۇگەل لاقتىرىپ، انادان جاڭا تۋعانداي جالاڭاشتانۋى بولدى. «ادەمى وتىرىكتەن جالاڭاش شىندىق ارتىق» دەگەن سايتىن جارنامالاۋ ءۇشىن ول وسىنداي قادامعا باردى. ءوزىم قالاي جالاڭاشتانسام، شىندىقتى دا سولاي جالاڭاش كورسەتەم دەگەندەگىسى. جىگىتتەر جالاڭاش ەرعاليەۆانى كورىپ ءماز بولدى، ورانعان قىزدار «شايتان» دەپ شابىندى، وركەنيەتتى كوزقاراستاعىلارى سىرى دا، سىنى دا كەتپەگەن مۇسىنگە «ادەمى» دەپ ءسۇيسىندى. نە كەرەك، قانشا ادام بولسا، سونشا پىكىردىڭ ءتۇيىنى تارقاتىلۋدا. بەت قاتتالىپ جاتقاندا، ءوزىن تالقىعا سالىپ، ءتۇرلى ادامداردىڭ تورەلىگىن ەستىپ جاتقان «ءتارتىپ» بۇزعان تاتەمىزدى از-ماز اڭگىمەگە تارتتىق.

باسە، ءبىز بىلەتىن ەرعاليەۆا ەلەۋسىز جاتپاسا كەرەك. سۇيىكتى گازەتىن ميلليونداعان دوللارعا ساتقاننان كەيىن، ءىشى پىسىپ، ىستەرگە ءىس، ۇرىنارعا قارا تاپپادى ما، ايتەۋىر وتكەن جۇماداعى اقپارات كەڭىستىگىندە بولعان جاڭالىقتىڭ «ايتۋلىسى» جۋرناليست گۇلجان ەرعاليۆانىڭ ۇستىندەگى لىپاسىن تۇگەل لاقتىرىپ، انادان جاڭا تۋعانداي جالاڭاشتانۋى بولدى. «ادەمى وتىرىكتەن جالاڭاش شىندىق ارتىق» دەگەن سايتىن جارنامالاۋ ءۇشىن ول وسىنداي قادامعا باردى. ءوزىم قالاي جالاڭاشتانسام، شىندىقتى دا سولاي جالاڭاش كورسەتەم دەگەندەگىسى. جىگىتتەر جالاڭاش ەرعاليەۆانى كورىپ ءماز بولدى، ورانعان قىزدار «شايتان» دەپ شابىندى، وركەنيەتتى كوزقاراستاعىلارى سىرى دا، سىنى دا كەتپەگەن مۇسىنگە «ادەمى» دەپ ءسۇيسىندى. نە كەرەك، قانشا ادام بولسا، سونشا پىكىردىڭ ءتۇيىنى تارقاتىلۋدا. بەت قاتتالىپ جاتقاندا، ءوزىن تالقىعا سالىپ، ءتۇرلى ادامداردىڭ تورەلىگىن ەستىپ جاتقان «ءتارتىپ» بۇزعان تاتەمىزدى از-ماز اڭگىمەگە تارتتىق.

