قازاقستان  رەسپۋبليكاسىنىڭ

پرەمەر-ءمينيسترى

ك.ماسىموۆكە

دەپۋتاتىق ساۋال

قۇرمەتتى كارىم قاجىمقانۇلى !

ماعان تاراز قالاسىنىڭ تولە بي داڭعىلىنداعى 40 ءۇيدىڭ 19-شى پاتەرىندە تۇراتىن ساعات ارىنۇلىنان تومەندەگىدەي مازمۇنداعى حاتى كەلگەن ەدى. حات يەسى: «...تاۋەلسىز قازاقستاندا اباي ەسىمى ۇلكەن قۇرمەتكە بولەنگەن. بىزدە مەكتەپتەر، جوعارعى وقۋ ورىندارى، مادەنيەت مەكەمەلەرى، قالا مەن اۋداندار جانە كوشەلەر اقىن اتىمەن اتالادى. سونىڭ ءبىرى - جامبىل وبلىسىنداعى قازاق دراما تەاترى بولاتىن. بۇل مادەنيەت ورتالىعىنا اباي ەسىمى 1945 جىلى بەرىلگەن.

قازاقستان  رەسپۋبليكاسىنىڭ

پرەمەر-ءمينيسترى

ك.ماسىموۆكە

دەپۋتاتىق ساۋال

قۇرمەتتى كارىم قاجىمقانۇلى !

ماعان تاراز قالاسىنىڭ تولە بي داڭعىلىنداعى 40 ءۇيدىڭ 19-شى پاتەرىندە تۇراتىن ساعات ارىنۇلىنان تومەندەگىدەي مازمۇنداعى حاتى كەلگەن ەدى. حات يەسى: «...تاۋەلسىز قازاقستاندا اباي ەسىمى ۇلكەن قۇرمەتكە بولەنگەن. بىزدە مەكتەپتەر، جوعارعى وقۋ ورىندارى، مادەنيەت مەكەمەلەرى، قالا مەن اۋداندار جانە كوشەلەر اقىن اتىمەن اتالادى. سونىڭ ءبىرى - جامبىل وبلىسىنداعى قازاق دراما تەاترى بولاتىن. بۇل مادەنيەت ورتالىعىنا اباي ەسىمى 1945 جىلى بەرىلگەن.

ەلباسىمىز نۇرسۇلتان ءابىشۇلى نازارباەۆتىڭ كورەگەندىگىنىڭ ارقاسىندا ابايدىڭ داڭقى بۇگىندە دۇنيە جۇزىنە كەڭ جايىلدى. ول تاۋەلسىز قازاق ەلىنىڭ بىردەن-ءبىر نىشانىنا اينالدى. اباي دەسە، شەتەلدىكتەر قازاقتى بىردەن تانيتىن بولدى. پرەزيدەنتىمىزدىڭ باستاماسىمەن الەمدىك ۇيىم - يۋنەسكو شەڭبەرىندە عۇلامانىڭ 150 جىلدىك مەرەيتويى زور سالتاناتپەن اتاپ وتىلگەنى بەلگىلى. تاعى دا ءنۇرسۇلتان ءابىشۇلىنىڭ ۇلكەن بەدەلى ارقاسىندا رەسەي مەملەكەتىنىڭ ءتورى - ماسكەۋدە ابايدىڭ تاماشا ەسكەرتكىشى بوي كوتەردى. اقىن ەسىمى تەڭدەسى جوق تۇلعا رەتىندە كوپتەگەن شەتەلدەردە اسپەتتەلىپ وتىر. اتاپ ايتساق، ەگيپەتتە، تۋركيادا، گەرمانيادا، فرانتسيادا جانە باسقا دوستاس مەملەكەتتەردە.

ال، جامبىل جەرىندە بۇلاي ەمەس. سونداي جاۋاپسىزدىقتىڭ سالدارىنان جەرگىلىكتى رۋشىلدار كوپ جىلدان بەرى اباي ارۋاعىنا قۋعىن ۇيىمداستىرۋدا. سولاردىڭ «قىراعىلىق» تانىتۋمەن كەشەگى كوممۋنيستىك پارتيانىڭ «قاتەسى» تۇزەتىلىپ، وبلىستىق قازاق دراما تەاترىنان 57 جىل وتكەننەن كەيىن اباي ەسىمى ءبىر جولاتا ءوشىرىلدى...» - دەپ جازعان.

وسى حاتقا بايلانىستى 2011 جىلدىڭ 3 ناۋرىزىندا قازاقستان رەسپۋبليكاسىنىڭ مادەنيەت مينيسترلىگىنە جامبىل وبلىستىق قازاق دراما تەاترىنا اباي ەسىمىن قايتارىپ بەرۋ تۋرالى حات جولداعان ەدىم. مادەنيەت مينيسترلىگىنىڭ ازامات س.ارىنۇلىنا جازعان جاۋاپ حاتىندا:

«...جامبىل وبلىسى اكىمدىگىنىڭ اقپاراتى بويىنشا وبلىستىق پارتيا كوميتەتىنىڭ قازاق سسر جوعارعى سوۆەتى پرەزيديۋمىنا جولداعان جامبىل وبلىستىق قازاق دراما تەاترىنا اباي ەسىمىن بەرۋ تۋرالى 1945 جىلعى 13 ماۋسىمداعى ۇسىنىسىنىڭ نەگىزىندە تەاتردىڭ قۇرىلتايشى قۇجاتتارى قايتا راسىمدەلىپ، وسى تەاتر اباي ەسىمىمەن اتالىپ كەتكەن ەكەن.

