جۇما, 29 ناۋرىز 2024
46 - ءسوز 6200 11 پىكىر 6 مامىر, 2019 ساعات 17:35

ءبىر اۋداننىڭ جىلدىق بيۋدجەتىن 2 كۇندە شاشۋ - باسسىزدىق!

استانا ەكونوميكالىق فورۋمىنا 1 ملرد 400 ميلليون تەڭگە جۇمسالادى ەكەن. وتكەن جىلى 3 ملرد 100 ميلليون تەڭگە قارجى كەتكەن.

مىنا اقمولا وبلىسىندا دوتاتسيوننىي اۋدانداردىڭ جىلدىق بيۋدجەتى 2 ملرد تەڭگەنىڭ اينالاسىندا. تۇتاس ءبىر اۋداننىڭ جىلدىق بيۋدجەتى!

ال، ءبىز استانادا قىزمەتىنەن كەتكەن پرەمەر-مينيستر، شال-شاۋقانداردى جيناپ 1 ملرد 400 ميلليوندى 2 كۇندە جەلگە شاشا سالامىز. ءبىر اۋداننىڭ جىلدىق بيۋدجەتىنە جەتەقابىل قاراجاتتى وسىلاي 2 كۇندە شاشۋ دەگەنىڭ باسسىزدىق قوي!

اقمولا وبلىسى ەگىندىكول اۋدانىنىڭ ورتالىعىنا اسفالت جول سالىنباعان. كوكتەم كۇندەرى اۋدان xالقى توپىراق جولمەن باتپاققا باتىپ جۇرەدى. قورعالجىن اۋدانىنىڭ ءۇشسارت، امانگەلدى اۋىلدارىنا كەڭەس زامانىنان بەرى تاس جول دا تۇسپەگەن. قىستا، كوكتەمدە قاتىناۋ وتە قيىن. جازدا شاڭدى بۇرقىراتىپ پوليانىڭ ۇستىمەن قاتىنايسىڭ. بۇل اۋداندار استانادان 100-120 كم قاشىقتىقتا ورنالاسقان. ال، ءبىز استاناداعى 2 كۇندىك مەرەكەگە ميللياردتاپ اقشا شاشامىز.

شىنى كەرەك الەمدىك ەكونوميكاداعى ۇلەسى 1 پروتسەنتكە دە جەتپەيتىن قازاقستاننىڭ استاناسىندا وتكەن فورۋمدا نە ايتىلاتىنىنا وركەنيەتتى ەلدەردىڭ قول قويعانى بار. بۇنىڭ ءبارى جەلگە شاشىلعان ميللياردتار. الەمدىك ماسەلەنى شەشپەي اق استانانىڭ اينالاسىنداعى اۋىلدارعا جول سالايىقشى سول قارجىعا. ماعان بيلىكتىڭ كەيبىر ارەكەتتەرى قولىنداعى بارىن ەففەكتيۆتى پايدالانباي وڭدى-سولدى شاشاتىن بايدىڭ بالالارى سەكىلدى كورىنەدى. بيلىكتە وتىرعان 30 جىلدا ساياسي ەليتا xالىقتان تىم الىستاپ كەتكەن. نە كۇلەرىڭدى، نە جىلارىڭدى بىلمەيتىن جاعدايلار وتە كوپ. الدا قاراجاتتى جەلگە شاشاتىن استانا كۇنى مەيرامى كەلە جاتىر. وعان قانشا شىعىن كەتەدى ەكەن؟..

جالپى، ساياسي جۇيە باسەكەلى ورتاعا تۇسپەي ءبىز دامىمايمىز. بيلىككە "ەرتەڭ بەي-بەرەكەت اقشانى شاشىپ، ويىما كەلگەندى جاساسام كەلەسى سايلاۋدا وپپوزيتسيالىق پارتياعا ۇتىلامىن اۋ" دەگەن قورقىنىشتىڭ ءيىسى مۇرنىنا بارماي، ءاربىر قاتەلىگىن ءدوپ باسىپ، xالىقتىڭ مۇقتاجىن جەتكىزەر ساياسي ينستيتۋتتار جۇمىس جاساماي وسى شاشىلعانىمىز شاشىلعان.

باۋىرجان سەرىكبايدىڭ facebook پاراقشاسىنان

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563