سەنبى, 21 قىركۇيەك 2019
سايلاۋ 1495 6 پىكىر 9 ماۋسىم, 2019 ساعات 12:35

قازاقستاندا پرەزيدەنت سايلاۋى ءوتىپ جاتىر (فوتو-شولۋ)

بۇگىن قازاقستاندا كەزەكتەن تىس پرەزيدەنت سايلاۋى ءوتىپ جاتىر. سايلاۋ بيۋلەتەنىنە وسك-عا رەسمي تىركەلگەن جەتى ۇمىتكەردىڭ ەسىم-سويى جازىلعان. ولاردىڭ تورتەۋى ساياسي پارتيانىڭ، ەكەۋى رەسپۋبليكالىق قوعامدىق ۇيىمنىڭ جانە بىرەۋى كاسىپوداقتار فەدەراتسياسىنىڭ اتىنان ۇسىنىلعان.

رەسمي تىركەلگەن ۇمىتكەرلەر وزدەرىنىڭ ۇگىت-ناسيحات جۇمىستارىن 7 ماۋسىمدا اياقتادى. كەشە قازاقستاندا تىنىشتىق كۇنى بولدى.

سايلاۋ ۋچاسكەلەرىندە داۋىس بەرۋ بۇگىن ساعات 07:00-دەن 20:00-گە دەيىن جۇرگىزىلەدى. قازىر قازاقستاندا جانە ونىڭ اۋماعىنان تىس جەرلەردە ۇزىن-ىرعاسى 9968 سايلاۋ ۋچاسكەسى جۇمىس جاساۋدا.

وسىعان دەيىن تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ ءوزى تىركەلگەن ۋچاسكەگە بارىپ، داۋىس بەرگەن ەدى.

جالپى، پرەزيدەنت سايلاۋ قالاي ءوتىپ جاتىر؟ ەلباسىنان وزگە قاي ساياساتكەرلەر داۋىس بەرىپ ۇلگەردى؟ الەۋمەتتىك جەلىدەگى اقپاراتتاردان فوتو-شولۋ ۇسىنباقپىز...

نۇرسۇلتان نازارباەۆ

قازاقستاننىڭ تۇڭعىش پرەزيدەنتى نۇرسۇلتان نازارباەۆ سايلاۋ ۋچاسكەسىنە بارىپ، داۋىس بەردى.

"قۇرمەتتى قازاقستاندىقتار! بۇگىن پرەزيدەنت سايلاۋى ءوتىپ جاتىر. حالىق تەك پرەزيدەنت ەمەس، ءوز بولاشاعى ءۇشىن تاڭداۋ جاساپ جاتىر", - دەدى نازارباەۆ.

سەنات سپيكەرى داريعا نازارباەۆا №138 سايلاۋ ۋچاسكەسىندە داۋىس بەرگەن.

پرەمەر-مينيستر اسقار مامين تاڭعى 07:30-دا داۋىس بەرگەن ەكەن.

ۆيتسە-پرەمەر گۇلشارا ابدىحالىقوۆا دا العاشقىلاردىڭ ءبىرى بولىپ داۋىس بەردى.

قر مادەنيەت جانە سپورت ءمينيسترى ارىستانبەك مۇحامەديۇلى ءوز تاڭداۋىن جاسادى.

قر قورعانىس ءمينيسترى نۇرلان ەرمەكباەۆ سايلاۋ ۋچاسكەسىنە كەلىپ داۋىس بەردى.

نۇر-سۇلتان قالاسىنىڭ اكىمى باقىت سۇلتانوۆ باس قالاداعى № 138 سايلاۋ ۋچاسكەسىندە داۋىس بەردى.

الماتى وبلىسىنىڭ اكىمى اماندىق باتالوۆ ءى.جانسۇگىروۆ اتىنداعى مادەنيەت سارايىندا ورنالاسقان سايلاۋ ۋچاسكەسىندە داۋىس بەرىپتى.

سولتۇستىك قازاقستان وبلىسىنىڭ اكىمى قۇمار اقساقالوۆ تا داۋىس بەرىپ، حالىقتى سايلاۋعا بەلسەندى ارالاسۋعا شاقىردى.

باتىس قازاقستان وبلىسىنىڭ اكىمى التاي كولگىنوۆ بالالارىمەن بىرگە بارىپ داۋىس بەرگەن ەكەن.

الماتى اكىمى باۋىرجان بايبەك داۋىس بەرۋگە جارىمەن جانە ۇلىمەن كەلدى. قالا اكىمى №40 مەكتەپتە ورنالاسقان № 235 سايلاۋ ۋچاسكەسىندە داۋىس بەردى.

شىمكەنت قالاسىنىڭ اكىمى عابيدۋللا ءابدىراحىموۆ تا ءوز تاڭداۋىن جاساپ، "ينستاگرامم" جەلىسىندە حالىقتى سايلاۋعا شاقىردى.

پاۆلودار قالاسىنىڭ اكىمى ءانۋار كۇمپەكەەۆ №22 مەكتەپتە №75 سايلاۋ ۋچاسكەسىندە داۋىس بەردى

پاۆلودار وبلىسىنىڭ اكىمى بولات باقاۋوۆ داۋىس بەرۋگە جارىمەن جانە ءتورت بالاسىمەن بىرگە باردى.

ماڭعىستاۋ وبلىسىنىڭ اكىمى ەرالى توعجانوۆ اقتاۋ ۋاقىتى بويىنشا 08:30-دا داۋىس بەردى.

سونداي-اق، پرەزيدەنت اكىمشىلىگىنىڭ جەتەكشىسى باقىتجان ساعىنتاەۆ تا، ىشكى ىستەر ءمينيسترى ەرلان تۇرعىمباەۆ تا ءوز ۋچاسكەلەرىندە داۋىس بەرگەن.

نۇر-وتان پارتياسىنىڭ ۇمىتكەرى قاسىم-جومارت توقاەۆ.

اق جول پارتياسىنىڭ ۇمىتكەرى دانيا ەسپاەۆا.

اۋىل پارتياسىنىڭ ۇمىتكەرى تولەۋتاي راقىمبەكوۆ.

كوممۋنيستەر پارتياسىنىڭ ۇمىتكەرى جامبىل احمەتبەكوۆ.

"ۇلت تاعدىرى" رەسپۋبليكالىق ۇيىمىنىڭ ۇمىتكەرى ءامىرجان قوسانوۆ.

كاسىپوداقتار فەدەراتسياسىنىڭ ۇمىتكەرى امەنگەلدى تاسپيحوۆ.

"ۇلى دالا قىراندارى" قوزعالىسىنىڭ ۇمىتكەرى سادىبەك تۇگەل.

پرەزيدەنتتىككە تۇسكەن جەتى ۇمىتكەر دە وزدەرى تىركەلگەن سايلاۋ ۋچاسكەلەرىنە كەلىپ، داۋىس بەردى.

Abai.kz

6 پىكىر