جەكسەنبى, 25 تامىز 2019
ەكونوميكا 1207 0 پىكىر 21 مامىر, 2019 ساعات 16:45

قىزىلوردا وبلىسى ينۆەستيتسيا تارتۋدان رەسپۋبليكا بويىنشا ۇزدىك كورسەتكىشكە جەتتى

بۇگىن قر ۇكىمەتى وتىرىسىندا ارنايى ەكونوميكالىق جانە يندۋستريالىق ايماقتاردى دامىتۋ ماسەلەلەرى قارالدى. ۇكىمەتتىڭ سەلەكتورلىق وتىرىسىندا ءار وبلىستىڭ يندۋستريالىق ايماقتاردى دامىتۋ بويىنشا كورسەتكىشى جاريا ەتىلدى. بۇل تىزىمدە قىزىلوردا وبلىسى كوش باستاپ تۇرعانى ايتىلدى، - دەپ حابارلايدى اباي-اقپارات.

يندۋستريالىق جوبالاردى ىسكە اسىرۋعا ينۆەستيتسيا تارتۋ بويىنشا قىزىلوردا وبلىسى رەسپۋبليكا بويىنشا رەيتينگتە ۇزدىك ورىندا تۇر. بۇعان قوسا، يندۋستريالىق ايماقتار (يا) مەن ورنالاستىرىلعان جوبالار سانى بويىنشا ەكىنشى ساتىعا ورنالاسقان.

اتاپ ايتار بولساق، يندۋستريالدىق ايماقتاردا جوبالاردى ىسكە اسىرۋعا 65,2 ملرد. تەڭگە ينۆەستيتسيا تارتىلعان ەكەن. بۇل - رەسپۋبليكا بويىنشا ەڭ ۇزدىك كورسەتكىش سانالادى.

وبلىس اكىمدىگىنىڭ مالىمەتتەرىنە سۇيەنسەك، وسى ۋاقىتقا دەيىن وبلىستا التى يندۋستريالىق ايماق قۇرىلىپ، وندا جالپى سوماسى 192 ملرد.تەڭگەگە 48 جوبا جۇزەگە اسىرىلعان ەكەن. بارلىق يندۋستريالىق ايماقتاردىڭ ينفراقۇرىلىمىنا 6,7 ملرد. تەڭگە بيۋدجەت قاراجاتى جۇمسالىپ، كەيىن ينۆەستيتسيالىق جوبالاردى ىسكە اسىرۋ ەسەبىنەن 1 بيۋدجەتتىك تەڭگەگە 13,4 تەڭگە قايتارىمدى جەكە ينۆەستيتسيا تارتىلعانىن ايتا كەتۋىمىز كەرەك.

ال وبلىستىق يندۋستريالىق-يننوۆاتسيالىق دامۋ باسقارماسىنىڭ مالىمەتىنە سايكەس، وبلىستا 500-دەن استام جۇمىس ورنىن قامتيتىن 16 جوبا رەسمي ىسكە قوسىلعان. ولاردىڭ قاتارىندا وبلىس ەكونوميكاسىنا ۇلكەن ۇلەس قوسىپ وتىرعان  تامپوناجدى تسەمەنت شىعارۋ زاۋىتى بار. اتالعان كاسىپورىندا قازىرگى تاڭدا 250 ادام جۇمىسپەن قامتىلىپ وتىر.

داۋرەن سەيىتجانۇلى

Abai.kz

0 پىكىر