26-مامىر كۇنى باستالعان ەرەۋىل ءالى توقتار ەمەس. مەنىڭ ۇزىنقۇلاقتان  ەستۋىم بويىنشا، «وزەنمۇنايگازدىڭ» 200-دەن اسا جۇمىسشىسى جيىرما كۇننەن بەرى ەڭبەكاقى تولەۋ جۇيەسىنە قاتىستى تالاپتارىن العا تارتىپ، بىرقاتارى «اشىعىپ» جاتىر، بىرقاتارى سولاردى قولدايمىز دەگەن جەلەۋمەن «تىكەسىنەن تىك تۇرىپ»، نارازىلىعىن بىلدىرۋدە. ال قالعان 500-دەي مۇنايشى ءار جەردە جەكە شارۋاسىمەن ەرەۋىلدى جەلەۋ ەتىپ «قىدىرىپ» ءجۇر. اشتىقتاعى ناتاشا اجيگاليەۆا باستاعان «نار» ازاماتتار «حالىق» ءۇشىن، «كۇندىز ەمەس، ءتۇن جاسىرار وتىرىكتى، ۇرلىقتى» دەگەندەي، تۇندە تاماق ءىشىپ «شىدامدىلىق» تانىتىپ ارپالىسۋدا. ناتاشانىڭ ويى جۇمىسسىز قالعان 100 ادام وزىنە شابا ما دەسە، جۇمىسسىز 100 ادام ناتاشانىڭ ازعىرىندى تىلىنە ەرىپ  اداسىپ ءجۇر.

26-مامىر كۇنى باستالعان ەرەۋىل ءالى توقتار ەمەس. مەنىڭ ۇزىنقۇلاقتان  ەستۋىم بويىنشا، «وزەنمۇنايگازدىڭ» 200-دەن اسا جۇمىسشىسى جيىرما كۇننەن بەرى ەڭبەكاقى تولەۋ جۇيەسىنە قاتىستى تالاپتارىن العا تارتىپ، بىرقاتارى «اشىعىپ» جاتىر، بىرقاتارى سولاردى قولدايمىز دەگەن جەلەۋمەن «تىكەسىنەن تىك تۇرىپ»، نارازىلىعىن بىلدىرۋدە. ال قالعان 500-دەي مۇنايشى ءار جەردە جەكە شارۋاسىمەن ەرەۋىلدى جەلەۋ ەتىپ «قىدىرىپ» ءجۇر. اشتىقتاعى ناتاشا اجيگاليەۆا باستاعان «نار» ازاماتتار «حالىق» ءۇشىن، «كۇندىز ەمەس، ءتۇن جاسىرار وتىرىكتى، ۇرلىقتى» دەگەندەي، تۇندە تاماق ءىشىپ «شىدامدىلىق» تانىتىپ ارپالىسۋدا. ناتاشانىڭ ويى جۇمىسسىز قالعان 100 ادام وزىنە شابا ما دەسە، جۇمىسسىز 100 ادام ناتاشانىڭ ازعىرىندى تىلىنە ەرىپ  اداسىپ ءجۇر.

جاڭاوزەندەگى باستى تاقىرىپقا اينالعان ەرەۋىل تۋرالى اڭگىمە ەل ىشىندە جەلدەي ەسىپ، تۇردەن تۇرگە ەنىپ، كۇن سايىن مىڭ قۇبىلىپ جەتىپ جاتىر قۇلاعىمىزعا. اڭگىمەنىڭ اۋانىن بايقاسام، قالا تۇرعىندارىنىڭ كوبى مۇنايشىلاردىڭ 600-700 مىڭ تەڭگە بەرۋدى تالاپ ەتكەن ەرەۋىلدەرىن «بۋىنسىز جەرگە پىشاق ۇرۋ» اشكوزدىكپەن  توباسىنان جاڭىلعاندىق دەپ بىلەدى. ال ماسەلەنىڭ اق-قاراسىن ايىراتىن قۇزىرلى ورگاندار بۇل نارازىلىقتى الدەقاشان زاڭسىز دەپ تانىدى. دۇربەلەڭنىڭ ارتىندا  «شاڭ جۇتىپ قالۋدان» قورىققان كەيبىر ەرەۋىلشىلەردىڭ كوكەيىندە سۇراق كوپ. ءالىپتىڭ ارتىن باعىپ، جۇمىسسىز قالماۋ ءۇشىن اياق استىنان «ناۋقاسقا ۇشىراپ»، اقتاۋداعى «نەيرون»، «چاكۋر»،  ت.ب جەكە مەنشىكتەگى مەدورتالىقتاردان  «اۋرۋ» قاعازىن العاندار دا، ەرەۋىل باستالادى دەگەن پىش-پىشتى ەستىپ، سىلتاۋ ايتىپ ەڭبەك دەمالىسىنا كەتىپ قالعاندار دا بار. ءوز ارەكەتىن زاڭ جۇزىندە قيۋىن كەلتىرىپ العان مۇنداي مۇنايشىلاردىڭ، ارينە، جاعاسى جايلاۋدا، قويى قورادا، ەسى وسەكتە ءجۇر.

