اتىراۋ دۋبايدان 4 ەسە كوپ مۇناي وندىرەدى
بىرىككەن اراب ەميراتى:
حالقى - 10 ميلليونعا جۋىق
ورتاشا جالاقى: مۇنايشى - 3000 000 تگ، دارىگەر - 900 000 تگ، مۇعالىم - 900 000 تگ، پەنسيا - 700 000 تگ.
ەڭ جوعارعى ايلىقتار تەك ءوز ازاماتتارىنا تيەسىلى. شەت ەلدىكتەرگە مۇنداي ايلىق جوق. ال ازاماتتىق الۋعا زاڭ بويىنشا 75 جىل كەرەك.
ارابتار 1980 جىلعا دەيىن قۇم دالانىڭ كوشپەندى بەدۋيندەرى بولدى. ولاردا «مۇناي ءداۋىرى» 1980 جىلدان باستالادى. اراب ەميراتى مۇناي وندىرۋدەن 7 ورىندا تۇر. مەملەكەت جىلىنا 68-70ملن توننا مۇناي وندىرەدى. سونىڭ ىشىندە دۋبايدىڭ ۇلەسى 10 ملن.توننا.
ال، ەلىمىزدەگى اتىراۋ 40-41 ملن توننا مۇناي وندىرەدى، ياعني دۋبايدان 4 ەسە كوپ. ماڭعىستاۋ 18,4-20 ملن توننا، ياعني دۋبايدان 2 ەسە كوپ، ال قىزىلوردا 8-8.5 ملن توننا، دۋبايدان ءسال از مۇناي وندىرەدى. ەلىمىزدە 5 مۇناي ءوندىرۋشى وبلىس بار.
تەك اتىراۋ مەن ماڭعىستاۋدىڭ ءوزى عانا جالپى اراب ەميراتىنىڭ وندىرەتىن مۇنايىن شىعارىپ تۇر. ياعني جىلىنا 68 ملن.توننا.
ەگەر تەك مۇنايدىڭ تابىسى ەلىمىزدىڭ بيۋدجەتىنە تۇسسە حالىق سالىقتاردان بوساتىلادى، ايلىقتار وسەدى، كوپتەگەن ءوندىرىس ورىندارى اشىلادى، سىرتتان قارىز الۋ توقتاتىلادى، بولاشاق ۇرپاققا «التىن قور» جينالادى. وسى ءادىستى اراب ەميراتى، ساۋد ارابياسى، نورۆەگيا جانە ت.ب. مۇناي ءوندىرۋشى ەلدەر قولدانىپ وتىر.
اراب ەميراتىندا بىزدەگىدەي كومىر، ۋران، تەمىر، مىس، الليۋمين جانە ت.ب. مەندەلەەۆ تابليتساسىنداعى مەتالدار كەزدەسپەيدى. جەرى قۇمدى، بيداي، كوكونىس كەيبىر مال شارۋاشىلىعىنا جارامسىز. جانە باستىسى «تۇششى سۋ» وتە از.
بىراق مەملەكەت تەك مۇناي گاز ەسەبىمەن عانا 20 جىل ىشىندە كوتەرىلدى.
نۇرجان بايماحانبەتتىڭ facebook پاراقشاسىنان
Abai.kz