- گۇلجان، قازاقتىڭ ۇعىمىندا «شىندىقتى جالاڭاشتاپ ايتتى» دەپ بەينەلى تۇردە قولدانعانىمەن، نەگىزىندە اقيقات جالعىز بولادى. شىندىقتى شەشىندىرۋىڭىزگە نە سەبەپ؟
- شىندىق ءار ءتۇرلى بولادى جانە اركىمنىڭ ءوز شىندىعى بار. ال مەنىڭ شىندىعىم، شىنىندا دا، جالاڭاش. شىندىقتىڭ بەتىن بوياپ، وپا جاعىپ، دالاپ جاعىپ، ارلەمەي، ۇستىنە ادەمى كويلەك كيگىزبەي-اق، ءوزى قانداي بولسا، سول كۇيىندە ايتۋ. شىندىقتىڭ بۇرمالانباعان، بوياۋ جاعىلماعان، ساياسيلانباعان، مورالدان ادا باستاپقى قالپىن كورسەتۋ. كليپ سوندىقتان دا «ادەمى كيىنگەن وتىرىكتەن جالاڭاش شىندىق ارتىق» دەپ اتالادى. ءبىز، جۋرناليستەر، شىندىقتى قالاي جازا الماي كەلە جاتساق، قوعام دا شىندىقتى قابىلداۋعا ءدال سولاي قۇلىقسىز جانە قورقاق. شىندىقتى جەتكىزۋدى دە، قابىلداۋدى دا ۇيرەنە الماي كەلەمىز.
- شىندىقتى دا شەشىندىرىپ، ءوزىڭىز دە شەشىنىپ... سايتتاردىڭ بەتى تولى ءسىزدىڭ جالاڭاش بەينەڭىز. انادان جاڭا تۋعانداي شەشىنۋ ءوزىڭىزدىڭ يدەياڭىز با؟
- ارينە، ەگەر بۇل مەنىڭ ءوز يدەيام بولماسا، مەن كەلىسپەگەن بولار ەدىم. وسىلاي بولۋىن ءوزىم ويلاستىردىم جانە سولاي بولىپ شىقتى دا. مەنىڭشە، روليك يدەياسى وتە تۇسىنىكتى دەپ ويلايمىن.
- شەشىنۋدەن قورىققان جوقسىز با؟
- جوق. ويتكەنى شىندىقتان قالاي قورىقپاسام، جالاڭاشتانۋدان سولاي قورىقپايمىن. بۇل جەردە ەكەۋىن ءبىر-اق ماعىنادا الىپ تۇرمىن. شىندىقتى ايتۋ ءۇشىن جۇرەك كەرەك، رۋح كەرەك، شەشىنۋ ءۇشىن دە سولاي.
- جاس ەمەسسىز، شىنىمەن روليككە ءوزىڭىز ءتۇستىڭىز بە، الدە دۋبلەر ورىندادى ما؟
- كەشىرىڭىز، ساۋالىڭىز وتە ورىنسىز. ماسەلە سوندا ما؟ ءسىز روليكتىڭ ماعىناسىنا قاراساڭىزشى. مەن شىندىقتان قورىقپايمىن، شىندىقتىڭ قالاي ايتىلاتىنىن كورسەتىپ تۇرعام جوق پا؟
- قازىر ءسىزدى قازاقتىلدى سايتتار مەن وقىرماندار قاتتى قارالاپ، سىناپ جاتىر. قالاي قابىلداپ جاتىرسىز؟
- ال مەن ءبارى ايىپتاپ جاتىر دەپ ويلامايمىن. 60-70 پايىزى قولداپ، 30-40 پايىزى عانا قارسىلىقتارىن ءبىلدىرىپ جاتىر. مەن، كەرىسىنشە، 60-70 پايىز قارسىلىق كۇتىپ ەم، ولاي بولمادى. مەنىڭ نە ايتقىمنىڭ كەلگەنىن حالىق ءتۇسىندى، قۇدايعا شۇكىر، ءبىز ءحۇىى، ءحۇىىى عاسىردا، ءتىپتى حح عاسىردا دا ءومىر ءسۇرىپ وتىرعان جوقپىز، ءبىز ءححى عاسىردا تىرشىلىك ەتەمىز.
- ەگەر كەشە «كەلىن» ءفيلمىنىڭ تۇتە-تۇتەسىن شىعارعانداي، ەرتەڭ پارلامەنتتە دەپۋتاتتاردىڭ ءبىرى مىنبەرگە شىعىپ الىپ ءسىزدى «ۇياتسىز» دەسە، نە دەيسىز؟
- ەگەر مەنىڭ ار-ۇياتىمنىڭ تومەندىگىن ايتىپ جەرلەسە، وندا سول دەپۋتاتتىڭ ءوزىنىڭ جەكە ار-ۇياتىنىڭ تومەن بولعانى. بۇل اركىمنىڭ جەكە ينديۆيدتىك ماسەلەسى. ال ونى قابىلداۋ ءار ادامنىڭ جەكە باسىنىڭ مادەنيەتىنە، وجدان دەڭگەيىنە، قوعامدى قابىلداۋ ورەسىنە بايلانىستى.
- ءسىزدىڭ جاقىندارىڭىز، ايتالىق، كۇيەۋىڭىز قالاي قابىلدادى؟
- ەگەر مەن ءبىر ادامنىڭ قارسىلىعىنا، قارالاۋىنا ۇشىراۋىم كەرەك بولسا، ول كۇيەۋىم بولۋى ءتيىس ەدى. كەرىسىنشە، ول مەنى قۇپتادى، ءتىپتى قۇتتىقتادى. «سەنىڭ مىنەزىڭە ساي وتە ساۋاتتى، سەنىمدى، ەستەتيكالىق بيىك تالعاممەن جاسالعان»، - دەپ باعالادى. ەگەر مەنىڭ ارەكەتىمدى كۇيەۋىم جازعىرماسا، وندا كۇستانالاپ جاتقان باسقا ەركەكتەر اۋىزدارىن جاپسىن. 
- «قايران، حاميت اعا كورسە نە بولار ەدى؟» دەپ جاتىر مىنا جۇرت...
- اينالايىن، مەنىڭ جاۋلارىم كوپ، وتە كوپ، سوندىقتان ولاردىڭ ايتۋعا، ايىپتاۋعا حاقىسى بار. اكەمنىڭ دە جاۋلارى كوپ بولعان، ويتكەنى ول سول كەزەڭنىڭ وزىندە تاۋەلسىز بولاتىن، اشىق، بىربەتكەي، شىندىقتىڭ كوزىنە تۋرا قاراپ سويلەيتىن. بەرەتىن جاۋابىم - وسى.

اڭگىمەلەسكەن - ايگۇل احانبايقىزى

http://www.halyksozi.kz/news/view/id/502