ەرەۋىل باستالعاننان بەرى جاڭاوزەن قالاسىنىڭ اكىمى وراق ساربوپەەۆتەن باستاپ ەل اقساقالدارى، وندىرىستىك كاسىپورىنداردىڭ باسشىلارى، ءتىپتى بيۋدجەتتىك سالا قىزمەتكەرلەرى دە ەرەۋىلشىلەرمەن كەزدەسىپ، شىنايى جاعدايدى دۇرىس ءتۇسىندىردى، زاڭسىز نارازىلىقتىڭ زاردابى كوپ بولاتىنىن ايتتى. قىسقاسى ولار «قاناعات قارىن تويدىرادى، قاناعاتسىزدىق استىڭداعى جالعىز اتىڭدى سويدىرادى» دەگەن قازاق ماقالىن قاعيدا ەتىپ، باسى بار ادامعا مازمۇنى بار ءسوز ايتتى.  بۇنداي اتالى ءسوزدىڭ استارىن تۇسىنگەندەر ءتۇسىنىپ جۇمىسقا شىقتى، بىرقاتارى ءالى ن.سوكولوۆانىڭ سوڭىنان سالپاقتاپ «جەڭىسكە جەتەمىز» دەپ قيالعا سەنىپ ءجۇر.

«كاسىبى ءبىردىڭ ءناسىبى ءبىر». ولاردىڭ ءبىرىن-ءبىرى ءتۇسىنۋى دە تەز. وسى سەبەپتى بولار، اۋەل باستا ەرەۋىل دەگەن اڭگىمەنى ەستىگەن كوپتەگەن مۇنايشىنىڭ كوڭىلى بۇزىلىپ، ولاردا «راسىندا ەرەۋىلدەتەمىز-اۋ» دەگەن ءدۇدامال پىكىر پايدا بولدى. بىراق مۇنايشىلاردىڭ اراسىندا دا تانىمى تەرەڭ، ماسەلەنىڭ ءمانىن ارىدەن ۇعىناتىن ازاماتتار بار. البەتتە، مۇنداي ازاماتتار ارىپتەستەرىنە، جالپى مۇنايشىلارعا زاڭسىز ەرەۋىلدەن ساقتانۋدى، ەشتەڭەگە الاڭداماي جۇمىستارىنا شىعۋدى ايتتى، ءتۇسىندىردى. الاقانداي شاعىن قالادا تۇرعاندىقتان جاڭاوزەندىكتەردىڭ ءبىرىن-ءبىرى تانۋى تۇسىنىكتى جايت. مەن بىلەتىن ۋوس-1 جۇمىسشىسى «تويوتا حايس» ميكرواۆتوبۋس جۇرگىزۋشىسى الۋادين اتشىباەۆ، ۋتت جۇمىسشىسى مىرزا تولەنباەۆ، سانجار نۇرتاەۆ، ۋوس-2 جۇمىسشىسى تورعاەۆ مارات، قاشانوۆ تاعان، ۋوس-5 پەن ۋوس-3 كاسىپوداق كوميتەتتەرىنىڭ توراعالارى ماكسيم يسەنباەۆ پەن تابىن ەرگەنوۆتەر ناتاشا سوكولوۆامەن كەلىسپەي، ەلدىڭ مۇڭىن مۇڭداپ، زاڭسىز ەرەۋىلگە قاتىسپاۋدى، ن.سوكولوۆانىڭ ازعىرۋىنان ساقتانۋدى، بەكەردەن بەكەر ارانداپ قالماۋدى ايتىپ، مۇنايشىلارعا جاناشىرلىق تانىتىپ ءجۇر. جۇمىسشىلارى جۇمىسقا شىقپاي قالىپ، دەل-سال كۇيدە ازاماتتاردان كومەك كۇتكەن مەكەمە باسشىلارىنىڭ سەنىمدى سەرىكتەرى دە وسى جىگىتتەر. ماسەلەنىڭ ءمانىسىن ايتىپ، بوسقا ەرەۋىلدەپ ءوز ىرىسىمىزدى ءوزىمىز شاشپايىق دەگەن ولاردىڭ ىزگى نيەتتەرى حالىققا جاناشىرلىقتىڭ جارقىن ۇلگىسىندەي اسەر ەتۋدە.

بۇل جولدا قاسىڭا سەنىمدى سەرىك، ەر ازامات كەرەك. وسىندايدا جۇرت تىنىشتىعىن ويلاپ، بۇگىنگى زاڭسىز ەرەۋىلدى توقتاتۋ كەرەك دەپ مۇنايشىلاردى ۇگىتتەپ جۇرگەن الۋادين، مىرزا، مارات، سانجار، ماكسيم، تابىن، تاعان سەكىلدى ەر ازاماتتاردىڭ ارەكەتى كوڭىل سۇيسىندىرەدى، بۇلارعا ەرىكسىز ريزاشىلىقپەن قارايسىڭ. مۇنداي ازاماتتارعا بارەكەلدى دەپ العىس ايتقاننان باسقا ايتارىم جوق. تەك قاتارلارىڭىز كوبەيسىن، ارانداتۋعا قارسى ابزال ازاماتتار دەيمىن.

ناقىشباي  چاۋكەنوۆ،

جاڭاوزەن قالاسىنىڭ تۇرعىنى.

ماڭعىستاۋ وبلىسى