گەرمانيادا 200 باس ساۋىن بيە ۇستاپ، قىمىز اشىتىپ وتىرعان نەمىس گانس تسولماننىڭ قازاقستانعا ارنايى كەلگەن ساپارى ءبىزدىڭ دەپۋتتاردى ءدۇر سىلكىندىرسە كەرەك، بۇگىن دينار نۇكەتاەۆا قىمىز بەن قازاق ويۋلارىن، قولدى بولىپ كەتىپ جاتقان قىران بۇركىتتى پاتەنتتەپ الۋىمىز كەرەك دەپ ماسەلە كوتەردى.

گەرمانيادا 200 باس ساۋىن بيە ۇستاپ، قىمىز اشىتىپ وتىرعان نەمىس گانس تسولماننىڭ قازاقستانعا ارنايى كەلگەن ساپارى ءبىزدىڭ دەپۋتتاردى ءدۇر سىلكىندىرسە كەرەك، بۇگىن دينار نۇكەتاەۆا قىمىز بەن قازاق ويۋلارىن، قولدى بولىپ كەتىپ جاتقان قىران بۇركىتتى پاتەنتتەپ الۋىمىز كەرەك دەپ ماسەلە كوتەردى.

الدىمەن گانس تسولمان تۋرالى از ءسوز. تسولمان مىرزا 20 جىلدان بەرى ەۋروپادا قىمىز ءوندىرۋ ىسىمەن اينالاسىپ كەلەدى ەكەن. قىمىز تۋرالى تسولمانعا  الدىمەن قايىن اتاسى تۇسىنىك بەرەدى. ويتكەنى، قاريا جاس كەزىندە قاراعاندى لاگەرىندە تۇتقىندا بولىپتى. اباقتىدا ازىپ-توزىپ ارسا-ارساسى شىققان نەمىس تۇتقىنىن تۇرمە اكىمشىلىگى «ولسە ءوز اجالىمەن ءولسىن» دەپ شىعارىپ تاستايدى. اباقتىدان قۇر سۇلدەرىن سۇيرەتىپ شىققان بايقۇستىڭ كورەتىن جارىعى بار ەكەن، ول ءبىر قايىرىمدى قازاققا تاپ بولادى. الگى قازاق سورلى تۇتقىندى قىمىز بەرىپ اسىرايدى. ءسويتىپ بار دەرتىنەن جازادى. (ايتپاقشى، بۇگىن -  ەكىنشى دۇنيەجۇزىلىك سوعىستىڭ باستالعان كۇنى، قىزىقتى قاراڭىز: ءبىر قازاق ءبىر نەمىس ازاماتىن سول سۇم سوعىستىڭ قاسىرەتىنەن امان الىپ قالادى، ال امان قالعان نەمىستىڭ كۇيەۋ بالاسى ەۋروپادا قىمىز ونەركاسىبىن جولعا قويۋدا) كەيىن تۇتقىن ەلىنە ورالادى دا جانۇشىرىپ ءجۇرىپ ءبىر بيە ساتىپ الىپ، ونى ساۋىپ قىمىز اشىتادى. كەيىن قىمىز اشىتىپ، قىمىز باپتاۋ ءتاسىلىن كۇيەۋ بالاسى گانسكە ۇيرەتەدى. ال، گانس قىمىز ماسەلەسىنە كاسىبي تۇرعىدان بارىنشا ءمان بەرىپ تۇبەگەيلى قولعا الادى. سويتكەن گانس قازىر گەرمانيادا قىمىزدان بالمۇزداق، سپورتشىلارعا كۇش-قۋات بەرەتىن دارۋمەن، ءتىپتى ايەلدەر بوياناتىن وپا-دالاپقا دەيىن وڭدەپ شىعارىپ جاتقانعا ۇقسايدى.

گانس تسولماننىڭ قىمىز ءىشىپ قىزارا بورتكەن ءتۇرىن كورمەسە دە باسپاسوزدەردەن سۇحباتىن وقىسا كەرەك، دينار حانىم بۇگىن ادىلەت مينيسترلىگىنە قىمىز بەن ويۋعا مەملەكەتتىك پاتەنت قاجەت دەپ سۇراۋ سالعانىن ءمالىم ەتتى. الايدا، ادىلەت مينيسترلىگى ءماجىلىس دەپۋتاتى كوتەرگەن ماسەلەگە قىسقاشا «بۇلاي بولمايدى» دەپ جاۋاپ قايتارىپتى. ويتكەنى، قىمىز تەك قازاقتىكى عانا ەمەس ەكەن. ال قازاق ويۋلارى ورتالىق ازياداعى كورشى ەلدەردىڭ قولونەر بۇيىمدارىنان دا كەزدەسەتىن كورىنەدى. ونىڭ ۇستىنە بىزدە «قازاقتىڭ ءداستۇرلى شاراۋشىلىعى» تۋرالى زاڭ جوق. «بۇنداي زاڭ بولماعاندىقتان قىمىز بەن ويۋدى جانە قىران قۇستى مەنشىكتەپ الۋ - وزگە جۇرتتىڭ قاقىن اياققا تاپتاۋعا ەسەپ» دەپتى دينار نۇكەتاەۆانىڭ سۇراۋىنا ادىلەت ۆيتسە-ءمينسيترى ءامىرحان امانباەۆ. الايدا دينار حانىم «باسقالار ءبىزدىڭ ۇلتتىق قۇندىلىقتارىمىزعا ەن سالىپ، ەلدەن جىرىپ اكەتىپ جاتقاندا قاراپ وتىرا بەرەمىز بە؟»،- دەيدى.

«اباي-اقپارات»