كۇنى كەشە اجەلەر ءابۇيىرىن كورسەتە باستادى دەپ شىرىلداپ ەدىك. ەندى قۇلىن دەنەسىن جارنامالاۋدىڭ جولىنا قۇلىنشاقتار شىقتى.  قىزىلوردا قالاسىندا ۇيىمداستىرىلعان بۇلدىرشىندەر اراسىنداعى سۇلۋلىق بايگەسى وسى سوزىمىزگە دالەل.

قالالىق ىشكى ىستەر دەپارتامەنتى ەسىرتكىگە قارسى اكتسيا رەتىندە ۇيىمداستىرعان سۇلۋلىق سىنى 3-6 جاس ارالىعىنداعى  سۇيكىمدى بۇلدىرشىندەردىڭ باسىن قوسىپتى. سايىس ءۇش كەزەڭگە بولىنگەن. باستاپقىدا ءساندى كويلەكتەردى جارنامالاعان سابيلەر كەيىن ساحناعا اشىق-شاشىق شىعا باستاپتى. جىل سايىن  «ميسس كازاحستانا» دەگەن اتپەن الاۋلاتىپ جالاۋلاتىپ وتەتىن جارىستا ءىش كيىمدەردى بۇلىقسىپ بويجەتكەن بويشاڭ قىزدار جارنامالاۋشى ەدى عوي. قىزىلوردالىق بۇلدىرشىندەر دە اپكەلەرىنەن قالماۋدى ءجون كورىپتى. سۋعا تۇسەتىن كيىممەن ساحنا تورىندە كولبەڭدەگەن كىشكەنتاي قىزداردىڭ بۇل قىلىعىنا كىمدى جاۋاپتى ەتەمىز؟ زاماناۋي بايقاۋدىڭ ستسەناريىن تۇزگەن ۇيىمداستىرۋشىلاردى ما، الدە شىناشاقتاي قىزىن شەشىندىرىپ تاستاعان اتا-انانى ما؟!  كۇنى كەشە تۇركىستانداعى ءتورت جاسار اياۋلىمنىڭ ابىرويى توگىلگەندە اھ ۇرىپ ەدىك قوي. ەشتەڭەنىڭ دە ساباق بولماعانى ما؟!  ءتىپتى، سايىسقا قاتىسۋشىلار اراسىندا ەر بالا دا بولعان كورىنەدى.

كۇنى كەشە اجەلەر ءابۇيىرىن كورسەتە باستادى دەپ شىرىلداپ ەدىك. ەندى قۇلىن دەنەسىن جارنامالاۋدىڭ جولىنا قۇلىنشاقتار شىقتى.  قىزىلوردا قالاسىندا ۇيىمداستىرىلعان بۇلدىرشىندەر اراسىنداعى سۇلۋلىق بايگەسى وسى سوزىمىزگە دالەل.

قالالىق ىشكى ىستەر دەپارتامەنتى ەسىرتكىگە قارسى اكتسيا رەتىندە ۇيىمداستىرعان سۇلۋلىق سىنى 3-6 جاس ارالىعىنداعى  سۇيكىمدى بۇلدىرشىندەردىڭ باسىن قوسىپتى. سايىس ءۇش كەزەڭگە بولىنگەن. باستاپقىدا ءساندى كويلەكتەردى جارنامالاعان سابيلەر كەيىن ساحناعا اشىق-شاشىق شىعا باستاپتى. جىل سايىن  «ميسس كازاحستانا» دەگەن اتپەن الاۋلاتىپ جالاۋلاتىپ وتەتىن جارىستا ءىش كيىمدەردى بۇلىقسىپ بويجەتكەن بويشاڭ قىزدار جارنامالاۋشى ەدى عوي. قىزىلوردالىق بۇلدىرشىندەر دە اپكەلەرىنەن قالماۋدى ءجون كورىپتى. سۋعا تۇسەتىن كيىممەن ساحنا تورىندە كولبەڭدەگەن كىشكەنتاي قىزداردىڭ بۇل قىلىعىنا كىمدى جاۋاپتى ەتەمىز؟ زاماناۋي بايقاۋدىڭ ستسەناريىن تۇزگەن ۇيىمداستىرۋشىلاردى ما، الدە شىناشاقتاي قىزىن شەشىندىرىپ تاستاعان اتا-انانى ما؟!  كۇنى كەشە تۇركىستانداعى ءتورت جاسار اياۋلىمنىڭ ابىرويى توگىلگەندە اھ ۇرىپ ەدىك قوي. ەشتەڭەنىڭ دە ساباق بولماعانى ما؟!  ءتىپتى، سايىسقا قاتىسۋشىلار اراسىندا ەر بالا دا بولعان كورىنەدى.

دەپۋتات مۇرات ابەنوۆ سىر ەلىندە مۇنداي سۇمدىقتىڭ بولعانىنا اشىنىپ وتىر. ءوزى سول جاقتا قىزمەت ەتىپ جۇرگەندە سابيلەر اراسىندا وسىنداي سايىس وتكىزۋدى ۇسىنعاندارعا ىلعي ءۇزىلدى-كەسىلدى تيىم سالىپ كەلگەن ەكەن. ۇلتتى ازدىرعىسى كەلەتىندەردىڭ جەرگىلىكتى بيلىكتى بۇعان قالاي كوندىرگەنىنە تاڭ قالادى. حالىق قالاۋلىسى الەۋمەتتىك جەلىدە جان ايقايىن جازىپتى. وسىدان سوڭ قىزىلوردالىقتار تۇك بولماعانداي سۋرەتتەردى سايتتاردان الىپ تاستاعان ەكەن. الايدا، ولاردىڭ ارام ويلارىن اشكەرەلەيتىن ايعاقتاردى ۇلت ءۇشىن شىرىلداپ جۇرگەن ازاماتتار ادەيى ساقتاپ قويىپتى. بوسقا بايبالامداپ جاتپاعانىمىزدى سۋرەتكە قاراپ ءوزىڭىز-اق تۇسىنەسىز. كەمپىرلەردەن باستاپ بويجەتكەندەرىمىزگە دەيىن تۇگەل شەشىنىپ ەدى، ەندى پەرىشتەدەي سابيلەرىمىزدىڭ "سىمباتىن" تاماشالاۋعا جەتتىك. بۇل نە دەگەن سوراقىلىق. قازاق قوعامى قايدا كەتىپ بارادى؟

masa.kz ينتەرنەت گازەتى مەن «اباي-اقپارات»