جەكسەنبى, 29 قاڭتار 2023
3897 7 پىكىر 6 ماۋسىم, 2019 ساعات 10:37

"Oyan, Qazaqstan" قوزعالىسىنىڭ بەلسەندىلەرى رەفورما جاساۋعا شاقىرادى

5 ماۋسىمدا الماتىدا ءبىر توپ بەلسەندى جاڭادان قۇرىلعان "Oyan, Qazaqstan" قوزعالىسى مەن وزدەرى دايىنداعان ازاماتتىق دەكلاراتسيانى دا تانىستىردى.

قوزعالىس قازاقستاندا كەزەكتەن تىس پرەزيدەنت سايلاۋىنىڭ مەرزىمى بەلگىلەنىپ، الماتىداعى مارافون كەزىندە "شىندىقتان قاشىپ قۇتىلمايسىڭ" دەگەن جازۋى بار پلاكات ىلگەن بەلسەندىلەر بەيبارىس تولىمبەكوۆ پەن ءاسيا تولەسوۆانى قاماۋعا العاننان كەيىن قۇرىلعان.

"Oyan, Qazaqstan" قوزعالىسىنىڭ توعىز بولىمنەن تۇراتىن ازاماتتىق دەكلاراتسياسىندا ەلدەگى ساياسي قۋعىندى توقتاتۋ، سايلاۋ جۇيەسىن رەفورمالاۋ، پارلامەنتتىك باسقارۋعا ءوتۋ ءتارىزدى بىرنەشە ماقسات كورسەتىلگەن.

- ءبىز ەلدە ساياسي رەفورما جاسالۋىن تالاپ ەتەمىز. سايلاۋ ءادىل ءوتۋى كەرەك. سوتتاردى پرەزيدەنت تاعايىندايتىن جۇيەنىڭ وزگەرگەنىن قالايمىز. قازىر قاراپايىم ازاماتتاردىڭ مەملەكەت ىسىنە ارالاسۋى مۇمكىن ەمەس، - دەدى قوزعالىس مۇشەسى، ساياساتتانۋشى ديماش ءالجانوۆ.

قوزعالىستىڭ تاعى ءبىر بەلسەندى مۇشەسى، سۋرەتشى سۇيىنبيكە سۇلەيمەنوۆا ء"بىزدىڭ قۇقىعىمىز كۇن سايىن شەكتەلىپ جاتىر. بارلىق بەلسەندى جاستار ءبىزدىڭ قولداۋشىلارىمىز. ارامىزدا جەكە-دارا باسشى جوق" دەدى.

جاڭا قوزعالىس مۇشەلەرى وزدەرىنىڭ رەسمي تىركەلۋدى كوزدەمەيتىنىن ءارى ەشقانداي ساياسي پارتيامەن ارىپتەس ەمەس ەكەنىن، قانداي دا ءبىر وتاندىق جانە شەتەلدىك ۇيىمداردان قارجى المايتىندارىن مالىمدەدى.

بەلسەندىلەردىڭ سوزىنشە، "Oyan, Qazaqstan" قوزعالىسى بيلىككە ۇمتىلمايدى. "بۇل جالپىعا ورتاق قوزعالىس پەن قۇجات" دەدى بەلسەندىلەر.

ەلدە دەموكراتيالىق ينستيتۋتتاردى قۇرۋدى كوزدەيتىنىن ايتقان بەلسەندىلەر وزدەرىن قولدايتىندار ءار وڭىردە بارىن جانە ءالى دە قوسىلىپ جاتقاندىقتان ازىرگە قوزعالىستىڭ ناقتى قانشا مۇشەسى بارىن ايتا المايتىندارىن جەتكىزدى.

Abai.kz

7 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3168
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1928