سارسەنبى, 17 شىلدە 2019
574 1 پىكىر 18 ماۋسىم, 2019 ساعات 10:34

قىرعىزستاننىڭ ەكس-پرەزيدەنتى كوررۋپتسياعا قاتىسى بار دەگەن كۇدىككە ءىلىندى

بىشكەك جىلۋ ەلەكتر ستانتسياسى بويىنشا ەلدىڭ ەكس-پرەزيدەنتى المازبەك اتامباەۆقا قاتىستى بولەك تەرگەۋ باستالدى. بۇل جونىندە ۇلتتىق قاۋىپسىزدىك مەملەكەتتىك كوميتەتىنىڭ تەرگەۋ باسقارماسىنىڭ باسشىسى ساميدين ۋلۋ ساگىنبەك مالىمدەدى.

تەرگەۋ ماتەريالدارى باس پروكۋراتۋراعا جىبەرىلگەن.

17 ماۋسىمنان باستاپ جوگوركۋ كەڭەشتە ەكس-پرەزيدەنت المازبەك اتامباەۆتى تيىسپەۋشىلىك قۇقىعىنان ايىرۋ جونىندە ارنايى دەپۋتاتتىق كوميسسيا جۇمىس ىستەپ جاتىر.

دەپۋتات كانىبەك يماناليەۆتىڭ ايتۋىنشا، اتامباەۆتىڭ ءوزى جەس-ءتى مودەرنيزاتسيالاۋ جونىندە شەشىم قابىلداعان.

2018 جىلدىڭ 26 قاڭتارىندا ورىن العان بىشكەك جەس اپاتىنان كەيىن ءۇش بىردەي قىلمىستىق ءىس قوزعالعان. تەرگەۋ ءىسىنىڭ مالىمەتى بويىنشا، جاۋاپتى تۇلعا ستانتسيانى جوندەۋ ءۇشىن ەڭ كوپ اقشا سۇراعان قىتايلىق كومپانيانىڭ مۇددەسىن قولداعان. جوندەۋ جۇمىسىنا مەملەكەت بيۋدجەتىنەن 386 ملن دوللار قارجى بولگەن.

بۇگىندە بۇل ءىس بويىنشا 8 ادامعا قىلمىستىق ءىس قوزعالعان. ولار - ەلدىڭ بۇرىنعى پرەمەر-مينيسترلەرى ساپار يساكوۆ، جانتورو ساتىبالديەۆ، بۇرىنعى ەنەرگەتيكا ءمينيسترى ايبەك كاليەۆ جانە ت.ب. تۇلعالار.

Abai.kz

1 پىكىر