«ويتوبە» اشىلدى!
ينتەرنەتتە قازاقتىلدى اقپاراتقا سۇرانىس ارتقان سايىن، ساپالى قازاقشا كونتەنت (مازمۇن) پەن ءتيىمدى سەرۆيستەر ۇسىناتىن سايتتار كوبەيىپ كەلەدى. بۇل قازاقستاندىق ينتەرنەت قولدانۋشىلاردىڭ قاتارىنىڭ عانا كوبەيگەنىمەن ەمەس، سول ينتەرنەتتى تۇتىنۋشىلاردىڭ اراسىندا قازاق تىلىندەگى قاجەتتى اقپاراتقا دەگەن سۇرانىستىڭ دا كوبەيگەنىن كورسەتسە كەرەك.
قازىرگى قازاقشا ساپالى مازمۇن مەن ءتيىمدى سەرۆيستەر ۇسىناتىن سايتتاردىڭ قازاقتىلدى اقپارات پەن سەگمەنتكە بەت بۇرا باستاعانىنىڭ سەبەبىن كوز الدىمىزداعى بولاشاقتىڭ پەرسپەكتيۆاسىمەن تۇسىندىرسەك، قاتەلەسپەسپىز.
جىل سايىن مەكتەپتى قازاقشا بىتىرۋشىلەردىڭ ۇلەسى 70 پايىزعا جەتكەندىگىن جانە جوو-لاردا وقيتىن ستۋدەنتتەردىڭ 60 پايىزدان استامى قازاق بولىمدەرىندە ءبىلىم الاتىندىعىن دا اتاپ وتكەن ءجون سياقتى. سەبەبى، بازالىق ءبىلىمى قازاق تىلىندەگى ستۋدەنتتەر مەن وقۋشىلار وزىنە قاجەتتى اقپاراتتى ءوزىنىڭ انا تىلىندە ىزدەۋگە تالپىناتىندىعىن دا ۇمىتپاعان دۇرىس. بۇل بولاشاقتاعى قازاقتىلدى ينتەرنەت نارىقتىڭ احۋالى مەن ونداعى اۋديتوريالىق قىزىعۋشىلىقتى قازىرگى كۇننەن قاي باعىتتا جىلجىپ بارا جاتقانىن كورسەتەدى.
جاڭادان اشىلعان «ويتوبە» بلوگ-تۇعىرىن ساپالى سەرۆيس ۇسىناتىن جانە بلوگ اشىپ، ونى ەركىن باسقارۋعا مۇمكىندىك بەرەتىن، قازاق ءتىلدى بلوگەرلەردىڭ ۇيىمداسۋى مەن ءبىر الاڭدا پىكىر الماسۋىنا جاعداي جاساۋدى ماقساتى ەتىپ وتىرعان رەسۋرس رەتىندە اتاۋعا بولاتىن شىعار.
ينتەرنەتتە قازاقتىلدى اقپاراتقا سۇرانىس ارتقان سايىن، ساپالى قازاقشا كونتەنت (مازمۇن) پەن ءتيىمدى سەرۆيستەر ۇسىناتىن سايتتار كوبەيىپ كەلەدى. بۇل قازاقستاندىق ينتەرنەت قولدانۋشىلاردىڭ قاتارىنىڭ عانا كوبەيگەنىمەن ەمەس، سول ينتەرنەتتى تۇتىنۋشىلاردىڭ اراسىندا قازاق تىلىندەگى قاجەتتى اقپاراتقا دەگەن سۇرانىستىڭ دا كوبەيگەنىن كورسەتسە كەرەك.
قازىرگى قازاقشا ساپالى مازمۇن مەن ءتيىمدى سەرۆيستەر ۇسىناتىن سايتتاردىڭ قازاقتىلدى اقپارات پەن سەگمەنتكە بەت بۇرا باستاعانىنىڭ سەبەبىن كوز الدىمىزداعى بولاشاقتىڭ پەرسپەكتيۆاسىمەن تۇسىندىرسەك، قاتەلەسپەسپىز.
جىل سايىن مەكتەپتى قازاقشا بىتىرۋشىلەردىڭ ۇلەسى 70 پايىزعا جەتكەندىگىن جانە جوو-لاردا وقيتىن ستۋدەنتتەردىڭ 60 پايىزدان استامى قازاق بولىمدەرىندە ءبىلىم الاتىندىعىن دا اتاپ وتكەن ءجون سياقتى. سەبەبى، بازالىق ءبىلىمى قازاق تىلىندەگى ستۋدەنتتەر مەن وقۋشىلار وزىنە قاجەتتى اقپاراتتى ءوزىنىڭ انا تىلىندە ىزدەۋگە تالپىناتىندىعىن دا ۇمىتپاعان دۇرىس. بۇل بولاشاقتاعى قازاقتىلدى ينتەرنەت نارىقتىڭ احۋالى مەن ونداعى اۋديتوريالىق قىزىعۋشىلىقتى قازىرگى كۇننەن قاي باعىتتا جىلجىپ بارا جاتقانىن كورسەتەدى.
