قازاقستان پرەزيدەنتى ەل ۇكىمەتى جاردەماقى تولەۋ جۇمىستارى جايلى وزىنە ەسەپ بەرگەنىن جازدى. توقاەۆ ۇكىمەت ناقتى قانداي جۇمىستار بويىنشا ەسەپ بەرگەنىن اشىپ ايتپادى.
اقپان ايىندا نۇر-سۇلتاندا (سول كەزدەگى - استانا) ءبىر وتباسىنىڭ بەس بالاسى ورتتەن قازا تاپقان سوڭ كوپ بالالى نارازىلىق تانىتىپ، بيلىكتەن جاردەماقى ءوسىرۋدى تالاپ ەتكەن. 27 اقپاندا وتكەن "نۇر وتان" پارتياسىنىڭ سەزىندە سول كەزدەگى پرەزيدەنت نۇرسۇلتان نازارباەۆ ۇكىمەتكە ءار بالاعا 21 مىڭ تەڭگە كومەك ساۋىردەن باستاپ بەرىلسىن دەگەن. بۇل تاپسىرما نەگىزىندە پارلامەنت ازىرلەگەن زاڭعا قازىرگى پرەزيدەنت قاسىم-جومارت توقاەۆ ءساۋىردىڭ باسىندا قول قويعان.
ساۋىردە كوپ بالالى انالار بيلىككە بارىپ، جاردەماقىعا قۇجات وتكىزۋدىڭ قيىندىعى جايلى ايتقان. 30 ساۋىردە ەلدىڭ بىرنەشە قالاسىندا جاعدايى تومەن وتباسىلار اتاۋلى الەۋمەتتىك كومەك الا باستاعاندارىن حابارلادى.
