دۇيسەنبى, 16 قىركۇيەك 2019
ساياسات 2923 0 پىكىر 4 ماۋسىم, 2019 ساعات 15:03

ەلباسى جانسەيىت تۇيمەباەۆتى قابىلدادى

ەلباسى نۇرسۇلتان نازارباەۆ قازاقستان حالقى اسسامبلەياسى توراعاسىنىڭ ورىنباسارى، اسسامبلەيا حاتشىلىعىنىڭ مەڭگەرۋشىسى جانسەيىت تۇيمەباەۆتى قابىلدادى.

كەزدەسۋدە قازاقستاننىڭ تۇڭعىش پرەزيدەنتىنە اسسامبلەيانىڭ قازىرگى قىزمەتى جانە ححVII سەسسيادا ايتىلعان مىندەتتەردى جۇزەگە اسىرۋ ءۇشىن قولعا الىنىپ جاتقان شارالار تۋرالى مالىمدەلدى.

نۇرسۇلتان نازارباەۆ اسسامبلەيانىڭ تۇراقتىلىقتى ساقتاۋ جانە قوعامنىڭ بىرلىگىن نىعايتۋ ءۇشىن اتقارىلىپ جاتقان جۇمىستاردىڭ ماڭىزدىلىعىن اتاپ ءوتتى.

– قازاقستان حالقى اسسامبلەياسى قوعامدى بىرىكتىرەتىن قۇرىلىم. ءار وڭىردە كىشى اسسامبلەيالار جۇمىس ىستەۋدە، دوستىق ۇيلەرى اشىلدى. قازىر ەلىمىز ءۇشىن تۇراقتىلىقتىڭ ماڭىزى زور. تۇراقتىلىق بولماسا، بارلىق جەتىستىكتەرىمىزدەن ايىرىلامىز. سوندىقتان، قازاقستان حالقى اسسامبلەياسىنىڭ باستى مىندەتى – حالىقتىڭ بىرلىگىن نىعايتۋ ءۇشىن قوعامدى جۇمىلدىرۋ، – دەدى ەلباسى.

ج.تۇيمەباەۆ ەتنومادەني بىرلەستىكتەردىڭ قازاقستان رەسپۋبليكاسىنىڭ تۇڭعىش پرەزيدەنتىنە بەيبىتشىلىك پەن كەلىسىمدى ساقتاعانى، سونداي-اق ەل ەكونوميكاسىن دامىتۋ ىسىندەگى جەتىستىكتەرى ءۇشىن زور ريزاشىلىق بىلدىرەتىنىن اتاپ ءوتتى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى

Abai.kz

0 پىكىر