جۇما, 19 شىلدە 2019
تاعايىنداۋ 1229 9 پىكىر 17 ماۋسىم, 2019 ساعات 14:45

مادەنيەت جانە سپورت ءمينيسترى اۋىستى

بۇگىن، 17 ماۋسىم پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ وتىرىسى ءوتىپ، دەپۋتاتتار مادەنيەت جانە سپورت ءمينيسترى لاۋازىمىنا تاعايىندالاتىن اقتوتى رايىمقۇلوۆانىڭ كانديداتۋراسىن قولدادى. بۇل تۋرالى قر پارلامەنتى ءماجىلىسىنىڭ ءباسپاسوز قىزمەتى حابارلادى.

بۇل ماسەلە «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس كوميتەت وتىرىسىندا قارالدى. پرەمەر-ءمينيستردىڭ تاپسىرماسى بويىنشا كانديداتتى پرەمەر-مينيستر كەڭسەسىنىڭ باسشىسى عالىمجان قويشىباەۆ تانىستىردى.

ءماجىلىستىڭ الەۋمەتتىك-مادەني دامۋ كوميتەتىنىڭ مۇشەلەرى ا. رايىمقۇلوۆاعا بىرقاتار سۇراقتار قويدى. قازاقستان رەسپۋبليكاسى پارلامەنتى ءماجىلىسى الەۋمەتتىك-مادەني دامۋ كوميتەتى وتىرىسىنىڭ قورىتىندىسى بويىنشا «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس قازاقستان رەسپۋبليكاسىنىڭ پرەمەر-ءمينيسترى ۇسىنعان اقتوتى راحمەتوللاقىزى رايىمقۇلوۆانىڭ كانديداتۋراسى مادەنيەت جانە سپورت ءمينيسترى لاۋازىمىنا تاعايىنداۋ ءۇشىن ۇسىنىلدى.

Abai.kz

9 پىكىر