ءامىرجان قوسانوۆ ساپارىن سولتۇستىكتەن باستادى
11 مامىر كۇنى كەشكى ساعات 18:00-دەن باستاپ قازاقستان پرەزيدەنتتىگىنە ۇمىتكەر رەتىندە رەسمي تىركەلگەن ازاماتتار سايلاۋالدى ۇگىت-ناسيحات جۇمىستارىن باستاپ كەتتى. سولاردىڭ ءبىرى - ءامىرجان قوسانوۆ.
ءامىرجان ساعيدراحمانۇلى ءوزىنىڭ العاشقى ساپارىن سولتۇستىك قازاقستاننان باستادى. وندا دا اۋداندار مەن اۋىلداردى ارالاۋدان باستادى. بۇل تۋرالى ساياساتكەر ءوزىنىڭ "فەيسبۋكتەگى" جەكە پاراقشاسىندا جاريا ەتتى.
"سايلاۋ ناۋقانى العاشقى كۇنىنىڭ العاشقى كەزدەسۋىن ۇلى اقىن ماعجان جۇماباۆتىڭ تۋعان جەرىندە وتكىزدىم. مەنىڭ باعدارلامامدا الاش وردا يدەياسىن مەملەكەتتىك يدەيانىڭ ۇستىنى ەتۋ تۋرالى باپ بار.
ماعجان اقىن الاش وردا ۇكىمەتىنىڭ كوسەمدەرىنىڭ ءبىرى بولعان. باستى سيمۆوليزم سوندا! ونىڭ ۇستىنە ساياساتكەرلەر كوبىنەسە ورتالىقتاعى قالالارمەن شەكتەلىپ جاتادى. اۋىلعا دا بارىپ تۇرۋ كەرەك!
ءار كەزدەسۋدىڭ ءوز ورنى بار. مىنا كەزدەسۋ رەسەيمەن جاقىن ورنالاسقان، باسقا ۇلت وكىلدەرى بارشىلىق قالادا ءوتتى. سوندىقتان ورىس تىلىنە دە جۇگىنىپ وتىرۋعا تۋرا كەلدى.
ءار كەزدەسۋدەن ۆيدەو جىبەرىپ وتىرۋ پارىز ەمەس شىعار. ويتكەنى باعدارلاما تۋرالى اڭگىمە قايتالانىپ وتىرۋى مۇمكىن. سوندىقتان وسى مەسسەدجىمدى بارشا قازاقستانعا، ونىڭ ۇلكەندى-كىشىلى قالالارى مەن شالعايداعى اۋىلىنا ارنالعان حابار دەپ بىلەرسىزدەر.
سوزدەرىم كوكەيدەن شىعىپ جاتسا، ءبولىسىپ وتىرساڭىزدار، كۇبا-قۇپ بولار ەدى، سايلاۋعا بارام با، بارمايمىن با دەپ ەكى ويلى بولىپ وتىرعان اعايىن!", دەپ جازدى ۇمىتكەر.
;t=38s&fbclid=IwAR0vS5Zt4QE3aUgX423XuxVV656un5V5nxdCrFHkRF1puZP-SOyxS_lpVhIەستەرىڭىزگە سالا كەتەيىك، ءامىرجان ساعيدراحمانۇلى قوسانوۆتىڭ كانديداتۋراسىن "ۇلت تاعدىرى" رەسپۋبليكالىق ۇيىمى قۇرىلتايى ۇسىنعان بولاتىن. ول ورتالىق سايلاۋ كوميسسياسىنا ءتيىستى قۇجاتتاردى وتكىزىپ، مەملەكەتتىك ءتىل ەمتيحانىنان جوعارى باعا العان ەدى.
Abai.kz