الايدا، كەيىن تەاترعا اباي ەسىمىن بەرۋ ماسەلەسى بەلگىلەنگەن تارتىپپەن زاڭداستىرىلماعاندىقتان، جامبىل وبلىسى اكىمدىگى تەاتردىڭ اتاۋىنان اباي ەسىمىن الىپ تاستاۋعا ءماجبۇر بولدى (11.01.2005 ج. № 5 قاۋلىسى).

تاعى دا ءبىر ايتا كەتەتىن ءجايت، جامبىل وبلىسىندا اباي ەسىمى بۇگىنگى تاڭدا 120-دان استام نىسانعا (اۋىل، كوشە، مەكتەپ، كوللەدج، مادەنيەت ءۇيى، كىتاپحانا ت.س.س.) بەرىلگەن. ال، قازاقستان رەسپۋبليكاسى ۇكىمەتىنىڭ 1996 جىلعى 5 ناۋرىزداعى №281 قاۋلىسىمەن بەكىتىلگەن «قازاقستان رەسپۋبليكاسىنداعى ۇيىمداردى، تەمىر جول ستانتسيالارىن، اۋەجايلاردى، سونداي-اق، فيزيكالىق-گەوگرافيالىق وبەكتىلەردى اتاۋ مەن قايتا اتاۋدىڭ جانە ولاردىڭ اتاۋلارىنىڭ ترانسكريپتسياسىن وزگەرتۋدىڭ تارتىبىنە» سايكەس، ءبىر تۇلعانىڭ ەسىمى ءبىر وبلىستا ءۇش وبەكتىدەن ارتىق وبەكتىلەرگە بەرىلمەۋى قاجەت.

وسىلاردىڭ نەگىزىندە، وبلىس تاراپىنان جامبىل وبلىستىق قازاق دراما تەاترىنا قازاقستاننىڭ حالىق ءارتيسى، رەجيسسەر، پروفەسسور اسقار توقپانوۆتىڭ ەسىمىن بەرۋ تۋرالى رەسپۋبليكاعا بەلگىلى ح.بوكەەۆا، ف.ءشارىپوۆا، ا.ءاشىموۆ، س.ورازباەۆ، ە.وباەۆ، ب.اتاباەۆ سىندى ونەر قايراتكەرلەرىنىڭ ۇسىنىسى قولداۋ تاۋىپ، قازاقستان رەسپۋبليكاسى ۇكىمەتى جانىنداعى مەملەكەتتىك ونوماستيكا كوميسسياسىنىڭ قاراۋىنا 2009 جىلى جولدانعان. كوميسسيا، ءوز كەزەگىندە بۇل ماسەلە بويىنشا 2009 جىلعى 3 ماۋسىمداعى ماجىلىسىندە وڭ شەشىم قابىلدادى.

مينيسترلىك تاراپىنان جامبىل وبلىستىق قازاق دراما تەاترىنا اسقار توقپانوۆتىڭ ەسىمىن بەرۋ تۋرالى ۇستانىم قولداۋ تاۋىپ وتىر.»، - دەپ جازىلعان.

اباي اتىنداعى جامبىل وبلىستىق قازاق دراما تەاترىنان ابايدىڭ ەسىمىن الىپ تاستاۋ قانداي قاجەتتىلىكتەن تۋدى؟ الدە اسقار توقپانوۆتىڭ اتىن وسى تەاترعا بەرۋ ءۇشىن اباي ەسىمىن الىپ تاستاۋ كەرەك بولدى ما؟ بۇل ءۇردىس بولاشاقتا بۇكىل رەسپۋبليكادا ورىن المايتىنىنا كىم كەپىل بەرە الادى؟ تەاترعا اباي ەسىمىن بەرۋ ماسەلەسى كەزىندە بەلگىلەنگەن تارتىپپەن زاڭداستىرىلماعان بولسا، وندا ول تەاتر نەگە 60 جىلداي اباي ەسىمىمەن اتالىپ كەلدى؟ الدە جامبىل وبلىسىندا اباي ەسىمى 120-دان استام نىسانعا بەرىلگەنى اباي ەسىمىن تەاتردان الىپ تاستاۋعا نەگىز بولدى ما؟

ءبىر تۇلعانىڭ ەسىمى ءبىر وبلىستا ءۇش وبەكتىدەن ارتىق وبەكتىلەرگە بەرىلمەۋ قاجەت بولسا وندا نەگە ۇكىمەت ءوز قاۋلىسىنىڭ بۇكىل رەسپۋبليكا كولەمىندە ورىندالۋىن قامتاماسىز ەتپەيدى؟

وسىعان بايلانىستى سىزدەن س.ارىنۇلىنىڭ حاتىندا كورسەتىلگەن - جامبىل وبلىسى تاراز قالاسىنداعى وبلىستىق قازاق دراما تەاترىنا اباي ەسىمىن قايتا بەرۋ ماسەلەسىن قاراستىرۋدى سۇرايمىن.

وسى دەپۋتاتتىق ساۋالعا جاۋاپتى بەلگىلەنگەن تارتىپكە سايكەس جازباشا تۇردە بەرۋدى سۇرايمىن.

دەپۋتات

نۇرتاي سابيليانوۆ