بىردە بازاردا ساكەن سەيفۋلليندى جولىقتىردىم. ساكەن اماندىقتان كەيىن:
- ءيا، كۇلجامال، مۇندا نەعىپ ءجۇرسىڭ؟ — دەدى.
-سوعىم ىزدەپ ءجۇرمىن، — دەدىم ويىمدا ەشتەڭە جوق.

سوندا ساكەن:
-بەيىمبەت ءوزى قايدا؟ مۇنىسى قالاي، بازارعا سەنى جۇمساعانى. مۇنداي شارۋادا ەركەك جۇرەر بولار. ول ءوزى شاشىن شيراتىپ تاستاپ قاننەن-قاپەرسىز قاعازىن جازىپ جاتقان بولار ۇيدە؟... قوي ەندىگارى ويتپە، ءوزى بارسىن ويتپە، ءوزى بارسىن!..-دەپ بۇرىلىپ الىپ باسىن تىك ۇستاعان كۇيى كەتىپ قالدى.

ۇيگە كەلىسىمەن ال بەيىمبەتكە تيىسەيىن... شاڭىن قاعىپ جاتىرمىن... وندا ءۇن جوق...

ۇستەلىندە وتىرىپ، ماعان ءبىراز جىميىپ قاراپ تۇردى دا: "كەلگەنىڭ قانداي جاقسى بولدى. ءبىر شايپاۋ ايەلدىڭ بەينەسىن شىعارا الماي وتىر ەدىم. قۇتقاردىڭ" دەپ ارى قاراي جازا بەردى.

اسەت اقمولدانىڭ facebook پاراقشاسىنان

Abai.kz