جاڭادان اشىلعان «ويتوبە» بلوگ-تۇعىرىن ساپالى سەرۆيس ۇسىناتىن جانە بلوگ اشىپ، ونى ەركىن باسقارۋعا مۇمكىندىك بەرەتىن، قازاق ءتىلدى بلوگەرلەردىڭ ۇيىمداسۋى مەن ءبىر الاڭدا پىكىر الماسۋىنا جاعداي جاساۋدى ماقساتى ەتىپ وتىرعان رەسۋرس رەتىندە اتاۋعا بولاتىن شىعار.
«ويتوبە» ءوزىنىڭ باعىتتالعان اۋديتورياسى رەتىندە جۋرناليستيكا مەن مەديا سالاسىنداعى، سونداي-اق جۋرناليستيكانىڭ ينتەرنەتتەگى جاڭا كەلبەتىنە بەي-جاي قاراي المايتىن ادامداردى كورگىسى كەلەتىنىن سايتتىڭ كونتسەپتىنەن بايقاۋعا بولادى. ونلاين رەجيمىندە جاڭارىپ تۇراتىن جاڭالىقتار لەنتاسى مەن ولاردى باعالاۋعا، كۇننىڭ باستى جاڭالىعىن سول ارقىلى انىقتاپ وتىرىپ، ول تۋرالى پىكىر-تالاس ۇيىمداستىرۋعا باعىتتالعان مۇمكىندىكتەرى دە ءوز ويىن بۇكپەي، ەركىن، اشىق ايتقىسى كەلەتىن ادامنىڭ كوڭىلىنەن شىعاتىن سياقتى.
سايتتىڭ «جوبا تۋرالى» بولىمىندە بلوگ-تۇعىردى قىسقاشا بىلاي سيپاتتاعان ەكەن:
«ويتوبە» - الەۋمەتتىككە باعىتتالعان بلوگ-تۇعىر.
«ويتوبە-news» بولىمىندە كۇندەلىكتى جاڭارىپ وتىراتىن جاڭالىقتاردى باعالاۋعا، ولاردى تالقىلاۋعا دا، ءتىپتى الەۋمەتتىك سايتتاردا دوستارىڭىزبەن بولىسۋگە دە بولادى.
«ويتوبە» - ونلاين life-style جۋرنال. بۇل بولىمدە ءبىزدىڭ بلوگ-تۇعىردا جاريالانعان جازبالاردىڭ ۇزدىكتەرى مەن ەرەكشە نازارعا ىلىنگەندەرى شىعىپ تۇراتىن بولادى. بۇل ءبولىمنىڭ ەرەكشە پەرسپەكتيۆاسىن ءالى قاراستىرىپ جاتىرمىز.
«بۇگىن توبەدە» - بۇل تانىمال بلوگەرلەردى ودان دا تانىمال ەتەتىن پرومو-ءبولىم. ءبىر كۇندە ەرەكشە تالقىلانىپ، نازارعا ىلىككەن جازبا مەن ونىڭ اۆتورى ماراپاتقا يە بولاتىن بولادى.
«ويتوبە» بلوگ-تۇعىرى نەگىزگى ەكى ءىرى بولىمنەن تۇرادى. «توبە» - جەكە بلوگتار جانە «مىنبەر» - قاۋىمداستىقتار. «توبە» - ءار تىركەلگەن بلوگەردىڭ جەكە بلوگىندا جاريالاناتىن جازبالارى. بۇل بولىمدەگى جازبالاردى تەك بلوگقا جازىلعان دوستارى عانا وقي الادى. ال «مىنبەردە» جاريالانعان جازبالار قاۋىمداستىققا مۇشە ءار بلوگەر وقي الاتىن ورتاق جازبالاردان تۇرادى.
«ويتوبە» ۇسىنىپ وتىرعان سەرۆيستەر ينتەرنەت سالاسىنداعى ايتارلىقتاي جاڭالىق بولماسا دا، وزىنە ساي ارتىقشىلىقتارى مەن مۇمكىندىكتەرى بار جانە ءوز اۋديتورياسىن وزىندىك ەرەكشەلىگىمەن جاۋلاپ الۋعا تىرىسىپ وتىرعاندىعىن اتاپ ءوتۋ كەرەك شىعار. ينتەرنەتتەگى قازاقشا اقپاراتتار دەفيتسيتى ولاردى ىزدەيتىن اۋديتورياعا قاتىناسى ميلليون ەسە از بولىپ تۇرعان بۇگىنگى سۇرانىس كەزىندە، ءتۇرلى ساپالى كونتەنت (مازمۇن) ۇسىناتىن سەرۆيستىڭ اشىلعانىنا تەك قۋانۋ كەرەك شىعار.
ەندەشە، بلوگ باستايىق!
"اباي-اقپارات"
