بەيسەنبى, 28 ناۋرىز 2024
سايلاۋ 4057 2 پىكىر 9 ماۋسىم, 2019 ساعات 14:06

«امانات» ازاماتتىق پلاتفورماسى سايلاۋ بارىسىنا قاتىستى العاشقى ەسەبىن جاريالادى

سايلاۋعا قاتىستى بۇگىن ساعات 11:00-گە دەيىن 14 بۇزۋشىلىق تىركەلدى. ولار نەگىزىنەن بولماشى سيپاتتاعى تەحنيكالىق جانە ۇيىمداستىرۋشىلىق جاعىنان كەتكەن كەمشىلىكتەر. بۇل تۋرالى الەۋمەتتىك جەلىدەگى تىكەلەي ەفير كەزىندە «امانات» ازاماتتىق پلاتفورماسىنىڭ وكىلى مۇرات ابەنوۆ ءمالىم ەتتى.

بۇگىن ساعات 12:00-دەگى جاعداي بويىنشا قازاقستاننىڭ بارلىق اۋماعىنداعى سايلاۋ ۋچاسكەلەرى «امانات» ازاماتتىق پلاتفورماسىنىڭ تاۋەسىز بايقاۋشىلارىمەن قامتىلدى. قازىرگى ۋاقىتتا 10 مىڭعا جۋىق بايقاۋشى مەن 400-دەن استام ءموبيلدى كاپيتاندار بارلىق وبلىستاردا بايقاۋ شارالارىنا قاتىسۋدا. «امانات» تاراپىنان بايقاۋ شارالارى ۋاقتىلى باستالدى.

«جالپى، ساعات 11:00-گە دەيىن 14 بۇزۋشىلىق تىركەلدى. سايكەسىنشە، ولار بويىنشا اكتىلەر قۇرىلدى، بۇل بۇزۋشىلىقتار بولماشى سيپاتتاعى بۇزۋشىلىقتار.  ياعني، ولار تەحنيكالىق-ۇيىمداستىرۋشىلىق سيپاتتاعى كەمشىلىكتەر. سونىمەن قاتار 50-گە تارتا اۋىزشا ەسكەرتۋ جاسالدى جانە ولار بويىنشا سايلاۋ كوميسسيالارى شۇعىل شەشىم قابىلدادى»، - دەدى «امانات» ازاماتتىق پلاتفورماسىنىڭ وكىلى مۇرات ابەنوۆ. وسى ورايدا ول تۇعىرماناما تاراپىنان بايقاۋشىلىق قىزمەتتى اتقارىپ جۇرگەن ارىپتەستەرىن قازاقستاننىڭ زاڭدارى تالاپتارىن قاتاڭ ۇستانۋعا شاقىردى.

ايتا كەتەيىك، جاڭادان قۇرىلعان «امانات» ازاماتتىق پلاتفورماسى بۇگىنگى سايلاۋعا قوعامدىق مونيتورينگ جۇرگىزۋدە. ءتۇرلى قوعامدىق ۇيىم وكىلدەرىنەن قۇرالعان توپ ساياسي ناۋقانعا بارىنشا بەلسەندى قاتىسۋدا. وسىلايشا، ەلىمىزدەگى ءار سايلاۋ ۋچاسكەسىنە «اماناتتىڭ» اتىنان ءبىر ادامنان بەكىتىلگەن.

تۇپنۇسقا: قازاقپارات

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516