قىتاي حالىق رەسپۋبليكاسىنىڭ توراعاسى حۋ تسزينتاو مىرزانىڭ قازاقستانعا رەسمي ءىسساپارى اياسىندا 2011 جىلعى 13 ماۋسىمدا «قازمۇنايگاز» ۇك اق ء(ارى قاراي - قمگ ۇك) مەن قىتاي ۇلتتىق مۇنايگاز كورپوراتسياسى ء(ارى قاراي - قۇمك) عىلىمي-تەحنيكالىق جانە يننوۆاتسيالىق ىنتىماقتاستىق تۋرالى كەلىسىمگە قول قويدى. كەلىسىمگە قمگ ۇك باسقارما توراعاسى قايىرگەلدى قابىلدين جانە قۇمك ۆيتسە-پرەزيدەنتى ۆان دۋن تسزين قول قويدى.

وسى كەلىسىم يننوۆاتسيالىق تەحنولوگيا، عىلىم، كاسىپكەرلىكتى جوعارىلاتۋ، وقۋ سالاسىندا تاراپتار اراسىنداعى اشىق جانە ءوزارا ءتيىمدى مەحانيزم قۇرۋعا باعىتتالعان.

- قازاقستاننىڭ مۇناي-گاز نارىعى يننوۆاتسيالىق دامۋ جولىنا ءتۇستى، قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاماسى شەڭبەرىندە «قازمۇنايگاز» ۇلتتىق كومپانياسى قازىردىڭ وزىندە مۇناي وڭدەۋ جانە مۇناي-حيميا سالاسىندا بىرنەشە ماڭىزدى جوبالاردى جۇزەگە اسىرۋدا. قۇمك-مەن ارادا جاسالعان بۇگىنگى كەلىسىم كەلەشەكتە ەلىمىزگە ايتارلىقتاي ەكونوميكالىق ناتيجە اكەلەتىن قمگ يننوۆاتسيالار پورتفەلىن قالىپتاستىرۋدا ماڭىزدى شارا بولىپ تابىلادى، - دەپ، اتاپ كورسەتتى قايىرگەلدى قابىلدين.

قىتاي حالىق رەسپۋبليكاسىنىڭ توراعاسى حۋ تسزينتاو مىرزانىڭ قازاقستانعا رەسمي ءىسساپارى اياسىندا 2011 جىلعى 13 ماۋسىمدا «قازمۇنايگاز» ۇك اق ء(ارى قاراي - قمگ ۇك) مەن قىتاي ۇلتتىق مۇنايگاز كورپوراتسياسى ء(ارى قاراي - قۇمك) عىلىمي-تەحنيكالىق جانە يننوۆاتسيالىق ىنتىماقتاستىق تۋرالى كەلىسىمگە قول قويدى. كەلىسىمگە قمگ ۇك باسقارما توراعاسى قايىرگەلدى قابىلدين جانە قۇمك ۆيتسە-پرەزيدەنتى ۆان دۋن تسزين قول قويدى.

وسى كەلىسىم يننوۆاتسيالىق تەحنولوگيا، عىلىم، كاسىپكەرلىكتى جوعارىلاتۋ، وقۋ سالاسىندا تاراپتار اراسىنداعى اشىق جانە ءوزارا ءتيىمدى مەحانيزم قۇرۋعا باعىتتالعان.

- قازاقستاننىڭ مۇناي-گاز نارىعى يننوۆاتسيالىق دامۋ جولىنا ءتۇستى، قازاقستان رەسپۋبليكاسىن ۇدەمەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاماسى شەڭبەرىندە «قازمۇنايگاز» ۇلتتىق كومپانياسى قازىردىڭ وزىندە مۇناي وڭدەۋ جانە مۇناي-حيميا سالاسىندا بىرنەشە ماڭىزدى جوبالاردى جۇزەگە اسىرۋدا. قۇمك-مەن ارادا جاسالعان بۇگىنگى كەلىسىم كەلەشەكتە ەلىمىزگە ايتارلىقتاي ەكونوميكالىق ناتيجە اكەلەتىن قمگ يننوۆاتسيالار پورتفەلىن قالىپتاستىرۋدا ماڭىزدى شارا بولىپ تابىلادى، - دەپ، اتاپ كورسەتتى قايىرگەلدى قابىلدين.

- بۇل كەلىسىم قۇمك مەن «قازمۇنايگاز» ۇلتتىق كومپانياسى اراسىنداعى ىنتىماقتاستىقتىڭ جاڭا كەزەڭى بولاتىندىعىنا سەنىمدىمىن. قۇمك ءوز تاراپىنان كومىرسۋتەگى شيكىزاتىن بارلاۋ جانە ءوندىرۋ، مۇناي جابدىقتارىنىڭ ءوندىرىسى سالاسىنداعى ءوز تاجىريبەسىمەن، تەحنولوگياسىمەن بولىسۋگە ءازىر، سونداي-اق عىلىمي جانە ينجەنەر مامانداردى دايىنداۋ ماسەلەلەرىنە ەرەكشە كوڭىل بولىنەتىن بولادى، - دەدى ۆان دۋن تسزين.

كەلىسىم شەڭبەرىندە تاراپتار بىرىككەن عىلىمي-تەحنيكالىق جوبالاردى ازىرلەۋدى، سونىڭ ىشىندە الماتى قالاسىنداعى «اقپاراتتىق تەحنولوگيالار پاركى» ارنايى ەكونوميكالىق ايماعىندا مۇنايگاز سالاسىنىڭ عىلىمي-زەرتتەۋ ورتالىعىن قۇرۋ جانە دامىتۋدى جوسپارلاپ وتىر.

سونىمەن قاتار تاراپتار قازاقستاننىڭ ماشينا جاساۋ زاۋىتتارى نەگىزىندە زاماناۋي مۇنايگاز جابدىعىن بىرلەسىپ ءوندىرۋ جوبالارى بويىنشا تەحنيكالىق جانە تەحنولوگيالىق كومەك كورسەتۋ، سونداي-اق كمگ كومپانيالار توبىنىڭ عىلىمي-زەرتتەۋ ورتالىقتارىن الدىڭعى قاتارلى جابدىقپەن قامسىزداندىرۋ جونىندە كەلىسىمگە كەلدى.